Izaía 11:10 - O Mikanda Ikola

¹⁰ Kia kà kala-phe kiki, kuila, mu kizuuʼomo akua jixi a kà di ta mu kusota Lundanji lua Jese, a lu te mu ku kala mvela ia ifuẋi; o kididi kia dinhohenu diâ kia kʼèzala fuma ia tenena.

Izaía 11:10 ပူးပေါင်းရင်းမြစ်များ

Dimatekenu 49:10

Mbasá ia ungana ki ia ka sondoloka kua Juda, o muiji uê ki ua kʼàbhua kijingo kia kutumina; katé bhua kʼèjila Mukunji a-nda ku mu tumikisa, ua bhingi a mu tumaka kuala o ifuẋi ioso.

I Malunda 2:12

O Bouaze u vuala Obede, o Obede u vuala Jese.

Jisálamu 116:7

Tunda-ku, muẋima uami, uize u nhohe bhabha; kuma jimbote ja ku bhanga Jihova ja nzungule.

Jisálamu 145:11

A kà tumbula o fuma ia ungana ué, a kà ta maka a nguzu ié.

Jisálamu 149:5

Akua kikutu kiê a di te nzabala; embe ni ngalasa bhu jihama jâ bhua zeka.

Jisálamu 91:1

Ió ua tunga mu kibúta kia kondama kia Suke-ku, iú ua xikama mu kilembeketa kia Muteni-a-ioso,

Jisálamu 91:4

Muene u ku vungina ni jisala jê, o moxi a mabhabha mê, muene mu u suamena; o kidi kiê ki di bhanga ngubu ni ibhakatu.

Izaía 11:1

Mbata ku kixina kia Jese kuanda kusabhuka Luthangu, o ku jindanji jê kua-nda kufuafua ngolongo ia-nda kuima.

Izaía 11:12

Ua kà leka o mvela muʼaxaxi ka akua jixi; akua Izalaiele a a balakalele ua kà a ongeka, u bhongolola ue akua-Juda a di-muangene tunde ku hota jiuana jaʼxi.

Izaía 14:3

Anga kia kà bhita-phe kuila, kizuua kia kèza Nzambi ku ku zumbula ku midimu ié, ni ku ku-ila ximbakata, anga u ku sukununa ubhika ua kabhikolo u a ku talesa na-u o hadi.

Izaía 2:11

O mesu ma bhumu, ma athu, a kà a tululula; o kuzangalala kua makuenze kua kà tunuka; bhu kumbiʼodio Jihova muene ngó a kà mu zangeleka.

Izaía 2:2

Anga kia kà bhita-phe kuila: Mu izuua ia kà sukidila-ku, o mulundu kua tungu o inzu ia Jihova, ua kà beta kuzangalala o milundu ioso ni tumilundu tuofele, ndenge; o ifuẋi ia jixi joso ia kà lengela kué muene.

Izaía 2:3

Miji iavulu, ia kèza anga ia kà zuela: Zenu tu bande ku mulundu ua Jihova, kuʼbhata dia Nzambi ia Jakobo, phala a tu longese kioso kiene o jinjila jê, nda tuendele mu jihoka jê; mbata kitumu kia kà tunda mu Ziione, maka ma Jihova ma kèjiia mu Jeluzaleme.

Izaía 28:12

Athu enhá ua ambela: Didi diene o dinhohenu, bhanenu-diu uoso ua bhuila; o kuku kuene o kutululuka; ene-phe nguâ kuívua.

Izaía 42:4

O muene ka kà fula, ka kà mu tolojola katé kia bheka o uiukilu mu ngongo; o ikolo ia kà kingila o ulongelu uê.

Izaía 49:22

Jihova uambe kiki: Nga kà zangula lukuaku luami, ngi lu lungisa ku ifuẋi, ngi futununa mvela iami ku ifuẋi ioso; ene-phe a kà ku bhekela anʼé a mala bhu maku, o anʼé a ahatu ejiia bhu isuxi.

Izaía 59:19

Kiene kia kà xila kiua dijina dia Jihova tundé ku mazanga, anga aẋila kijingo kiê tundé kutundila dikumbi. Kioso kiza nguma kala hungulule ia menha, Nzumbi ia Jihova u oleka mvela phala ku mu kaia.

Izaía 60:3

Ni akua-jixi joso a kèndela ku mukengeji ué, o jisobha ue ja kèndela mu kubenha kua ku muikina.

Izaía 60:5

Eie-phe ua kà ki mona anga u benha ni kusanguluka, muẋima ué ua kà sasumuka, anga u sanzumuka; mbata jinzungule jene mu kizanga kia kalunga ja kà bilukila kokué, o maumvuama ma akua-jixi joso ma kà ku kana éiʼmuene.

Izaía 62:10

Bhitenu, bhitenu bhu mielu; iudikenu njila phala o mundu; sokelesenu, sokelesenu o kikoka, nonenu-mu o matadi; lekenu mvela phala o Huxi.

Izaía 66:19

Nga kà ta kijimbuete muʼaxaxi kâ, oso-phe a bhulaka-ku nganda ku a tumikisa ku ifuẋi, ku Talxixi ni ku Phulu, ni ku Ludi, akua kuoleka o mufula, ku Tubale ni ku Javane, katé ku ikolo ia makanga, kua oso fuma iami kiluua a ivua, kijingo kiami ue nuka a ki muene; kuenhoko a kà tanga-ku o fuma ia ungana uami muʼaxaxi ka akua jixi.

Jelemiia 6:16

Jihova uambe kiki: Kutukenu mu jinjila, mu tale nda mu ibhule ikoka ia xahulu, ioso o njila iauabha, muʼendele muenhomo; nda mu sange o dinhohenu dia jinzumbi jenu: Maji ene-phe exi: Nguetu kuenda.

Ajeu 2:9

O kijingu kia inzu iii ia sukidilaku, kia kà kala kota, o ia dianga ndenge, kiene kiambe Jihova dia Ifuẋi, o bhu kididi bhabha anga nga kà bhanabhu paze.

Zakadiia 6:13

Muene-muène ua kà tunga o Tembulu ia Jihova, a kà muizalesa ni fuma ni unène; anga ua kà xikama bhu kiandu kiê, nʼa kala mu ku tumina anga ua kà kala nganga bhu kiandu kiê; o ima i iadi iii anga ia kà divisa muene kiambote ni kutululuka kuoso.

Dialuilu 10:33

Anga a katuka bhu mulundu ua Jihova, enda dikanga dia izuua itatu; álaka ia kikutu kia Jihova anga ia tuamena ku pholo dikanga dia izuua itatu, mu ku a sotela kididi bhuoso bhua nhohena.

Matesu 12:21

Matumbu a kà dielela mu dijina diê.

Matesu 8:11

Ngi mi tangela-kiu kuma, ku thunda ni ku luiji, kua kà tunda athu avulu a kà xikama mu mbanza ia diulu kumoxi ni Mbalahamu ni Izake ni Jakobo.

Luka 2:32

mukengeji u londekesa o njila ia Nzambi ku akua matumbu. Ni kubhana fuma ia mundu ué ua Izalaiele.

Nzuá 12:32

Eme se a ngi zangumuna bhoxi, ngi sunga athu oso ko-kuami.

Jipoxolo 11:18

Ene kia zubha kuivua imʼ iii, phata iabhu. Anga a ximana Nzambi, exi: Manhi ni akua matumbu uâ Nzambi ua a bhana o kudiela, nʼamone o muenhu ki uabhua!

Jipoxolo 28:28

O mu kuzubha Phaulu, uixi: Ijiienu na-kiu-phe kuma, o kubhuluka kueniʼ uku Nzambi ua ku tumikisa ku matumbu, ió ki Jijudé, ene-phe anda kuivua. [

Jihebeleu 4:1

Nzambi ua tu bhana polomesa kuila tu tena kubokona mu kunhoha ni muène. Tu kalienu-phe ni uôma, sumba mba kia xie o kizueluʼ iki kia kubokona mu dinhohenu diê, bhu kala muthu mudienu u ki tokoka.

I Phetele 5:10

O Nzambi-phe ia kiadi kioso, ua mʼixana mua Kristu ku fuma iê ia kalelà-ku, ki mua kà zubha kathangana ka kutala hadi, muène-muene u mi tenesa, u mi kuatesa, u mi suinisa.

Dijingunuinu 22:16

Eme, ngi Jezú, nga tumu anju iami ku mi bhana umbangi ua imʼiii mu jingeleja. Eme ngi lundânji, nga tokala ku luvualu lua Davidi. Eme ngi théthembua ia kubenha, i muika mu kimene.

Dijingunuinu 5:5

Kikulakaji kimoxi anga u ngʼambela, uixi: Ku dile. Tala! O Hoji ku muiji ua Juda, mukua Lundânji lua Davidi, ua tambula o kikoue, muène u lenda kubula o sambuadi dia kidimbu didi, ni kujikula o divulu diê.