Izaía 12:2 - O Mikanda Ikola

² Talesa-ze, Nzambi muene ubhulukilu uami; eme, muene ngi mu dielela, ki ngi kalʼami ni uoma; mukonda o Ngana Nzambi, muene nguzu iami, muene mukumbi uami, iu lelu ua di-bhange kibha-muenhu kiami.

Izaía 12:2 ပူးပေါင်းရင်းမြစ်များ

II Samuuele 7:24

Mundu ué ua Izalaiele anga u a tungisa mu kala mundu ué ua di kalela mu mivu ia kambe dizubhilu; eie muene Jihova, ua di bhange u Nzambi iâ.

Jobe 13:16

Mukonda ue kuene o kubhuluka kuami; kuma muthu ua ibha ka tena kuiza bhu pholo ia muene.

Jisálamu 112:8

Muẋima uê ua kuata bhu kididi, ka kala ngó ni hele; ua kinga ku mu bhanga jivondadi, kua ió oso a mu hamena.

Jisálamu 118:14

Jihova muene nguzu iami, muene mukumbi uami; mukonda muene ua ngi bhulula.

Jisálamu 118:21

Ngi ku sakidila muene, kuma eie ua ngʼitaia; ua di bhange kiá u mubhuludi uami.

Jisálamu 27:1

Jihova muene umuikinu uami, ubhulukilu uami; ngi kala-phe ni uoma ua nanhi? Ngana muene ua ngi bhana o nguzu ia kukola muenhu, uebhi-phe ngi mu kala ni hele?

Jisálamu 65:6

Eie, Ngana, mu nguzu ié, ua bhake o milundu mu ididi, ua di kutu muene ni kutena.

Jisálamu 68:20

Nzambi ietu, tua mu mono muene, kuma Nzambi ia kukudila mu iluezu; o jinjila ja kubhuluka mu kúfua, muene Jihova, Ngana ietu, uala na-ju.

Jisálamu 68:21

Xi, Ngana Nzambi phe hinu u bula o mútue ua jinguma jê, u mu ṗhuṗha muene mu mútue mua safunukʼomo, uoso ua jijila jinga o ku mu lokalala ni kuenda mu kubhuma kuê.

Jisálamu 83:18

Phala a kʼijiie kuma eie ngó uavu o dijina dié dia Jihova, ku moneka luiadi; eie-muène ngó Suke-ku mu ngongo ioso.

Makatukilu 15:2

Jihova muene nguzu iami, mukumbi uami, kua muene kua ngʼijila kubhuluka. Iú Muene Nzambi iami, ngi mu ximana jinga; muene Nzambi ia tatʼetu, eme ngi mu zangeleka.

Izaía 10:24

Kala kiki, o Ngana, Jihova dia Ilômbo Ieta, uambe kiki: Eie u mundu uami, ua tunga mu Ziione, ku kale ni uoma ua Asídia, kioso kia ku beta ni mbangala, kioso kia kuzengela ditombe kala kia kexe mu bhanga akua-Ijitu mʼukulu.

Izaía 17:10

Mukonda o Nzambi ié ia Kibhamuenhu ua mu jimbi, kua te dingi muẋima ku Ditadi dié diene ku ku xitila. Kienhiki né uedi u phapha mixi ia uabha kiambote, hé u i tela kikanzo kia kathathala,

Izaía 27:5

Mba bhu kala uoso u ngi-bua o jinguzu, u bhanga paze nʼeme; kiene muene, ió muene u di tambulula nʼeme.

Izaía 32:2

Dikuenze muenhó ua kà kala disuamenu kiza o kitembu, dilengelu kiza o kalêmba, mukua ni jingiji ja menha mu mikáu ia kukuta, uila ue kala kilembeketa kia ditadi dionéne mu ixi ia kikáku, mua kambe o menha.

Izaía 33:22

Mbata Jihova muene Mufundixi uetu; Jihova muene Mubhani-a-ngonge ietu; Jihova muene Muenexʼetu, muene ua kà tu bhulula.

Izaía 38:20

Jihova ueza ku ngi bhulula; o kienhiki ngi xika jinga kakoxi kami, ni tuende ni ku mu imbila ku izuua ioso ia muenhu uetu, mʼonzo ia Jihova.

Izaía 45:17

Maji Izalaiele u bhulukila kua Jihova, ni ubhulukilu unangenena sé dizubhilu; o mu kienhiki katé ku hádia ni hádia sonhi ki ji tena ku mi kuata, ki mu tena kukakuka.

Izaía 49:5

Kiki-phe, Jihova, ua ngʼumbile ki ngala hanji mu mala, phala kukala selevende iê, uixi: Ngi bhekele dingi Jakobo, uize-nê bhabha; maji o Izalaiele-phe ka diehela ku mu bhongolola; maji-phe bhu pholo ia Nzambi a kà ngi jingisa, Nzambi iami muene uà kala nguzu iami.

Izaía 50:10

Mukuahi mudienu uambe kuxila Jihova, ni kusuua dízui dia selevende iê? Muenhó se uala kubhita bhua vundu, anga bhu kamba ngó ni kamukengeji, a dielele mu dijina dia Jihova, a kuatenene kua Nzambi iê.

Izaía 51:12

Eme, eme-muène ngi muthu ua ku mi konda o malamba; eie-phe u muthu uami, u kala ni uoma ua muthu ni mukuenu, uà xikamena kufua? mba o monʼa muthu u lela kala iangu?

Izaía 61:10

Nga kà sangulukila kiavulu mua Jihova, muẋima uami u tanena mua Nzambi iami; mukonda ua ngi zuika ni izuatu ia kubhuluka, ua ngi vungu dibeka dia kuiuka, mukuâ ni ngàiala ua kembela ubhanga, kala dibhanga dia di-zakela ni makembu mê.

Izaía 62:11

Talesa, Jihova ua ki kola muene katé ku maẋokololo maʼxi, uixi: Kilumba monʼa Ziione mu ambelienu, muixi: Talesa, ubhulukilu ué iu uiza; tala, ni futu iê uiza na-iu, ni kikalakalu kiê kia mu tuamenena.

Izaía 65:18

Maji enu mua-nda kusangulukila kiá muene mu kima ki ngi iudika, enu muene mu mua-nda kutanena; kuma talenu kunu, Jeluzaleme ngi mu iudikila o kusanguluka; O athuʼ ê ngi a iudikila o kimuenhu.

Izaía 7:14

Uila kikiphe, Jihova muene, ua-nda ku mi bhana kijimbuete: Talesa, kua kà kala monʼa kilumba, uimita, nʼa vuale monʼa diiala, o dijina diê a kà mu luka Imanuele.

Jelemiia 23:6

O mu izuua iê Juda ua kà bhuluka, o Izalaiele uà kà tunga ni kukondama; didi-phe diene o dijina dia-nda ku mu luka: Jihova Dilungilu Dietu.

Jelemiia 3:23

Kia kidi kiene, kingoho o kudielela o tuthuthulundu ni ku nzungule ia i-milundu; kuma o kubhuluka kua Izalaiele kuala mua Jihova Nzambi ietu.

Daniiele 3:28

Nabukodonozolo bhenhobho uzuela, uixi: A tane-ku Nzambi ia Sadalake, ni Mizake, ni Abede-neko, ua tumu anjo iê iú uakudila jiselevende jê, a mu dielela, mbata o ngonge ia sobha a i bulu muene, iá a bhakula o mikutu iâ, mu kuiengesa kubheza jinzambi jengi, kikale ngó o Nzambi iâ.

Hozeia 1:7

Inda dibhata dia Juda nga-nda ku mu lendukila, nga-nda ku a bhuluila ku lukuaku lua Jihova Nzambi iâ; kuma ki nga-nda ku a bhulula mu ku a bhángela ni uta ua mufula, ku xibhata ue ki kuene, ku ita ki kuene, ku jikabalu kana, ku akua jimonde ue kana.

Jouele 2:23

Enu-phe mu anʼa Ziione, tanenu-ku mu sanguluke mua Jihova Nzambi ienu, mbata muene ua kà mi bhana ió u mi longa mabatuilu ma kidi, ua kà mi tuluila mvula ia kudinji ni ia kasamanu bhu mbeji ia dianga, kala ku dimatekenu.

Jona 2:9

Maji eme-phe ngi ku satela, ni kuimba ni mbimbi ia kusakidila; ngi futa ioso i nga di hambelela kua Jihova; o kubhuluka kuami ku tunda kua Jihova.

Habakuke 3:18

né kienhókio, eme hanji nga kà sangulukila mua Jihova; nga kà tumbujuka ni ngalasa mua Nzambi ia ubhulukilu uami.

Loma 1:16

Mbata eme nga dielela kiavulu o Njimbu Iambote; kuma iene o nguzu ia Nzambi i bhulukisa oso a xikana; ku dianga o Judé, hé ku kaiela ió oso ki Jijudé.

I Timote 3:16

Kia kidi kiene, kana muthu u tena kudituna-kiu kuila o kijingano kia ubhezelu uetu mua Nzambi kia dikota muene: Muène ua tukulukila mu kidifuanganu kia athu, o Nzumbi ia Nzambi ua mu tange kuila ualungu, o muène a mu mono kuala o ji-anju. A mu kola muʼaxaxe ka akua jixi, o mundu mu ngongo ua mu xikana, ia a mu tambula ku diulu ku ungana.

Dijingunuinu 7:10

Anga a kola ni dízui dia dikota, exi: O kubhuluka kuetu ku tunda kua Nzambi ietu ua xikama bhu kiandu, ni kua Kambudi!

I Samuuele 2:1

Hana bhenhobho anga u samba, uixi: Muẋima uami ua tanena kua Jihova; pholo iami ia zangalala mua Jihova; dikanu diami u sanga dia kulu mu kuolela o jinguma jami; mukonda nga sangulukila mu kubhuluka ku tunda kokuê.