Izaía 10:5 - O Mikanda Ikola

⁵ Asídia, lamba diê! Ua di bhanga mbasá ia njinda iami: Kuma o njinda iami mukua ni mbangala bhu maku mê.

Izaía 10:5 ပူးပေါင်းရင်းမြစ်များ

Dimatekenu 10:11

O kutunda mʼoxi momo, uia mu Asídia, u tunga Ninive, ni Lebote-Ile, ni Khala.

II Jisobha 18:25

Inga ua fika kuila eme nga dʼijiia ngó ni kubanda eme mueneʼami mu kumuanga o kididi kiki, ki Jihova ua ngi tumu? Jihova muenemuène ua ngi tumu, uixi: Banda, uie ku ixi iii, u i muanga-muange.

II Jisobha 19:25

Manhi eie kiluua u kʼivua kuila o ima iii nga i sokelesa kiá tundé ukulu, nga i xinda kiá tundé mu izuua ia xiahulu? Kindala eme nga mu i bheka, phala eie u kale eie muene uenda ni kukitula o jimbanza ja makotʼojo, ni ji kituke maxita ni kikangalakata.

Jisálamu 125:3

Mukonda o mbasá iâ ia usuéia ki i tula ku kibatu kiangene kia athuʼê aiuka; kuiengesa kuila ni ió uaiuka imoxi u zenga o lukuaku mu bhanga kima kiaiibha.

Jisálamu 17:14

Lukuaku lué lu ngi kudile, u Jihova, ku athu ió ejiia ngó ima ia mu ngongo mumu; kabasa ekuta mu mala ni makudia ma tundu ko kué, a kala ni umonhi ua kuxila anʼâ.

Izaía 10:15

Kifua dikuua di ta nzabala kua ió ua di kuata bhu maku mu koka muxi? Inga o sela i di thatha kua ió u batula na-iu? Mbé o mbangala i nhikisa oso a i kuata, inga o mbasá i balumunʼé o lukuaku lua ió uala na-iu?

Izaía 10:25

Mbata kua kambe ngó kathangana kófele, o kutema kuami ni njinda iami ia-nda ku di bhanga phala ku a jimisa o mbutu.

Izaía 13:5

Iú uiza kiá ku ixi ia dikanga ni kuxindumuka tunde kua suku o diulu, muene Jihova ni falamenda ia njinda iê uiza na-iu, phala kusengulula oxi ioso ieneʼoio.

Izaía 14:24

Jihova dia Ilômbo Ieta ua loka, uedi: Kioso ki nga banze, kiene kia kia-nda kubhita; o ki nga xindi, kiene kia kà di-bhanga muene.

Izaía 14:25

Asídia nga kà mu huhila moxi iami muene, nga kà mu titidila ku milundu iami, phala o kànga iê ia tula mundu uami ngʼa sondolola-iu, o kimbamba kiê ki tunde bhu isuxi iâ.

Izaía 23:13

Talenu o ixi ia Kaldeia; o mundu iú ki u di bhangele luua mundu; Asídia ua i andekela phala oso a tungile mu kikangalakata; a iudika jimbonge jê, ia a tungu o mazemba mê; maji kindalʼiki-phe ioso muene ia budika kiá.

Izaía 26:20

Uila kiki, enu mu mundu uami, ndenu, mu bokone mu jinzu jenu, mu di jikile momo, mu suame ngó kathangana, katé ki somboka o njinda.

Izaía 29:2

Hanji-phe, Adiiele nga-nda ku mu ta bhu kíbhidi, bhuà kala ngololo, bhuà kala mukondo; diembuʼidi dia-nda ku ngi kala kiua Adiiele ia kidi!

Izaía 30:27

Talesa, dijina dia Jihova ditunda dikanga, ni kuuama ni njinda iê mu kaẋi ka ifuke iedi muene xikixiki; mizumbu iê ia teme kinéne, o dimi diê mukua ni tubhia tua muzukuta.

Izaía 30:30

Jihova ua kʼèvisa o fuma ia dízui diê, anga ua kà bhangesa kutala kia tulula o lukuaku luê ni kutemanana ni njinda, ni mulengo ua túbhia tuê tu buikisa, ni jinzaji ni dilúviu ni matadi ma mvula.

Izaía 30:9

Mukonda athu iâ kuhuka kuvula, ni makutu ana iá, ana a di tunu kuívua o ngonge ia Jihova.

Izaía 34:2

Kuma njinda ia Jihova ia zenzama ku thandu a ifuẋi ioso-lolo, o ngânji iê iazenzamena ilombo iâ ioso muene; mbata muene-phe ua a buikisa muene, iú ua a bhakula ku kijibha.

Izaía 66:14

Kiki mua-nda kubuingita kala mafe a kindemvuna; bhenhobho lukuaku lua Jihova luà fumanena ku jiselevende jê, muene ua kà thathamena o jinguma jê.

Izaía 7:17

Maji nʼeie, ni mundu ué, ni dibhata dia tatenu, Jihova ua-nda ku mi bhekela izuua ia iibha, ijila kua sobha ia Asídia; o ienhiʼiii kiluua mu i mona, tundé bhu kizuua kia batuka Ifalaími kua Juda.

Izaía 7:20

Bhu kizuua kieneʼokio Jihova ua kà sobha phoko ia bhutu, iene ku sámbua dia ngiji, muene sobha ia Asídia, anga u konga na-iu o mútue ni kindemba kioso kia inama; katé ni muezu uoso muene u u konga.

Izaía 8:4

Mbata mona muenhú kioso kiluua ejiia kuila, tatʼetu, mba memʼetu, o jimbongo ja Damasku a kà ji bhunda, ni madibhundila ma Samádia a kà ma ambata bhu pholo ia sobha ia Asídia.

Izaía 8:7

mukonda dia kiki, Jihova ua-nda kubheka ku thandu diâ menha ma ngiji, ma kunguluka ni kusuina; muene sobha ia Asídia ni kijingu kiê kioso; menhʼama ma-nda ku banda anga mʼezalesa mu mijinga iâ ioso, ma ẋamukina ku ibumu iâ, iene ioso.

Izekiiele 22:31

Kiene-phe ki nga lunduluila o njinda iami ku thandu diâ; eme nga a jimi o mbutu ni túbhia tua kutema kuami; o jinjila jâ eme nga ji bhangesa muene kusonokena ku thandu dia mítue iâ, Jihova Nzambi ua ki tange.

Izekiiele 7:10

Talenu, o kizuua kiki kiabhuʼiki, talenu ki kiza, uíndua ué ua bhixila; o kubhanga ufusa kua sabhuka, o izala ié ia buingita.

Daniiele 11:36

O sobha-phe ienhiʼii ua kà bhanga kioso ki mu tuma o vondadi iê; ua kà balumuka, anga u di kudisa ku thanduʼa nzambi joso; o Nzambi ia jinzambi joso ua kà âmba muene ue ima ia isunji ni madiuanu, ki kuiza kima! Inda muene-ku uia ni kubhanduluka dingi, katé kia kʼèla njinda ia Nzambi ia tenena ia suku; kuma, kioso kia tanga Nzambi, ki bhita muene.

Nahumu 1:1

Kinemenu kia Ninive. Divulu dia kisúmua kia Nahumu, mukua Eleko.

Habakuke 1:12

Tunde mʼokulu Eie kʼemuene u Jihova, Nzambi iami, Ukôla? Ki tualʼiki, Ngana, ki tua-nda kufuila-bhu; kuma Eie Ngana, o muiji iú ua u te phala kufundisa ni kubatula, kiene ki ua ki bhangela, Eie u ndanji ia kidi, kuma muiji iú ua u xindi kienhiki phala kulonga.

Sofoniia 2:13

Lukuaku luê lu bhiẋila ue ku suku, ni Asídia u jima, o Ninive uxala ngundu, u kituka ixi ia kukuta mukuâ ni kikangalakata.

Dialuilu 24:24

Kua kà tunda jinaviiu ku kibumu kia Kitimi, a kà tatesa Asula, a kà tatesa ue Ebele, kuma muene ue a kà mu buidisa.