Izaía 12:6 - O Mikanda Ikola

⁶ Eie ua tunga mu Ziione, imba ni kutana, sanguluka, mbata Dilemba dia Izalaiele, uene momuè, Ukôla.

Izaía 12:6 ပူးပေါင်းရင်းမြစ်များ

Jisálamu 132:14

Iú uambe, uixi: Diene dinhohenu diamʼidi, katé ku hádia ni hádia; bhenhabha nga kubu muene, kuma kiene ki nga solo.

Jisálamu 135:21

Jihova a tane-ku, tunde mu Ziione, kuma muene ua tunga mu Jeluzaleme. Haleluia!

Jisálamu 46:5

Nzambi iú bhobho, muene uala muʼaxaxe kê, kididi kiê ka tena ku ki sendumuna; Nzambi u di meneka mu ku a kudila.

Jisálamu 68:16

Eie u mulundu-phe ua lebha o jisungu, uala mu ialela-hi ni dixinga o mulundu ua mukuá ua solo Nzambi kuta-mu dibhata diê? Jihova ua te muene dibhata diê momo, ka di sendumuna dingi, lémbua!

Jisálamu 71:22

Bhabha eme ue, ngi kuata ku ku ximana jinga ni kakoxi, mbebhu o kidi kié, u Nzambi iami; ngi ku imbila jinga o mimbu ni mbànza, u Muthu Ukôla, Uangene ua Izalaiele.

Jisálamu 89:18

Kuma ngubu ietu ia tu xitila, u Jihova, eie ua i kuata; ni sobha ietu ua tu kala ku pholo, isèngele ia ngene ia Ngana Ukôla ia Izalaiele.

Jisálamu 9:11

Imbenu diximanu dia Jihova, ua tunga mu mbanza iê ia Ziione; o ikalakalu iê iene kubhanga, tangenu-iu mu akua jixi.

Jisálamu 99:2

Jihova kilamba mu mbanza iê ia Ziione; Muene ua zangalala ku thandu dia akua jixi joso.

Izaía 1:24

Uila kiki, Jihova, Nzambi ia Ilômbo Ieta, o Dizonda dia Izalaiele, uixi: Sembele nga di-bhângela bhu pholo ia jinguma jami, ku muẋima ni ku ngi zele, o athu a ngi zembe anga ngʼa vutuila phonzo.

Izaía 10:24

Kala kiki, o Ngana, Jihova dia Ilômbo Ieta, uambe kiki: Eie u mundu uami, ua tunga mu Ziione, ku kale ni uoma ua Asídia, kioso kia ku beta ni mbangala, kioso kia kuzengela ditombe kala kia kexe mu bhanga akua-Ijitu mʼukulu.

Izaía 24:14

Iá a-nda kuzangula dízui diâ, anga emba ni ngalasa; a-nda kuta nzôngo, tunde ku musanza, mukonda dia fuma ia Jihova.

Izaía 24:23

O mbeje ia kà sonoka pholo, dikumbi dia kà kakuka, kioso Jihova dia Ilombo Ieta kia kà hinga o ungana ku mulundu ua Ziione, ni mu Jeluzaleme; kienhokio bhu pholo ia ikulakaji iê bhua kà kala fuma.

Izaía 30:19

Mbata athu a kà tunga muene mu Ziione, mu Jeluzaleme; kua kà dila dingi, kana; kidi kiene, Muene ua kà ku kuatela henda, kabasa eie udikola, o muene kia ku ivua dízui, uà kuitaia.

Izaía 33:21

O muenhomo Jihova ua-nda ku tu kala ditunda, ua kà bhanga kididi kia jingiji ni jihungulule ja dixala; ki mu bhite ulungu uendela ku malemu, ki muendela ue naviiu iadikota, lémbue.

Izaía 33:24

Ki bhua kà kala mukuabhata mu Jeluzaleme uila: Nga kata, lémbua, mukonda o mundu ua kà tunga-mu, ki ua kà kala dingi ni kikuma, mbata o ituxi iâ ioso a kà a loloka-iu.

Izaía 40:9

Eie, tata u muboke-a-njimbu iambote kua Ziione, banda-phe, ku mulundu ua di leka. Eie, tata, u muboke-a-njimbu iambote kua Jeluzaleme zangumuna dízui dié ni nguzu ioso; zangula-diu muene, ku kale ni uoma, u tangele o madiembu ma Juda, uixi: Talesenu, Nzambi ienu iú bhabhʼú!

Izaía 41:14

Ku kale-phe ni uoma, eie u kabamba ka Jakobo, eie u kakifuẋi ka Izalaiele; eme Jihova, ngi ku banda, kuma Mukudi ué, muene Suke-ku, Dilemba dia Izalaiele.

Izaía 41:16

Eie ua kà a bhiata muene bhu mbango anga a phephuluka ni kitembu, o kibhungu-phe kia kà a muanga; maji eie-phe ua kà sangulukila mua Jihova, ua kà di-thathela kua Dilemba Dikola dia Izalaiele.

Izaía 49:26

O ió a ku bhondeleka ngʼa dikila niʼxitu jâ-ene, a kà kodiua ni manhinga mâ kala maluvu; anga xitu ioso ia kejiia kuma eme ngi Jihova, ngi Mubhuludi ué, Ngi Mukudi ué, ngi Dizonda dia Jakobo.

Izaía 54:1

Tana-ku eie u mbaku ua kambe kuvuala; imba, u dikole, u te nzôngo, eie kiluua uívua mika; kuma anʼa kisula kota mu kuvula, uala ni munumiʼê ndenge, kiene kia zuela Jihova.

Izaía 60:16

Eie ua-nda kuámua o lete ia akua jixi, anga u di-dikila ni ima i tunda ku mele ma jisobha; anga u kʼijiia kiambote kuma eme ngi Jihova ngi Mubhuludi ué, Mukudi ué, muene Dizonda dia Jakobo.

Izaía 8:18

Emeʼami-ú, Ngana, ni ana a ngi bhana Jihova; enhá, ijimbuete, madiuanu mua Izalaiele, ma tundu kua Jihova dia Ilômbo Ieta, ua tungu ku mulundu ua Ziione.

Jelemiia 10:6

Kana-ku u di fuangana nʼeie, u Jihova: Eie u munéne, o dijina dié ue di kola mu kuvula o nguzu.

Izekiiele 35:10

Mbata enu mua mu zuela, muexi: O miji iiadi ni jixi jiiadi ja-nda kukala jamiʼeme-muène, hé tua kà ji-vua, o muene, muene mua kexile Jihova.

Izekiiele 39:7

Anga nga kʼèjidisa o dijina diami dikola muʼaxaxe ka mundu uami ua Izalaiele, eme ue ki mungu dingi ngʼehelèla o kukasanesa o dijina diami dikola, phala akua jixi nʼa kʼijiie kuila eme ngi Jihova, iuná Ukôla mua Izalaiele.

Izekiiele 43:7

Anga u ngʼambela, uixi; Eʼ monʼa diiala, o kiki kiene o kididi kia kiandu kiami, o kididi kia makànda a inama iami, bhu nga-nda kukala muʼaxaxe ka anʼa Izalaiele, katé ku hádia ni hádia; o akua muiji ua Izalaiele ue kanda kukasanesa dingi o dijina diami dikôla, ni maundumbu mâ ni imbi ia jisobha jâ, bhu ididi iâ ia di leka, kutale ene uixi o jisobha jâ,

Izekiiele 48:35

Kuinhi dia midi ni nake dia jikóvadu mu jimbandu; o dijina dia mbonge, tundé kiá mu kizuua kienhókio, a kà i luka, exi: Jihova bhene bhuala, mba, Jihova iu bhabha.

Izekiiele 48:8

O kutunda mu mbambe ia Juda, tundé ku mbandu ia mutundila-kumbi ndú ku mbandu ia mutudila-kumbi, uene o ujitu ua mavu a kôla u mua-nda kubhanma, ua makuinhi aiadi ni kitanu kia midi ia kóvadu bhu kuzanza ni bhu kulebha, kala o makânda a mukuâ, tundé ku mutundila-kumbi ndú ku mutudila-kumbi; o dibhezelu dia kà kala muʼaxaxe kê.

Hozeia 11:9

Ki nga-nda kubhanga kia tumu o njinda iami; Ifalaíme ki nga-nda ku mu sengulula; mbata eme ngi Nzambi, ki ngi muthu, kana; kuma eme ngi Kôla muʼ ʼaxaxe kenu, ki ngene kuuabhela kuia ni kubuikisa.

Jouele 2:27

Enu anga mu kiʼijiia, kuila, eme ngala muʼaxaxe ka Izalaiele, ni kuila ue eneʼmuène ngó Jihova Nzambi ienu, kana-ku dingi uengi ua di te-ku. O mundu uami-phe ka kà u kuatesa dingi jisonhi katé ku hádia ni hádia.

Sofoniia 2:5

Lamba dia ió oso a tungu ku ndundu ia kalunga, kokolo dia mundu ua ifuẋi ia akua Keleta! Kizuelu kia Jihova kia kà tula kokuenu enu mu akua Kanana, mua tunga mu ixi ia akua Fidíxia; nga kà mi muanga katé ni umoxi ngó kaxala-ku, u tunga momué.

Zakadiia 2:5

O Eme-phe, nga kà mu kala ngi kimbaka kia túbhia mu jimbandu; o fuma iê, Eme-muène-muene nga kà kala mu kaxi kê, kiene kia tange Jihova.

Zakadiia 2:9

Mukonda, talenu-phe kiá: Nga kà zenga lukuaku luami ku thandu diâ ene, ene anga a kà kituka mbole ia enhó a kèxile mu ku a bhikila. Kienhókio kiene enu ki mua kà kʼijiia kuila Jihova dia Ilombo muene ua ngi tumu.

Dialuilu 23:21

Ka mono kubhukumuka kua Jakobo; ka mono ikuma kua Izalaiele; Jihova, Nzambi iê, ua tungu-nê, o muʼaxaxe ka uivua-mu nzôngo ia sobha ala ku mu kola.

Matendelelu 23:15

O mubhika se ualenge kua ngana iê, iu ueza kokué, eie kana ku mu bhakula dingi kua muene ua mu vu;