Izaía 13:21 - O Mikanda Ikola

²¹ Maji o iama ia mikáu ia kukuta, muene mu ia kà bhanga kibuta kiâ kia kunhohena; o jinzu jâ ja kèzala ni iama ia temanana; mueneʼomo o iminzoue ionéne, muene mu ia kà tunga; ni imbiámbidi ia kà tuka-tuka jinga mueneʼomo.

Izaía 13:21 ပူးပေါင်းရင်းမြစ်များ

Izaía 14:23

Muene nga kà mu kitula undundu ua tuhombo ni inzunzu, u di bhanga izanga ia menha; anga ngi kuata kiezu kia dibuikilu ngʼa kombela mu dibuikilu, eme Jihova dia Ilômbo.

Izaía 23:13

Talenu o ixi ia Kaldeia; o mundu iú ki u di bhangele luua mundu; Asídia ua i andekela phala oso a tungile mu kikangalakata; a iudika jimbonge jê, ia a tungu o mazemba mê; maji kindalʼiki-phe ioso muene ia budika kiá.

Izaía 25:2

Kuma mbanza ua i kitula ndunji ia matadi, o mbanza ia di-fikidila ni kimbaka ua i bhange ngundu-élele; o kilômbo kia jinzuangiza phala ki ki kale dingi mbanza, ka kà tona dingi ku ku tunga.

Izaía 32:14

Mbata dizemba dia kà xala ngundu, muxindu ua diembu ua-nda kubhua-ku; Ofele, ni tuthondo tua tungudita tua alangi, tua kà xala jingenda katé ku hádia, tu kala phala matonokenu ma mikete ku mukáu, ni makêla phala ibhaku,

Jelemiia 50:39

Kiene kia-ndo bhekesa kuila mu tunga ngó iama ia ixi ia kisekele ni iama ia mukáu mu ikolo; ni i minzoue muene ue mu ia kà tunga; ki mungu dingi mua kà kala athu, mba kutungamu, ku tunda muiji kuiza muiji.

Ijila 11:16

ni kihendembumba, ni kangimbi, ni mukuku, ni kaháula, ni oso akua kidifua kiê.

Mikeia 1:8

Mukonda dia kiki nga kà di ta mutendu, nga kà buza, nga kʼenda kala muthu a mu bhûndu, ua xala tuẋi; nga kà di ta mutendu kala ki bhanga o jimbulu, nga kà dikola kala kihendembumba.

Sofoniia 2:14

Mu kaxi kâ mua kà di bhanga dikèla dia kunhohena jimbudi ni ibhaku ioso ia athu; o iama ia mukáu ue, muene mu nangu diâ; o isaka ni minzoue ia kà tunga mu jinzo ja thandu, dízui dia kuimba kuâ a divila mu jinjanela, o bhu mielu bhua kà di bhanga maxita, mukonda o maleka ni huua ia sédulu kʼonzo a i katula-ku kiá.

Dijingunuinu 18:2

Muène anga u di kola ni dízui dia suina, uixi: Ia jimi! O Babilónia ia dikota ia jimi! Mua biluka ditungilu dia madimonho, disuamenu dia nzumbi joso jaiibha. Mua kituka kibuta mu tunga o njila joso jaiibha ja ifusa!