Izaía 11:9 - O Mikanda Ikola

⁹ Ka kà bhanga-mu kiaiibha mba phulu ioso-ioso, mu mulundu uami uoso, u nga kôlesa; mukonda oxi ioso ia kèzala ni kuijiia Nzambi, kala o menha kiezalesa kalunga.

Izaía 11:9 ပူးပေါင်းရင်းမြစ်များ

Jobe 5:23

Kuma katé ni matadi mu mikáu, ua kà kuata na-u ukamba; o iama ia iangu ua kà di tuma na-iu kiambote.

Jisálamu 72:19

A ximane dijina diê dikola, katé ku hádia ni hádia! o mu ngongo ioso mu izale ni kubenha kuê! Amén! ni Amén!

Jisálamu 78:54

Iu ua endesa ni ku mbambe iangene tulé, ku mulundu uê ukôla ua a tambula ku matumbu ni lukuaku luê lua dilu.

Izaía 11:13

Ifalaími dixinga dia-nda ku mu bhua muene, loló; o jinguma ja Juda a kà ji buikisa; Ifalaími ká ka a kuatela dingi dixinga, mba luimbi. Juda ue ka kà bhondeleka dingi Ifalaimi.

Izaía 11:8

O mona uala ku mele a mamʼâ, ua kà tonokena ku ngenda ia diuta; o mona ua sumuka kiá ua kà ta lukuaku luê mu ngenda ia dizuua-mbinga.

Izaía 2:4

Muene ua kà tetuluila akua-jixi, ua kà bazela miji ia nzungule; enhá, kuila a xikina kia a bazelʼiki, jixibhata jâ a kà ji kitula matemu, jisosa jâ a kà ji kitula jimvo; ki bhua kà kala dingi ku-di-zengela jixibhata kifuxi ni kifuxi, né ku di-longa dingi kúlua ita.

Izaía 30:26

O mueji ua mbeje ua kà soka ni muanha, o muanha uene ua kà di bandekeza lusambuadi mu kútua, mukuâ ni muanha ua sambuadi dia izuua ua di lunjika kumoxi; kiki ki bhita bhu kizuua kia Jihova, kia-nda ku sokejeka o mundu uê ua budijika, ni kia tumba o kilônda kiâ.

Izaía 32:16

O kutetuluka kua kà kala mu kikangalakata, o ubatuilu ua iuka ua kà kala mu mavu a idima.

Izaía 33:6

Mu ithangana ié, Ziione, ki kuà kala kima ki ku bhanga kiaiibha; ni kubhuluka, ni unjimu ni kuijiia, kua kà vula muene; anga o kuxila Jihova kua kà kala jene o jimbongo jé.

Izaía 35:9

Muenhomo ki mua kà batuila hoji, né kiama kia makandaʼ ngu ki ki kutuka-mu, o kiene ue ku ki sange-mu; maji ió ngó oso a a kula ene à kendela-mu.

Izaía 45:6

Nda a kʼijiie ni ku mutundila-kumbi, ni ku mutudila-kumbi, kuma bhu nga kambe eme, ki bhu kala dingi Nzambi; eme Jihova, ki kuene Nzambi iengi.

Izaía 49:6

Muene uambe dingi: O kukala ngó u selevende iami, phala kubhangulula ibuka ia Jakobo, ni ku ngi bhekela dingi o masubhu ma Izalaiele, ki kia soko; maji nga ku xikika, nʼu kale u Mukengeji ua akua-matumbu; ua a bhekela kubhuluka, katé ku maẋokololo aʼxi.

Izaía 52:10

Jihova ua funha lukuaku luê lu kôla bhu pholo ia ifuẋi ioso; o maẋokololo moso maʼxi ma-ndu mona ubhulukilu ua tundu kua Nzambi ietu.

Izaía 54:5

Mbata Mubhangi ué muene munumiʼé, dijina diê Jihova dia Ilombo Ieta; o Dilemba Ukôla dia Izalaiele, muene Mukudi ué; muene a kà mu ixana exi, Nzambi, Langela-Ngongo.

Izaía 56:7

Eme ue nga kà ambata ku mulundu uami ukôla, anga nga kà a bhangela fesa mʼonzo iami ia kusambela; o mibhaku iâ ia kuoha ni jisata jâ, nga kà ji xikina muene bhu kalatódio kami; kuma onzo iami a kà i ixana onzo ia kusambela phala akua jixi joso.

Izaía 59:19

Kiene kia kà xila kiua dijina dia Jihova tundé ku mazanga, anga aẋila kijingo kiê tundé kutundila dikumbi. Kioso kiza nguma kala hungulule ia menha, Nzumbi ia Jihova u oleka mvela phala ku mu kaia.

Izaía 65:25

Ni kimbungu ni seseme ia mbudi a kà dila dikèla dimoxi, o hoji ia kà dia iangu mukuâ ni ngombe; nhoka ua kà dia fufuta ia mavu, kuene kudia kuê. Ene, ka kà bhanga kiaiibha mba usuéia uoso-uoso mu mulundu uami uoso ukôla, kiene kia zuela Jihova.

Izaía 66:18

Mbata o ima iâ ia bhanga nga ʼijiia, katé ni ixinganeku iâ! Thembu ii iza-bhu, nga-nda kubhongolola miji ioso ni madimi; a-nda kuiza, anga a mona kijingo kiami.

Izaía 66:20

Anga ene a kèza ni jiphange jenu, jene mu kaẋi ka ifuẋi ioso, mu ku a bhakuila Jihova; o iâ ejiia ku jikabalu, o iá mu makalu, ni mu maxila, ni ku jimula, ni ku jikamelu, anga eza kienhiki ku mulundu uami ukôla, ku Jeluzaleme, eme ngi Jihova; mukuâ ni kiene kuiza anʼa Izalaiele kubhakula maujitu mâ mu dibhata dia Jihova, a ʼambatela mu itutu iazele.

Jelemiia 31:23

Jihova dia ifuẋi, Nzambi ia Izalaiele, uambe kiki: Kizuelu kiki a-nda ku ki tanga hanji mʼoxi ia Juda ni mu mabhata mê, kioso ki nga-nda kuzubhaku o ubhika ua uhutile uê, kuila: Jihova a ku zediuise, eie dibhata dia kubatula o milonga mu kidi, eie u mulundu uê ukola!

Jelemiia 31:34

Ki kua kà kala dingi muthu u longa mukuá, mba muthu uambela phangiʼé, kuila: Ijiia Jihova; mukonda ene oso a-nda kua kà ngʼijiia, tundé ku monʼa-ndenge mudiʼâ katé ku muadiakimi, Jihova ua ki tange. Mukonda nga-nda kuloloka o ikuma iâ, o ituxi iâ ki nga kà i xinganeka dingi.

Izekiiele 34:25

Hé nga kà ta na-ju kikutu kia paze, o iama iaiibha mu ngongo nga kà i zubha-mu, o jene hé ja kà tunga ni kukondama mu kikangalakata, hé ja kà zekʼé muene mu matutu.

Izekiiele 47:5

O kia zonga dingi midi, mueza kiá ngiji i nga lémbua o ikuzáuka, mukonda o menha mê ma zongo kiá, a fuama kiá ngoho ku a zauka ni kuzoua, kuma ngiji kiá ki i xikina dingi ku i bhita.

Daniiele 11:45

Ua ka phapha jibalaka ja kilômbo kia mbanza iê bhu kaxi ka musanza ua kalunga ka dikota ni Mulundu ua ulamba; maji hádia o dizubhilu diê ki dʼiza, u mu banda ka moneka.

Daniiele 12:4

Eie ue, Daniiele, maka ià jika-u a suke bhenhabha; jika ue idimbu ku divulu didi, katé bhua kà suka o thembu; avulu a kʼèza-ku, a kà tutumba ku mbandu ni mbandu mu jixi joso, o kuijiia-phe kua kʼàia ni ku dibandekeza.

Hozeia 2:18

Mu kizuua kiná o mahamba mê nga-nda ku a tesela kikutu ni iama ia mukáu, ni jinjila ja bhulu, ni iama i huhutila bhoxi ku mavu; o mufula ni xibhata ni ita nga kà i buikisa-ku mu ngongo ioso. Anga ene nga kà a zekesa muene ni kukondama kuoso sé muthu ku a kuatesa uoma.

Jouele 3:17

Enu-phe mua kèjiia kuma eme ngi Ngana dia Nzambi ienu, nga tunga mu Ziione, ku mulundu uami ukôla; Jeluzaleme ua kà kituka mbonge ikôla; athu engi ka kà tena dingi kubhita-mu.

Habakuke 2:14

Mukonda o ixi ia kʼèzala ni kuijiia kua fuma ia Nzambi, mukuâ ni menha ki ezalesa o musanza ua kalunga.

Zakadiia 14:9

Jihova muene ua kà kala Sobha mu ngongo ioso. Bhu kizuuʼokio-phe, Ngana ia kà kala imoxi ngó ni dijina diê dimoxi ngó.

Zakadiia 8:3

Jihova dia Ifuẋi uambe kiki, uixi: Ziione nga kà mu vutukila. Nga kà tunga mu kaxi ka Jeluzaleme. Jeluzaleme a kà mu ixana exi: Mbanza ia ujitu, mulundu uangene ua Jihova dia Ilombo Ieta, mulundu uê ukôla.

I Tesalonika 5:15

Alukenu phala kana muthu a vutule phulu mu phulu. Inda mu jijila jinga kubhanga o mbote, ni ko kuenu mudienu, ni ku athu oso.

Dijingunuinu 21:27

Maji o muene-phe ki mu bokona ngó kima kioso-kioso kia ufusa, mba muthu u bhanga isunji, ni ió u zuela makutu. A kà bokona mu mbana, ki kale ene ngó a a soneka o majina mâ mu divulu dia muenhu dia Kambudi.