Izaía 13:11 - O Mikanda Ikola

¹¹ Kuma nga kèza kufuta o phulu ia mundu, akuaphulu nga kà a futa kikuma kiâ; akua kudikaka nga kà a bhuisa o izala; o ingulungumba ukumbu uâ ua kà bhua.

Izaía 13:11 ပူးပေါင်းရင်းမြစ်များ

Jobe 40:12

Tonginina oso a di zangeleka, eie u a bhane kusebuluka, akua phulu diota na-u ku thandu bhu kididi kiâ.

Jisabhu 11:31

Se muthu uaiuka u mona phaxi ni lamba mu ngongo, kuambe dingi o mukua-phulu ni mukua-ituxi.

Jisabhu 8:13

Uoma ua Jihova, o kueha kia ibha; nga di zemba ni ukumbu, ni izala, ni uendelu uaiibha, ni dikanu dizuela isunji.

Izaía 11:4

Maji ua kà fundisa jingadiama ni kidi kioso; oso a belesela bhoxiʼabha ua kà a bazela sé ngó katungu. Maji oxi ua kà i nemeka ni mbangala ia dikanu diê, mukua-phulu ua kà mu jibha ni muha ua dikanu diê.

Izaía 14:21

Monenu phangu ia kijibha kia anʼâ, mukonda dia ikuma ia adiʼâ, phale ka bhetuke nʼeza muvua oxi, ngongo nʼa izalese ni jisanzala.

Izaía 14:5

Mbangala ia akua-phulu Muadi Jihova lelu ua i bukula, o mbasá ia atumini-a-jixi ue kiómuene.

Izaía 2:11

O mesu ma bhumu, ma athu, a kà a tululula; o kuzangalala kua makuenze kua kà tunuka; bhu kumbiʼodio Jihova muene ngó a kà mu zangeleka.

Izaía 2:12

Mukonda o kizuua kia Jihova dia Ilômbo Ieta, kuila kieza-bhu, ni mukua ukumbu, ni mukua katènda, ni ió uoso mukua izala, ene-oso a kà a tululula muene.

Izaía 2:17

O kungangamana, ni kuolama kua muthu, a kà ku tununa; ni ku di zangeleka kua makuenze, a kà ku tululula té bhoxi mu mavu; bhu kumbi diodio Jihova muene ngó, ua kà zangalala.

Izaía 22:14

Maji Jihova dia Ilômbo Ieta ua ngʼivisa-kiu mu mátui, uixi: Kikuma kiki, kana, ki nga-nda ku mi loloka-kiu, katé ki ki mi-dia muene o muenhu, eme Ngana, Jihova dia Ilombo Ieta, nga ki tange.

Izaía 23:9

O Jihova dia Ilombo Ieta, muene ua ki bhange, phala kutununa o izala ia makembu osuʼó, ni kusebukisa oso a beta ulamba bhoxiʼabha.

Izaía 24:21

Anga kia kà bhita mu kizuua kieneʼokio kuila: Jihova ue ua kà zungila o ilômbo ia bhulu, mu dinga ni dinga, ni ku jisobha jaʼxi kulu dia mundu.

Izaía 25:3

O kiki kia kà ku fumanesa katé ni ku mundu ua mazonda, o mbanza ia miji ia a-kutênde ia kà ku kuatela uoma.

Izaía 25:5

Eie ua kà tolola o undanda ua athu engi mukua ni munza bhu kididi kia kukuta; mukua ni kambèlembele ka kidituta ki talalesa o muzukuta, kiene ue kia kà sebuluka o muimbu ua isuéia.

Izaía 26:21

Mbata, tala-ze, Jihova ua kà tunda bhu kididi kiê, nda uiza kubhana o njumbu ku iá a tunga mu ngongo, mukonda dia ikuma iâ; o ixi ia kà tukulula manhinga mâ, ki ia kà sueka dingi ió oso a a jibha.

Izaía 29:20

Kuma o kisuéia sai sukilu diê, o semenhi ua kà jikinina, oso a di bhakula mu kubhanga ituxi a kà jima o mbutu;

Izaía 29:5

O jinguma jé ja-nda kukala nzungule kala fufuta, o isuéia ia-nda ku ku vula kala mvindu ia ibhiate isomboka, kindala u tukumuka kia ku iza.

Izaía 3:11

Mukua phulu-phe, lamba diê, ua-nda kutala hadi; mbata a-nda ku mu vutuila kioso kia tokala mu ikalakala ia muku mê.

Izaía 5:15

Bheneʼobho o muthu ua kà tunuka, o kilamba ua kà sebuluka, o mesu ma akua izala a ka a tululula.

Izaía 65:7

Jihova uambe: O ikuma ienu, ni ikuma ia jitata jenu bhamoxi, a kexe mu kuoha o fumasa ku milundu, anga a ngi ẋonguena ku tuthuthulundu; kienhiki ngi vutukila ku a zongela o futu ia ikalakalu iâ iòkulu anga ngʼa lukuila-iu bhu homba iâ.

Jelemiia 48:29

Ku di zangeleka kua Mouabhe tuevu ku ku zuela, ni kidi kiene, muene ua di zangeleka kinéne muene; ni izala iê ni ukumbu uê, ni ku di tudika kuê ni bhu ditala bhuoso bhuala o muẋima uê.

Daniiele 4:34

Maji, kia zubha kúbhua izuua ienhoio, eme Nabukodonozolo, nga bhetula mesu ku diulu, anga ku ngʼiza dingi kilunji, eme nga tanesa Suke-ku, Ió kene mbambe nga mu ximana, nga mu kola fuma, mbé utuminu uê utuminu ua kunangenena, o usobha uê, kutunda muiji kuiza muiji.

Habakuke 2:4

Talesa muthu ua di zangeleka! O muẋima uê u nanuka ni ukumbu, kuma ki ua iukila kua muene; muthu uaiuka-phe u laiela mu kuxikana kuê.