Izaía 11:3 - O Mikanda Ikola

³ Mu uoma ua Jihova muene mu mu kala kusanguluka kuê; ka xikina kufundisa mulonga kala kia u mono ku mesu mê, ka xikina ue kubazela kima kievu ngó ku mátui mê.

Izaía 11:3 ပူးပေါင်းရင်းမြစ်များ

II Samuuele 14:17

Bhenhobho, kùku, ngi kahatu ké, ngixi dingi: Kizuelu kia muenexi ki kale kia kutululuka; kuma ki ualʼokio, kùku, ua di bhange mukuâ ni anjo ia Nzambi mu kutongolola kiauabha ni kiaiibha. O Jihova Nzambi ié a ku kuatekese.

II Samuuele 14:8

Muenexi anga u ambela muhatu, uixi: Ndeie ku bhata dienu, eme ngi bhane ngonge ioso ia tokala ku mbandu ié.

I Jisobha 3:28

Izalaiele ioso anga evua o kubatula kuku kua batula muenexi, anga a kala ni uoma ua muenexi; kuma a mu mono ni kuijiia kua Nzambi kuala naku, mu kutungula ni kubatula o kidi.

I Jisobha 3:9

O ki ngalʼiki, Ngana, ngi bhane, ngi mubhikʼé, muẋima ua kutongoloka mu kufúndisa o mundu ué, phala ni unjimu uoso, ngi tene kutungula kia kidi ni kia makutu; kuma nanhi ua kambe unjimu, u ki tena, kia kufudisa o mundu ué uavulu kiki?

Jobe 12:11

Manhi o maka moso kene mu ku a lola ku dítui, kala dimi ki di lola o kúdia mu kanu?

Jobe 34:3

Mbata dítui di lola o maka, mukua ni dimi ki di lola o kúdia.

Jisabhu 2:5

eie-phe ua-nda kuijiia uoma ua Jihova, anga u dʼijiia kiambote ni Nzambi.

Jisabhu 2:9

Bhenhobho-phe eie ua-nda kuijiia kioso ki kala o kuiuka, ni ki kala o kilunji, ni ki kala o kufundisa kua kidi; ni jinjila joso ja fuama.

Izaía 33:6

Mu ithangana ié, Ziione, ki kuà kala kima ki ku bhanga kiaiibha; ni kubhuluka, ni unjimu ni kuijiia, kua kà vula muene; anga o kuxila Jihova kua kà kala jene o jimbongo jé.

Izekiiele 45:8

Anga o mavu enhá a kala ene o dikânda diê mua Izalaiele; anga o ilamba iami ki mungu dingi a bhondeleka o mundu uami, inda, kiala-bhu, a kà uanena o ixi ku muiji ua Izalaiele, kala kioso kiala mu miji iâ.

Mikeia 4:3

Muene anga ua kà fundisa ni mabatuilu mê muʼaxaxe ka ifuẋi iavulu; ua kà bhana kaxtiku ku miji iala ni kutena, katé ni iii iala ku makanga, enhó anga jixibhata jâ a kà ji sula kiá matemu phala kudima, o mifula iâ a kà i bhanga jimvo; muiji umoxi ki ua kà leka dingi xibhata mu kubhânga jimvunda ni muiji ua mukuá, ka kà di longa dingi kúlua ita.

Luka 2:52

Jezú anga u kala mù kula mu kitala ni mu kuvula o kuijiia, o mu ima ioso anga enda ni ku mu uabhela kuala Nzambi ni athu.

Nzuá 2:25

Ka bhingile kuila muthu u tanga mukuâ, mbata muène uejidile kiambote ioso iala kuxinganeka muthu ni muthu.

Nzuá 7:24

Kana kubatula jinga maka kala ki mua fika, inda mu batula mu kidi.

Jihebeleu 5:14

O kudia kua nguzu-phe kua tokala adiakime, mukonda dia ku di longa, a sungu kiá kilunji kia kutungula kioso kiauabha, mu kiki kiaiibha.

I Samuuele 16:7

Jihova-phe u ambela Samuuele, uixi: Kana kutala o pholo iê, mba o kitala kiê kialebha, mukonda eme nga mu ditunu. Kuma Jihova kene kutala kala ki tala o muthu; mbata o muthu u tala kidifua kia kanga, Jihova-phe u tala ku muẋma.