Izaía 13:20 - O Mikanda Ikola

²⁰ Ki mua kà kala dingi muthu u tunga-mu, ki mua kà kala u bhanga-mu dingi dibhata ku tunda muiji kuiza muiji; né mukua Alábia ka kà phapha-mu o balaka iê, mba ue kiá ngó abidi kuzekesa-mu o ilunga iâ.

Izaía 13:20 ပူးပေါင်းရင်းမြစ်များ

II Malunda 17:11

Amoxi-mu hanji ku jifilisteu eza jinga ni maujitu kua Jozafate, ni kitadi kia lubhaku; o akua Alábia ue a mu bhekela ku imuna iòfele, sambuadi dia midi ni hama sambuadi ia ilumbe ia jimbudi, ni sambuadi dia midi ni hama sambuadi ia isutu ia jihombo.

Jobe 3:7

Auá! Usuku uenhó u kale ni ngùnzu; uile kala muhatu ua mbaku ua lémbua kuvuala; o mimbu iambote ia kusanguluka kana ku imba-mu.

Mukumbi ua Mikumbi 1:7

Ngi tangele-phe hanji, eie kaiala a kuzola kuala o muenhu uami: Kuebhi kua mu dila o kilunga kié? O mu kaẋi ka muanha uatu, o kilunga kié ki nhohena kuebhi? Phala ki ngi kale mu kunhunganena ngó bhu mbandu, a ilunga ia akuenu.

Izaía 14:23

Muene nga kà mu kitula undundu ua tuhombo ni inzunzu, u di bhanga izanga ia menha; anga ngi kuata kiezu kia dibuikilu ngʼa kombela mu dibuikilu, eme Jihova dia Ilômbo.

Izaía 21:1

Muzambu ua tokala kiphenza kia kizanga kia kalunga. Kala o ibhungu ia kitembu kia sulu ki kungulula ioso, kiene ue kia kà tunda muene ku kikangalakata, ku mukáu u kuatesa uoma.

Izaía 25:2

Kuma mbanza ua i kitula ndunji ia matadi, o mbanza ia di-fikidila ni kimbaka ua i bhange ngundu-élele; o kilômbo kia jinzuangiza phala ki ki kale dingi mbanza, ka kà tona dingi ku ku tunga.

Izaía 34:17

Kuma muene ua i tela jisorte ja ku i uanena oxi, o lukuaku luê luene lua kuata mukolo mu ku a zongela-iu; a kà i vuila-ku kiá muene; a tunga muenhomo, kutunda muiji, kuiza muiji.

Jelemiia 49:33

Bheneʼobho, Hazole ua-nda ku kituka tungilu dia midikixi, ngùndu i nangenena; ki bhua kà kala u tunga-mu mba monʼa muthu u bhanga-mu dibhata.

Jelemiia 50:13

Mukonda dia njinda ia Jihova, ki mua kà kala muthu u tunga-mu, maji ia kà kituka ixi ia kibuika ngó, kuabhu; uoso u bhita mu Babilonha ua kà diuana, anga u xika muixi kia mona o mabhebhu mê moso.

Jelemiia 50:21

Banda mu kuzoka ni Melataimi, banda u zoke-nê, ni iá ue a tungu bhu Pekode; jimisa muene o mbutu, sengulula ioso kuema diâ, Jihova ua ki tange, u bhange ioso kala ki nga ku tumu.

Jelemiia 50:3

Mukonda kua muʼendela muiji ua kusuku ueza mu kuzoka-nê, ua-nda kubhangesa kuila ixi iê i kituka ixi ia ngùnzu, ki i moneka uoso u tunga-mu; tundé ku muthu tulé ku iama ene oso a lenge, aii muene, lalá!

Jelemiia 50:39

Kiene kia-ndo bhekesa kuila mu tunga ngó iama ia ixi ia kisekele ni iama ia mukáu mu ikolo; ni i minzoue muene ue mu ia kà tunga; ki mungu dingi mua kà kala athu, mba kutungamu, ku tunda muiji kuiza muiji.

Jelemiia 50:45

Kala kiki, ivuenu kaiula ka Jihova ka te mu kuzoka ni Babilonha, ni ixinganeku iê ia kanena na-iu ixi ia akua Kaldeia, uixi, ni kidi muene, ka kilunga né kòfele, kʼaia muene ni ku a kuka, kuma dibhata diâ hádia di xala ngùndu kidi muene.

Jelemiia 51:25

Eme bhabhʼú, mu kuzoka nʼeie, eie u mulundu ua kimuanga u muanga ixi ioso, Jihova ua ki tange; lukuaku luami ngi lu sunununa mu kuzoka nʼeie, ngi kumbolomuena muene ku matadi, anga ngi ku bhanga mulundu ua túbhia.

Jelemiia 51:29

Kieneʼokio-phe o ixi ia kà teketa, mbata o ixinganeku ioso ia Jihova ia nguzu mu kuzoka ni Babilonha, phala kubhangesa kuila ixi ia Babilonha i kala ngùndu ki i mono athu a tunga-mu.

Jelemiia 51:37

O Babilonha anga u kituka maxita, u di bhanga tungilu dia jinhoka ja ibha, kisunji, mu ku mu mona athu a xika muphióphio, ni umoxi ngó u tunga-mu ka moneka.

Jelemiia 51:43

Jimbanza jê joso ja kituka bhoxi-mavu, ixi ia kukuta, ia di bhange kikangalakata, ixi ki i moneka uoso u tunga-mu, mba mu bhita ngó monʼa muthu.