Izaía 13:14 - O Mikanda Ikola

¹⁴ Kala muthu-phe, ua kèla kala mbámbi ia mu lenga, mukuâ ni mama ia mbudi ia kambe uoso u i bokuesa; kala muthu ua kʼalukila kokuâ, muthu ni muthu ua kà lengela kʼoxi iê.

Izaía 13:14 ပူးပေါင်းရင်းမြစ်များ

I Jisobha 22:17

Bhenhobho muene, uixi: Izalaiele ioso nga mu mono ua di muangena mu milundu, kala jimbudi ja kambe kabhila; anga Jihova u zuela, uixi: Athu iá kʼala ni ngana iâ; a vutuke ni uembu, muthu ni muthu aie mʼonzo iê.

I Jisobha 22:36

Anga mu kifuẋi mu bhita ngonge kia zubha dikumbi kujika, exi; Kala muthu ni muthu aie ku sanzala iê, kala muthu ni muthu a vutuke kʼoxi iâ!

Izaía 17:13

Akua jixi a kà numina kala kiene kunumina dibhubha dia menha, maji Nzambi ua kà a bazela, anga a kà lengela dikanga; ene a kà a kaia kala ibhiate ku mulundu, kia i bhitula kuala o kitembu, mukuâ ni fufutila ia mavu, kia i nhangumuna kuala o kitembu kia nguzu.

Izaía 21:15

Kuma a mu lenga jixibhata, a mu lenga xibhata iôfomone, ni mufula uʼo oleke, ita ni kuene xiki-xiki.

Izaía 47:15

Athu oso u ua kalakala jinga-nâ, kiene kia-nda ku ku kalʼiki; jingenji jé ji ua funa na-ju tundé undenge, a kà ku ehelela; kala muthu ua-nda ku di-texila ni njila iê; o u ku bhulula eie, ka kà moneka.

Jelemiia 25:12

Kia kà bhita-phe kiki: kuila makuinhi sambuadi a mivu a tenena kiá, sobha ia Babilonha ni muiji uenhú, nga kà a zungila, Jihova ua ki tange, kikuma kiê ni kia ixi ia akua Kaldeia, ngi ki bhana kaxtiku, nga-nda kua kà a kitula jingundu ji xalelà-ku.

Jelemiia 50:16

Uoso u kuna ni ió uoso uambata kibholola bhu thembu ia kumuna, mu Babilonha mu tukudienumu; mukonda dia xibhata ia bhinjika, kala muthu ua-nda ku vutukila ku kifuẋi kiê, o muthu ni muthu anga u lengela ku ixi iâ.

Jelemiia 51:9

Kuma Babilonha tuandelele ku mu saka nʼa disanze maji muene ua lémbua kudisanza; muʼambudisienu, kala muthu aie ku ixi iê; mbata difundisilu diê dia bhixila ku diulu, dia di leka tulé ku matuta a suku-ku bhulu.

Nahumu 3:18

Kuma o tubhila tué eie sobha ia Asídia aii ku kilu, o ilamba ié ala mù koxila; o mundu ué ua di muangena mu milundu sé ngó kumona muthu utena ku a phopha ni ku a bhongolola.

Matesu 9:36

Kia mono ifuxi-phe, u a kuatela henda, mukonda atate, a di mauange kala jimbudi ja kambe mubidi.

Marku 6:34

Muene kia zubha kutomboka, u sanga kifuẋi kia dikota, anga u a kuatela henda, kuma edi kala jimbudi ja kambe mubidi. Anga u kuata ku a longa ima iavulu.

I Phetele 2:25

Kuma enu mua jimbidile kala mu jimbudi ja jimbila o njila. Maji kiki-phe a mi vutula dingi mu bhongolokela kukaiela o Mubidi, Muingi ua mienhu ienu.