Izaía 11:12 - O Mikanda Ikola

¹² Ua kà leka o mvela muʼaxaxi ka akua jixi; akua Izalaiele a a balakalele ua kà a ongeka, u bhongolola ue akua-Juda a di-muangene tunde ku hota jiuana jaʼxi.

Izaía 11:12 ပူးပေါင်းရင်းမြစ်များ

Jisálamu 107:3

Ni iâ muene a bhongolola ni ku a takana ku jixi, ku thunda ni ku mazanga, ku suku ni ku sulu.

Jisálamu 147:2

Jihova u tungisa dingi Jeluzaleme; hé u bhongolola akua Izalaiele a di muangene.

Jisálamu 60:4

Akua uoma ué eie ua a bhana dibandela, maji a a bhesa lusolo kuala akua mifula. (Selah.)

Jisálamu 68:22

Ngana uixi: Né ku Baxane ku uala, ngi ku takana-ku, né kia bhonzo, mundu uami ngʼa takana muene kʼoxiʼélele dia menhʼa kalunga.

Izaía 11:10

Kia kà kala-phe kiki, kuila, mu kizuuʼomo akua jixi a kà di ta mu kusota Lundanji lua Jese, a lu te mu ku kala mvela ia ifuẋi; o kididi kia dinhohenu diâ kia kʼèzala fuma ia tenena.

Izaía 18:3

Enu oso mua tunga kulu dia mundu, nʼenu mu akua-bhata mu ngongo, kumbi di bhekela o bandela ku milundu, mu ki monenunu; o kia kà xika ue o mbungu, mu kʼivenunu.

Izaía 24:16

Ku maẋokololo maʼxi tuevu-ku ià emba mikumbi ia kufumanesa Muthu Uaiuka; maji eme ngedi: Uaué, enu malʼé! Nga bhele, nga tunuka! Akua-mangonha a bhange ufe! kiene muene, akua-mangonha a bhange muene ufe ua nzungule!

Izaía 27:13

Mu kizuua kieneʼokio, kia-nda kua kà kala-phe kiki: A kà xika-mu koloneta ionéne, o ió oso-phe a texikile ni kubunganena mʼoxi ia Asídia, ni oso a a balakalele kʼoxi ia Ijitu, a kà vutuka dingi anga a kà bheza Jihova ku mulundu uê uangene, mu Jeluzaleme.

Izaía 43:6

Ngambela mbandu ia suku, ngixi: Bhana! Anga ngambela mbandu ia sulu ngixi: Kana ku a bhaka; ngi bhekedienu anʼami a mala ene dikanga; ni anʼami a ahatu ene kua suku oxi.

Izaía 49:22

Jihova uambe kiki: Nga kà zangula lukuaku luami, ngi lu lungisa ku ifuẋi, ngi futununa mvela iami ku ifuẋi ioso; ene-phe a kà ku bhekela anʼé a mala bhu maku, o anʼé a ahatu ejiia bhu isuxi.

Izaía 49:5

Kiki-phe, Jihova, ua ngʼumbile ki ngala hanji mu mala, phala kukala selevende iê, uixi: Ngi bhekele dingi Jakobo, uize-nê bhabha; maji o Izalaiele-phe ka diehela ku mu bhongolola; maji-phe bhu pholo ia Nzambi a kà ngi jingisa, Nzambi iami muene uà kala nguzu iami.

Izaía 54:7

Nga ku ehelela kathangana kòfele; maji nga-nda ku kuongeka ni jihenda ja nzungule;

Izaía 56:8

Jihova Nzambi, uene kubhongolola oso a muangana mu Izalaiele, uambe kiki: Hanji nga kà bhongolola dingi athu kumoxi ni iá u nga bhongolola kiá.

Izaía 59:19

Kiene kia kà xila kiua dijina dia Jihova tundé ku mazanga, anga aẋila kijingo kiê tundé kutundila dikumbi. Kioso kiza nguma kala hungulule ia menha, Nzumbi ia Jihova u oleka mvela phala ku mu kaia.

Izaía 60:4

Bhetula mesu mé ku mbandu joso u mone: ene-oso ia di bhongolola mu kuiza kokué, o anʼé a mala a-nda kutunda ku makanga, o anʼé ue a ahatu a-nda ku a sasela bhu mbandu ié.

Izaía 62:10

Bhitenu, bhitenu bhu mielu; iudikenu njila phala o mundu; sokelesenu, sokelesenu o kikoka, nonenu-mu o matadi; lekenu mvela phala o Huxi.

Izaía 66:19

Nga kà ta kijimbuete muʼaxaxi kâ, oso-phe a bhulaka-ku nganda ku a tumikisa ku ifuẋi, ku Talxixi ni ku Phulu, ni ku Ludi, akua kuoleka o mufula, ku Tubale ni ku Javane, katé ku ikolo ia makanga, kua oso fuma iami kiluua a ivua, kijingo kiami ue nuka a ki muene; kuenhoko a kà tanga-ku o fuma ia ungana uami muʼaxaxi ka akua jixi.

Jelemiia 23:3

Anga eme-muène ngi bhongolola joso ja subhuka ku jimbudi jami, ngi ji takana ku jixi joso kua ji kaielele anga ngi ji vutula dingi mu ibhanga iê, hé ja kà di vuala anga ji sokoloka muene.

Jelemiia 30:17

Mukonda o kudisanza kué nga-nda ku ku vutuila-ku anga ngi saka o itoto ié, eme ngi Jihova, kuma ala ku kuixana: Na kahukunhu, ni kuila exi: Na Ziione, mukonda ka moneka dingi muthu u muʼibhula.

Jelemiia 50:4

Jihova uixi: Mu izuuʼomo ni kithanganʼokio, anʼa Izalaiele a kʼèza, ni ene ni anʼa Juda kumoxi; mu kuiza kuâ, a kʼèla ia enda ia dila, mu kusota Jihova Nzambi iâ.

Jelemiia 51:12

Olekenu dibandela ku thandu dia imbaka ia Babilonha, kilangidilu ki kole, tenu alangidi, iudikenu mibhetu; mukonda Jihova ua xinganeka iú ua bhange kala kiambele ku mbandu ia iá a tungu mu Babilonha.

Izekiiele 28:25

O Jihova Nzambi, uambe kiki: kioso eme ki nga-nda kubhongolola o dibhata dia Izalaiele, mu kaxi ka ifuẋi mua di muangena, eme anga ngi di kôlesa muʼaxaxe kâ, bhu pholo ia akua jixi, kuabhu-phe, kienhókio a-nda kua kà tunga mu ixi iâ i nga bhana kua mubhikʼami Jakobo.

Hozeia 1:11

O anʼa Juda-phe ni anʼa Izalaiele a kà di phopha bhuamoxi, anga à kala kiá ni dikota dimoxi; anga a ka tomboka kʼoxi, hé a banda mu jixi; mbata o kizuua kia Jezelele kia-ndu kala kiónene.

Hozeia 2:2

Mamʼenu mu bazedienu, mu bazedienu, mbata muene ki muhatuʼami dingi kana, eme ue ki ngala dingi ngi munumiʼê; maundumbu mê a ma tule, phala a mu bhue ku mesu, ka jijile dingi jiphànda bhu jitulu jê.

Sofoniia 3:10

Katé ni ku sámbua diná dia Jihonga ja Etiiopia, ku kala abhezi ami a kidi, anʼami a ilalu a di muangene, a kèza ni ujitu mu ku ngi bhekela jisata.

Zakadiia 10:6

Nga kà suinisa o dibhata dia Juda; nga kà bhulula o dibhata dia Zuze; anga nga kà bhangesa kuila a vutuka dingi mbata nga kà a kuatela henda; anga a kèla kala eme ki ngi di tunine-nâ, mbata eme ngi Jihova Nzambi iâ, nga kà evua muene.

Zakadiia 8:7

Jihova dia Ilombo Ieta uambe: Tala-ze, nga kà bhulula mundu uami ku ixi i kala ku tundila o dikumbi ni ku ixi i kala ku tudila o dikumbi.

Nzuá 7:35

Jijudé anga ji di ambela mudiâ, exi: Kuebhi kuene ku aia, kua bhingi tu lémbua ku mu sanga? O kuila ua-nda kuia kua ió a di muange mu Jingèleku? Inga ua ka longa Jingèleku?

Matendelelu 32:26

kifua ngeje kuila: ku hota joso ngi mi muanganesa-ku, katé a mi jimbi muʼaxaxi ka mundu.

Tiiaku 1:1

Eme Tiiaku, selevende ia Nzambi, ni ia Ngana Jezú Kristu, nga tumu kumenekena o kuinhi dia muiji ni kiiadi ia muanganena mu jixi joso.

Dijingunuinu 5:9

Anga emba o muimbu uobhe, exi: Kia ku fuama eie, kutambula o divulu, ni kujikula o idimbu iê. Kuma eie a ku jibhile, o mu kùfua kué Nzambi ua mu sumbila athu ku miji ioso, ni ku madimi moso, ni ku madiembu moso, ni mu ifuẋi ioso.

Dijingunuinu 7:1

Kia bhiti kiki, nga mono anju jiuana jemana ku hota jiuana ja ʼxi, ja kuata o itembu iuana ia ʼxi, phala kana kitembu ki bhuke mʼoxi, mba ku musanza ua kalunga, mba ku muxi uoso-uoso.