Izaía 13:18 - O Mikanda Ikola

¹⁸ O mifula iâ iene ia kà sasujula o minzangala; ni mona uala mu mala ka kà mu kuatela henda; o mesu mâ ki ma kà kala ni henda ia anandenge.

Izaía 13:18 ပူးပေါင်းရင်းမြစ်များ

II Jisobha 8:12

Kuala Hazaiele: Eie nganʼami, u didilaʼhi? Muene-phe, uixi: Mukonda o phulu i ua-nda bhanga anʼa Izalaiele nga ijiia kiá; o imbaka iâ ua-nda kua kà ioha mu túbhia, o minzangala iâ ia mala ua-nda kua kà a jibha ku xibhata, o tuana tuâ ua kà tu sanujuna, o ahetuʼâ a kà kala mu mikutu iiadi, ua-ndo kua kà a bazesa o mavumu.

II Malunda 36:17

Mukonda Jihova ua bhangesa sobha ia jikaldeu kubanda o minzangala iâ, muene iu ua i jibha ku xibhata, mu inzu ia dibhezelu diê; o minzangala ia mala muene ka i kuatela dingi henda mba o ilumba, mba adiakime a kuka kiá, mba ikulakaji ia kukidila; maji ene oso ua a bhakula bhu lukuaku luê.

Jisálamu 127:3

Iala-ze! O ana, uene undundu u tunda kua Jihova; o ibundu ia divumu ue, muene u ku bhana-iu, kuma jene o jihuuilu.

Izaía 13:16

Tuana tuâ a ka tu sasujula ku mesu mâ ma kumona; mabhata mâ a kà ma bhûnda, o akajiʼâ a ka a bhanga ufusa.

Izaía 47:9

Maji o ima iiadi ienhiʼii-phe ia-nda kuiza ku thandu dié mu kathangana kamoxi, mu kizuua kimoxi ufunda ana, o utudi u ku iza ue; ima iii ia-nda kuiza muene ku thandu dié ni nguzu ioso, mukonda eie uanga ua u tundisa, mukonda dia maumbanda mé kuvula.

Izaía 5:28

O matoma ma mifula iâ, ma kà songoloka, ni mifula iâ ioso, muene, iolama; o ikoto ia jikabalu jâ, ufika kala ʼtadi dia holototo, o malola ma makalu mâ malenga mukua ni ngumba ia kitumba.

Jelemiia 18:21

Kienhiki-phe, anʼâ a bhakule ku nzala, u a bhakule ue ku nguzu ia xibhata, akajʼâ a a nhane o tuana, ene uâ a xale atudi; a muadi uâ a bhituke ku phoko ia kalunga, o anʼâ a mala a a kuame ku xibhata mu kubhânga mvunda.

Jelemiia 5:16

O kizu kiâ ufika kala mbila ia jikuka: Ene oso mazonda mu mazonda.

Jelemiia 50:30

Kala kiki minzangala iê ia mala a-nda ku fuila mu jinzunga; o makuenziʼê oso a ita bhu kizuuʼokio, a-nda ku a vuza, Jihova ua ki tange.

Jelemiia 50:42

A ka kuata mifula ni madionga bhu maku; athu a di kake, kʼejiia ku kuatela henda; dízui diâ dia kà numina kala musanza ua kalunga, a kʼendela ku jikabalu mukuá ni muthu u lengela kuia ku ita, mu kuzoka nʼeie, monʼa kilumba ua Babilonha.

Jelemiia 51:22

Ni diiala ni múhetu ngʼa sasujula ni eie; ni munzangala ni ua kuka ngʼa sasujula nʼeie; ni munzangala ua diiala ni kilumba kia muzeletete ngʼa sasujula nʼeie.

Jelemiia 6:23

A-nda kua kʼèza ni mufula ni dionga; ene isuéia-phe ka xikina kulenduka; kibulukutu kiâ ki zuma mukuâ ni mabhuku, endela ku jikabalu, a di zeleka kala makuenze ma ita phala ku ku balukila eie, monʼa kilumba mu Ziione.

Izekiiele 9:10

Kala kiki, eme uami ue, diesu diami ki dia-nda kukondeka muthu mba ngi kuatela henda; nga-nda kulunduluila o njila iâ ku thandu dia mítue iâ.

Daniiele 7:5

Ngi kuata kutala, talesa, kumoneka kiama kia kaiadi, kia di-fu ni ursu, kia bhetuka mbandu imoxi, o ku maju kiazenzeka jimbanji jitatu, iá a ki ambela, exi: Balumuka, kokota xitu ia nzungule.

Hozeia 13:16

O Samádia kuêla kua kikuma kiê ua kʼenda na-ku, kuma ua kà senguluka, mukonda ua kitukila Nzambi iê; anʼê a ka a sasujula mbata a kà di bhala ku xibhata, o mavumu ma akajiʼâ oso emita, hinu a kà a tandula muene muaʼaxaxe.

Nahumu 2:1

O Mubuikixi ua ku kala kiá ku pholo ié; eie-phe langa o mbonge, ta alangidi mu njila, suína u di kute bhu kinhonga, handamana muene kioso ki ua tena.

Nahumu 3:10

Sumbala kiene, maji muene ue a mu ambata aii-nê, ku ubhika; katé ni tuana tuê a tu sana-sanena mu jihota joso ja jinzunga; o ilamba iê ioso anga a i tela jisorte; ni makota mê moso a a kuika ku malubhambu.