Izaía 13:19 - O Mikanda Ikola

¹⁹ Babilonha, o makembu ma akua jixi, muene o fuma ni izala ia akua Kaldeia, ua kèza bhua Sodoma ni Ngomola, kioso Nzambi kia a sengulula.

Izaía 13:19 ပူးပေါင်းရင်းမြစ်များ

Dimatekenu 19:24

Kienhokio Jihova anga u nokesa xofidi ni túbhia ku thandu dia Sodoma ni ki thandu dia Ngomola, tua laúka kua Jihova ku diulu;

Dimatekenu 19:25

anga u buikisa o jimbonge joso jenhojo, ni ngânga ioso ienhoio ni athu oso akua bhata momo, ni miẋi ni iangu ia kexi mu sabhuka bhoxi.

Izaía 13:1

Kisuma kia Babilonha, kia diuana Izaia, monʼa Amoji.

Izaía 21:9

Talenu! Kindala kù kuiza kifuxi kia mala, ni iá a mondala, ala kuiza ku kiiadi-kiiadi. Muene-phe ua kumbulula, uixi: Babilonha ia jimi, ia senguluka muene! Ni iteka ioso ia kusonga, ia jinzambi jê, ia di-vundu bhoxi ii ia bukujuka.

Izaía 47:5

Xikama-phe, uile hudí, nʼu kutuke mu kikote muedi bui, eie u mona-kilumba ua jikaldeu, kuma ki bhua kà kala dingi ku ku ixana, exi: Muene mvuale ia mautuminu a jixi.

Izaía 48:14

Bhongolokenu enu-oso, mu ivue: Mukuahi mudiâ uene mu kunda o ima iii? Ió Jihova ua mu zola, muene ua-nda ku kumbidila o vondadi ia muene, bhu kaẋi ni Babilonha, lukuaku luê lu balukile akua Kaldeia.

Jelemiia 25:12

Kia kà bhita-phe kiki: kuila makuinhi sambuadi a mivu a tenena kiá, sobha ia Babilonha ni muiji uenhú, nga kà a zungila, Jihova ua ki tange, kikuma kiê ni kia ixi ia akua Kaldeia, ngi ki bhana kaxtiku, nga-nda kua kà a kitula jingundu ji xalelà-ku.

Jelemiia 49:18

Ua kèla kala bhu kibuika kia Sodoma ni Ngomola ni iá a zukamene na-u, kiene kia tange Jihova; ki bhua kà moneka uoso u tunga bhobho, monʼa muthu u tunga bhobho ka moneka.

Jelemiia 50:40

Mukuá ni Nzambi kia jikinisa Sodoma ni Ngomola ni jimbanza ja zukamene na-ju, kiene kimoxi ue momo ki mua kà kala u tunga-mu, mba monʼa muthu u tá-mu dibhata, Jihova ua ki tange.

Jelemiia 51:26

Momuʼè ka kà katula-mu ditadi dia thungi mba ditadi dia ku tela madisesa, mukonda eie ua kà kituka o ngùndu i nangenena; kiene kia tange Jihova.

Jelemiia 51:29

Kieneʼokio-phe o ixi ia kà teketa, mbata o ixinganeku ioso ia Jihova ia nguzu mu kuzoka ni Babilonha, phala kubhangesa kuila ixi ia Babilonha i kala ngùndu ki i mono athu a tunga-mu.

Jelemiia 51:41

Sezake a mu tambula, tata! O matunda ma ixi ioso a ma kuata muene mu kitukumuise! Babilonha ua di bhange kisunji mu kaxi ka akua jixi,

Jelemiia 51:62

Hé ua kà zuela, uixi: Jihova, tata! Eie ua zuela ku mbandu ia kididi kiki, kuila ua-nda ku ki jimisa muene, katé ki bhu xala uoso u tunga-bhu, tundé ku muthu katé ku iama, maji ki biluka muene ngùndu i nangenena.

Daniiele 4:30

Sobha-phe u kumuna, uixi: Abha iii ki iene mbanza iadikota ia Babilónia i nga tunga eme, ngixi diene o dibhata dia ungana, dia tundu ku undanda uami, phala kijingo kiami kiie ni kufumana?

Amoji 4:11

Amoxi mu kaxi kenu nga a lungulula o miẋima mukuâ ni Nzambi kia lunguluile Sodoma ni Ngomola; enu-phe, enu mua di bhange kala kixinji kia luhuinhi luókatule bhu jiku! Sumbala kiene, maji hanji-phe mua lémbua kudiela ni mu bhiluke kokuami, Jihova ua ki tange.

Sofoniia 2:9

Kala kiki, mu kidi kiene, Eme Jihova dia ifuẋi, Nzambi ia Izalaiele, nga lokela muenhu uami kuma Mouabhe ubuika kala Sodoma, anʼa Amone a di bhanga kala Ngomola; o ixi iâ i di bhanga kangu dia môngua, mu sabhuka isása i xixima, i biluka ngundu i nangenena, kuma ene aia muene nzaká, kà moneka dingi. O ió oso a subhuka ku mundu uami, a kà kituka ene tubhinganu tuâ, a subhuka ku athu ami a kʼèza hé a a kuata anga a avua.

Loma 9:29

O Izaia ue ua ki zuela, uixi: O Ngana dia ifuẋi se ua kambele ku tu xia mbutu, hinu tueza bhua Sodoma, hinu tua bhiluka kala Ngomola.

Matendelelu 29:23

Mù kuila mua bhiti mbòmbe ia xofidi ni môngua oxi ioso ia seluka iazubha, kuma ia lémbua kuima, ia lémbua kusabhukisa ngó dife dimoxi; mbambe ni kia bhitile mu Sodoma, ni Ngomola, ni Adama ni Nzebouime, a a buikisile kuala Jihova kia mu kuatele o njinda ié ni kutema kuê.

Dijingunuinu 18:11

O jingenji ja kufuna mu ngongo, a kà mu dila jingololo, mukonda kana muthu dingi u sumba o mauenji mâ.

Dijingunuinu 18:19

Ene anga a di kunga mavu mu mítue, a di kola, a ta mbûndu, exi: Uaué! Uaué! O mbanza ia dikota, tata, mua kexile kumuena itadi akua jinaviiu, mukonda dia umvuama uê! Mu kumbi dimoxi, ua biluka ngûndu!