Izaía 13:13 - O Mikanda Ikola

¹³ Kienhiki, maúlu nga kà a tungutisa; o ixi ia kà sondoloka bhu kididi kiê, mukonda dia njinda ia Jihova dia Ilombo Ieta, ni mukonda dia kizuua kia njinda iê ia muzukuta.

Izaía 13:13 ပူးပေါင်းရင်းမြစ်များ

Jobe 9:6

Muene u tena kusondolola o mavu bhu kididi kiê, anga ngunji jê ji tunguta muène.

Jisálamu 18:7

Bhenhobho ixi i tunguta, hé i teketa; madisesa ma milundu ma setuka bhu kididi; kua teketa mukonda njinda ia mu kuata.

Jisálamu 88:16

Túbhia tué tua njinda tua ngʼaula, kuma tua ngi bhiti ku thandu; o jikaxtiku jé nga bhuuama na-ju.

Izaía 2:19

Kieneʼokio athu a kà bokona mu mabanda a matadi ni mu makungu bhoxi, mukonda dia kutukuluka kua Jihova kukola, ni mukonda dia fuma ia unéne uê, kioso muene kia kà balumuka phala kudiuanesa oxi.

Izaía 21:1

Muzambu ua tokala kiphenza kia kizanga kia kalunga. Kala o ibhungu ia kitembu kia sulu ki kungulula ioso, kiene ue kia kà tunda muene ku kikangalakata, ku mukáu u kuatesa uoma.

Izaía 23:11

Muene ua senununa lukuaku luê ku musanza ua kalunga, mautuminu ua ma titidisa; Jihova ua bhana ngonge ia kúlua Kanana, phala o jimbonge jê jiie bhoxi.

Izaía 24:1

Talesa, Jihova, ua kà kukumuna oxi anga i xala ngoho, ua kà i bhanga ngundu, o ku thundu diê u tandanganhesa-ku, u i bonguesa, oso a tunga-mu ua kà a muanga.

Izaía 24:18

Kienhokio-phe, uoso ua kèla, iza ngi lenge kibulukutu, ua kà laúka mu diela, o kiela ngi tunda mu diela, utudila mu mùkala, ua naminina; mukonda bhulu jinjanena a ji jikula, bhoxi, madisesa ma tunguta.

Izaía 24:19

Oxi ioso ia kà budika, ia kà sekala kuene kuoso; i setuka muene, bhu kididi kiê ki i kalabhu.

Izaía 34:4

O ilômbo ioso iene bhulu ia kà buika, o maulu má kà di-futa-futa kala ndunda ia divulu; kilômbo kiê kioso anga ki laùka kala ki laúka dife ku muvide, mukua ni ki sonoka o kibundu ku mufiku.

Izaía 47:1

Tuluka, xikama mu fufuta eie u muzeletete, mona-kilumba ua Babilonha; xikama bhoxi; kana-bhu dingi kiandu, mona-kilumba mu Kaldeia, kuma ki bhu kala dingi ku ku ixana muzeletete, mba mona bhu kinéne.

Izaía 51:6

Bhetulenu mesu menu ku maúlu, zongolenu mu ngongo bhoxi: kuma maúlu ma-nda kujimuka-ku kala dixi, oxi ue ia-nda kukuka mukuâ ni kizuatu; oso a tunga-mu a-nda ku di-fuila kiòmuene kala ki fua o jihamue; maji o ubhulukilu uami ua kà xalèla-ku, o uiukilu uami ki u xikina ku u buisa-ku.

Izaía 9:19

Mukonda dia njinda ia Jihova dia Ilômbo Ieta, oxi, ia kà vunda, o mundu ua kà kituka kala iangu ia kuoha; ki bhuá kala muthu u kondeka phangʼiê.

Jelemiia 51:1

Jihova uambe kiki: Tala, hádia ngi fundumuna kitembu ki buikisa, mu kuzoka ni Babilonha, ni mu kuzoka ni ió a tungu mu kaxi ka iá ene ku ngi balukila eme.

Kuditenda 1:12

Enu kifua ki kia mi kate, enu muala ku bhita mu kikoka? Ilenu hanji suii mu mone, mba sai-ku dilâmba kala o diami, dia ngʼiza ku handuʼidi; o dilâmbva dia ngi bhondeleka na-diu Jihova, bhu kizuua kia uamene o njinda iê.

Jouele 3:16

Bheneʼobho Jihova ua kà hunza mu Ziione, ua kà bhana mbimbi iê mu Jeluzaleme, ni diulu, ni ixi ia kà teketa. Kieneʼokio Jihova phe ua kà kala lengelu dia mundu uê, muene kimbaka kia anʼa Izalaiele.

Matesu 24:29

Jezú uixi dingi: Kutunda ku phaxi ia izuuʼ oio, dikumbi di vunda, o mbeji i kamba kumuika, o jithethembua ji laúka ku diulu, jinguzu ja maúlu ji tunguta.

Matesu 24:35

Oxi ia kà jimuka, ni diulu, o Maka mami-phe, ki mà jimuka.

II Phetele 3:10

Maji kizuua kia Ngana-phe, hinu kʼiza kala kʼiza o muii. Mu kizuuʼokio o maulu ma kà jimuka ni mutendu ua dikota, ima ioso ia moneka ku mesu iala mu dimbinza, ia kà jokota ku tubhia. O oxi ni imbamba iê ioso iala-mu, ia kà jimuka.

Dijingunuinu 20:11

Kia bhiti imʼíii, nga mono kiandu kia dikota kizela, ni muène ua xikama-bhu. O mu kulenga pholo iê, oxi ni diulu ia jimuka, ki ia moneka dingi ku mesu.