Izaía 12:1 - O Mikanda Ikola

¹ Mu kizuua kiná, eie ua kà kumbulula, kuamba: Jihova, nga ku sakidila, tata, mukonda, sumbala ua ngi kuatelele njinda, leluʼidi njinda ié iabhu, uala kiá ku ngi konda malamba.

Izaía 12:1 ပူးပေါင်းရင်းမြစ်များ

Nehemiia 8:10

Nehemiia u a tangela dingi, uixi: Ndenu, mua kà die ima ia nete, ni kúnua ima ia touala, anga akuenu a kambe kuiudika kima mua kà a tumikise ue kia kúdia: mbata kizuua kiki kia dikota kiolumbile kua Ngana ietu; uila kiki, ki mu disuuate, mukonda o kusanguluka kua Ngana, iene o nguzu ienu.

Jobe 11:16

Mbata ni jihadi ji ua mono, ja-nda kuà ku jimba kiá, ua kà ji xinganeka ngó mukua ni menha a bhiti kiá.

Jobe 13:16

Mukonda ue kuene o kubhuluka kuami; kuma muthu ua ibha ka tena kuiza bhu pholo ia muene.

Jisálamu 30:5

Kuma o kutema kuê, ku nanga ngó kithangana; o kulenduka kuê ku bhixila bhu suka o muenhu ua muthu! Né-mbe mu usuku, ki ku vunda, tua didi masoxi, kusanguluka-phe kuiza ni kimene.

Jisálamu 71:21

Ua ngi bandekeza dingi o kijingo, ua tona dingi ku ngi konda o malamba.

Jisálamu 85:4

Kiki ue tu bhetule, u Nzambi ietu ia Kibhamuenhu; né tua ku tondalela, tu lendukile o njinda ié ku i ehelele ku thandu dietu.

Jisálamu 86:17

Ng, idikize kijimbuete kia mbote i ua-nda ku ngi bhanga, phala oso a ngi zembe-ó a ki mone, a kale ni jisonhi. Mukonda eie u Jihova ua ngi kuatekesa, eie ua ngi kondo o malamba.

Jisálamu 9:1

Ngi ximana Jihova ni muẋima uami uoso; ngi fumanesa ikalakalu iê ia madiuanu.

Izaía 10:25

Mbata kua kambe ngó kathangana kófele, o kutema kuami ni njinda iami ia-nda ku di bhanga phala ku a jimisa o mbutu.

Izaía 10:4

Ni mu kambe ku di buila-buila muʼaxaxi ka jihutile ni kubuila ngambo muʼaxaxi ka iimbi? Ku ima ioso iii, njinda iê ki bhene bhu ia suku, maji hanji kia sunununa o lukuaku luê.

Izaía 11:16

Anga ua kà jikula-mu kikoka kia sokelela, phala tumbalumbalu tua mundu uê tua kà subhuka kua Asídia, kala kia bhitile kua Izalaiele kioso kia tundile mʼoxi ia Ijitu.

Izaía 14:3

Anga kia kà bhita-phe kuila, kizuua kia kèza Nzambi ku ku zumbula ku midimu ié, ni ku ku-ila ximbakata, anga u ku sukununa ubhika ua kabhikolo u a ku talesa na-u o hadi.

Izaía 2:11

O mesu ma bhumu, ma athu, a kà a tululula; o kuzangalala kua makuenze kua kà tunuka; bhu kumbiʼodio Jihova muene ngó a kà mu zangeleka.

Izaía 25:1

Jihova, Tata, eie muene u Nzambi iami; ngi ku zangeleka muene, o dijina dié ngi di ximana jinga, mukonda ua bhange madiuanu; ima i ua tanga, mʼukulu kidi, iakuata, iakolo.

Izaía 25:9

Mu kizuua kiókio, a kèla: Muenhú muene Ngana, tua mu kingile; ni kutana ni kusanguluka tua kà ku muena mu ubhulukilu uê.

Izaía 26:1

Mu kizuuʼokio mʼoxi ia Juda à kala mu kuimba mukumbi iú exi: Tuala ni mbanza ia di-fikidila! Nzambi ua i bhana ubhulukilu, ua di bhange malumbu ni imbaka!

Izaía 35:10

O jihule ja Jihova a kà vutuka, hé a kèza mu Ziione ni kuimba mimbu ia kutana; o kusanguluka, ki kuene kúbhua kua kà kala ku mítue iâ, a kʼèzala ni kutana ni kusanguluka, o dilamba ni mikemu ia kà a lenga kiá!

Izaía 49:13

Imbenu, mu maúlu, eie ue u ixi, sanguluka; enu mu milundu tenu nzôngo ia kutana, kuma Jihova lelu ua tululula o povo iê, jihukunhu jê ua ji lendukila.

Izaía 51:3

Mbata Jihova ua-nda kukonda malamba kua Ziione, o ididi iê ioso ia sekala muene ua-nda ku i konda malamba; ngûndu iê u i bhanga kala Edene, ngùnzu iê kala ki kala o díbhia dia Jihova; muenhomo mua-nda kukala kutana ni kusanguluka, kusakidila ni mbimbi ia kuimba.

Izaía 54:7

Nga ku ehelela kathangana kòfele; maji nga-nda ku kuongeka ni jihenda ja nzungule;

Izaía 54:8

Mu kutema kuavulu nga ku suekela pholo iami mu kathangana kòfele; maji nga-nda ku ku lendukila ni henda ki iene kúbhua; kiene kia zuela Jihova, Mukudi ué.

Izaía 54:9

Mbata o kiki kia kà ngi kala mukuâ ni dilúvio dia Noué; kala ki nga lokele kuila o sulumbembe ia menha ma Noué ki ia kà bita dingi kulu dia mundu; kiene ki nga loka kuila eme nuka dingi nga kà ku kuatela njinda, mba ku ku bazela.

Izaía 60:10

O anʼa jithungiembu ene a kà ku tungila o imbaka ié, o jisobha jâ ja ka ku bhikila; mbata nga ku betele kia ngi kuata o kutema, maji mu kulenduka kuami nga ku kuatela jihenda.

Izaía 61:10

Nga kà sangulukila kiavulu mua Jihova, muẋima uami u tanena mua Nzambi iami; mukonda ua ngi zuika ni izuatu ia kubhuluka, ua ngi vungu dibeka dia kuiuka, mukuâ ni ngàiala ua kembela ubhanga, kala dibhanga dia di-zakela ni makembu mê.

Izaía 64:5

Eie ua-ia jinga kutakana ni muthu u sangulukila kubhanga kioso kia iuka, ni ió oso a ku xinganeka jinga mu mauendelu mé; talesa-ze, kindala eie ua thathamana mukonda etu tua te ituxi; mu mauendelu mé tua lueza-mu kithangana kia dikota, tu tena-phe kubhuluka?

Izaía 65:18

Maji enu mua-nda kusangulukila kiá muene mu kima ki ngi iudika, enu muene mu mua-nda kutanena; kuma talenu kunu, Jeluzaleme ngi mu iudikila o kusanguluka; O athuʼ ê ngi a iudikila o kimuenhu.

Izaía 66:13

Kala mona kia mu bhombesa kuala mamʼâ, kiene ue ki nga kà mi bhomba enu; o mu Jeluzaleme muene mua kà mi kondela o malamba.

Jelemiia 30:19

Mu kaxi kâ mu tunda jinga diximanu ni mbimbi ia kusanguluka; nga-nda ku a sokolola muene, ka seluka kana, anga ngʼa zangeleka, ka kala ni mukondo.

Jelemiia 31:13

Kuabhu-phe, muhetu ua muzeletete ua kà sanguluka mu ku kina, ni minzangala ia mala ue, ni iá a kuka kiá; o kudila kuâ nga kà ku bilula kusanguluka, hé nga kà a konda malamba, o dilamba diâ nga kà di bilula kutana

Hozeia 11:8

O kiki-phe eie Ifalaíme, ngi kuehelela kiebhi? Ngi ku bhakula kiebhi, eie Izalaiele, tata! Ngi ku bhanga kiebhi kala kia bhiti kua Adama, mba ngi ku kitula kiebhi kala Nzeboíme? Muẋima uami moxi ki u xikina, o henda jami ja bambuka kala túbhia.

Hozeia 6:1

A kèla: Izenu, tu alukile kua Jihova, mukonda muene ua tu sasujula, muene ue ua-nda ku tu ilula; kia tu kuamʼiki, kiene ue kia tumba o fidila ietu.

Zakadiia 1:16

Kala kiki, Jihova uambe, uixi: Jeluzaleme nga mu lungulukila dingi ni jihenda; o inzu iami a kà i tunga dingi muenhomo, o kuthandu dia Jeluzaleme à ka zeleka-ku kamukolo, kiene kia tange Jihova dia Ilombo Ieta.

Zakadiia 14:20

Mu kizuuʼokio, ku manzuela a jikabalu a kà seta-ku kiki: Kio lumbile Jihova mba Kiangene kia Jihova; o jímbia mʼonzo ia Ngana ja kèla kala malonga a menha a pholo a lulama ni Kalatódio.

Zakadiia 14:9

Jihova muene ua kà kala Sobha mu ngongo ioso. Bhu kizuuʼokio-phe, Ngana ia kà kala imoxi ngó ni dijina diê dimoxi ngó.

Zakadiia 8:11

Maji Kindalʼiki-phe, o mundu iú ua subhuka-ku ki nganda ku a bhanga dingi kala mu izuua ia dianga, kiene kiambe Jihova dia Ilombo Ieta.

Zakadiia 8:19

Jihova dia Ifuẋi uambe kiki: O kujila kua mbeji ia kauana, ni kujila kua mbeji ia katanu, ni kua mbeji ia kasambuadi, ni kua mbeji ia kakuinhi, kua kà kituka kutana ni kusanguluka kua dibhata dia Juda, kuma ji kala Tesa jê ja makembu. Zolenu-phe ngoho o kutanga kidi ni kutululuka.

Loma 11:15

Mukonda kioso o Jijudé kia a kaie, o mundu ua biluka makambʼ a Nzambi. Kia kà bhita-phe kiebhi hinu Jijudé kia kà a xikina dingi? Kia kà kala muenhu phala oso afu kiá!