Izaía 10:4 - O Mikanda Ikola

⁴ Ni mu kambe ku di buila-buila muʼaxaxi ka jihutile ni kubuila ngambo muʼaxaxi ka iimbi? Ku ima ioso iii, njinda iê ki bhene bhu ia suku, maji hanji kia sunununa o lukuaku luê.

Izaía 10:4 ပူးပေါင်းရင်းမြစ်များ

Izaía 22:2

Mbanza iezala mikolekole, diembu diedi ni díene bulukutu, diembu di tumbujuka ni jingalasa? O imbi ié ioso ki iene kufua ku xibhata, mba ifua mu ita.

Izaía 24:22

Anga ene-oso a kà a lunjika mu ngenda kala jipelezo, à kala ku upelezo mu katutu; o ki bhita dingi nzungule ia izuua, a kà a zungila luamukuá.

Izaía 34:3

O imbi iâ ibhinga ku i texe-texe ngó mu kanga, anga o mikutu iâ ikuata kunuha kibuzu; o milundu ià kʼèzala ni manhinga mâ.

Izaía 5:25

Ki kia bhangesa o njinda ia Jihova ku uama ku thandu dia mundu uê, iú ua sunununa lukuaku luê, iú ua a bhana kaxitiku, katé ni milundu ia teketa; o imbi iâ iedile kala maxita muʼaxaxi ka nzunga; ku thandu dia iosuʼiii, njinda iê ki ia suku, maji lukuaku luê hanji ua luʼoleka.

Izaía 66:16

Kuma Jihova ua-nda kuila o kuku u kuata túbhia, o kuku xibhata, anga ua kà funda ni mundu uoso; o imbi-phe ia-nda kúfua bhenhobho kua Jihova ia kà vula.

Izaía 9:11

Kala kiki, o Jihova ua-nda ku mu fundumuina jinguma ja Lejime, o nguma jê ue muene ua-nda ku ji funhisa.

Izaía 9:12

A-nda ku dianga o kuiza, akua Sídia; o kuema kua-naa kukaiela akua Fidíxia; anga a bhana mu kanu, Izalaiele hé a mu minha; ku thandu dia ima iosuʼiii o njinda iê ki i bhu, maji hanji kia sunununa lukuaku luê.

Izaía 9:16

Mbata asonguedi a mundu iú akua-mangonha, oso ala ku a kaiela, a kà buila.

Izaía 9:17

Kala kiki o Jihova ka tena ku kala ku ngalasa ni minzangala iâ, o jihukunhi jâ ni atudiʼâ, Jihova ka xikina ku a kuatela henda, mbata ene-oso akua-mangonha, akua-phulu, makanu mâ mazuela ulaji uoso. Ku ima iosuʼiii-phe, njinda iê ki bhene bhu ia suku; maji hanji kia sunununa lukuaku luê.

Izaía 9:20

O kia sutunuina ku mbandu ia dilu, nzala ki i bhu, o kia dila ku kiasu, kekuta luua: Kala muthu ua kà dia xitu ia lukuaku luê.

Izaía 9:21

Manasa ni Ifalaimi, Ifalaimi ni Manasa, kiiadi kiâ a balukila Juda; ku ima iosuʼiii-phe, njinda iê ki bhene bhu ia suku, maji hanji kia sunununa o lukuaku luê.

Jelemiia 15:2

Kienhokio-phe, ene kioso kia kuambela kuila: Tu di tela phe kuebhi? Eie u a tangela: Jihova uambe kiki: a tokala kufua, afue; o a tokala ku bhita ku xibhata, ku xibhata; a tokala ku nzala, ku nzala; a tokala kuia ku ubhika, ku ubhika.

Jelemiia 37:10

Mukonda, né kiá mu jibha o kifuẋi kioso kia masoladi ma akua Kaldeia, a mu lua ni enu, anga kokuâ ku subhuka ngó òkuame, hanji enhó kala muthu u balumuka mu balaka iê anga uoha o mbonge iii mu túbhia.

Jelemiia 4:8

Kala kiki zuatenu idinhaji, dilenu dikokolo, endenu ni kukumba mbata o kutema kua njinda ia Jihova ki kua tu eha.

Hozeia 9:12

Némbe-phe a sasa ana, eme nga-nda ku a katula-nâ, phala ki bhu subhuke diiala. Ni kidi muene, kokolo diâ! Kioso eme ki nga-nda ku a tunda bhu mbandu iâ.

Ijila 26:17

Pholo iami i mi kitukila, anga kisuéia ki mi buibua kuma nguma ja kà mi kuama; oso a mi zembe a kʼènda ni ku mi vua anga a kituka ngana jenu, anga mua kʼènda ni kulenga-lengenu ngó u mi kaia ka moneka.

Matendelelu 32:30

Se ʼTadi diâ ua kambele ku sumbisa o nguma jâ kua ene, mbé eje kutena kuila muthu umoxi ulandemeka midi, kiiadi a kaia kuinhi dia midi? Ki Jihova muene ua a bhakula?