Izaía 10:34 - O Mikanda Ikola

³⁴ O muxitu ua vundu kinène a kà u koka ni njangu, o Libano ua kà buila bhu lukuaku lua kindanda kimoxi.

Izaía 10:34 ပူးပေါင်းရင်းမြစ်များ

Jisálamu 103:20

Tanesenu Jihova, mu ji-anjo jê; mu mazonda, mua xikamena muene ku mi tuma, muène mu tumaka izuua ioso o dízui diê.

Izaía 10:18

Ua-nda kujikinisa ue o fuma ia muxitu uê ni mukáu u bhana idima, uandekela ku muenhu anga uzubhila ku mukutu; anga kila kala kiene kuambuka mukua kuambata o mvela.

Izaía 2:13

Ni mixi ia sédulu ia Libano, ia lebha í ia di-zandelʼoio, ni mikaluvadiu ia Baxane;

Izaía 31:8

O Asídia ua kà laúka ku xibhata, ki ia dikuenze-phe, kana; xibhata ia kà a jikinisa, maji ki xibhata ia muthu, kana; o xibhata iene, muene ua kà i lenga; o makuenze-mê anga a ka a tolola hé a kala mu ku a bhikisa.

Izaía 33:9

Oxi ikema, ia zoza, i i ta ngololo; Libano u kala ni sonhi, hé uia ni kuxoueta; Salone ua biluka kikangalakata; Baxane ni Kalamelu mafe mâ ma lalumuka.

Izaía 37:24

Eie ua tumu o jiselevende jé kule-bhula Jihova, uixi: Ni nzungule ia makalu mami, nga bande bhu thalʼa milundu katé mu jihotʼèlele ja Libano; nga kà batula misédro iê ioso ialebha-mu ni mifaia ioso ia uabha-mu, anga ngi bokona muene katé bhu thalʼélele, bhu muxitu ua vundu bhuene o mavu a idima.

Izaía 37:36

Bhenhobho anju ia Jihova ua tundu, iu ua nemeka mu kilômbo kia Asídia, hama ni makuinhi-nake a jimidi ni midi jitanu ja makuenze; o kuila muene a balumuka mu kimenemene, talesa, iimbi mu iimbi kiá!

Jelemiia 22:7

Mbata nga-nda ku ku kasela abuikixi, kala mubuikixi ni mata mê: ene, o misedro ié ia di tungulʼoio, a-nda ku i kokela bhoxi, anga a i ta mu túbhia.

Jelemiia 48:2

Matunda a Mouabhe kala-ku dingi; mukonda mu Hexebone a mu xinganeka kiaiibha, exi: Zenu kunu, tu mu vuze muene phala ka kale dingi Kifuẋi kia kima; ni eie ue Madimene a-nda ku ku vuza; o xibhata ia-nda kuia ni ku ku kaiela.

Izekiiele 31:3

Tala-ze, kuila Asídia ua kexile musédulu mu Libano, uala ni jithangu ja iuka, ua di zandela kinéne iú ua lebha kiavulu, o zoko-zoko diê dia kexile ku jithangu ja di zandela kiavulu.

Daniiele 4:23

O ki ua monuʼokio-phe sobha, kuila mulangi, muthu uangene ukôla, ua-lu tuluka mu diulu, uixi: Muẋiʼú batulenu-u, mu u kokojole jithangu, maji o kixinji kiê ni jindanji jê ki xiale ku mavu, mu ki kuikile ku isasa ia mukáú bhu lubhambu lua felu ni ngôndo; kiende ni kusumina mbundu i tunda bhulu ku diulu, o dikanda dia kúdia kuê, iangu ia mvunde ia bhoxi kumoxi ni iama ku mukáu, nda a kale kienhiki katé mu sambuadi dia jithembu.

Nahumu 1:12

Muene Ngana ua zuela ku jinguma jê uixi: Né hanji ela kala a kondama kinéne, né hanji a kala ifuẋi iavulu, kiene kimoxi a kà a jikinisa, a-nga a kʼàia muene nzaká! Eme né hanji nga ku tatesa, ku pholo ki nga kà ku tatesa dingi.

II Tesalonika 1:7

Hé enu-phe mua tale hadi, u mi bhana kunhoha, kumoxi ni etu, tua tale hadi, bhuoso bhua kà tukulukila Ngana Jezú ku diulu ni ji-anju jê ja nguzu.

II Phetele 2:11

Sumbala jianju ja tu tundu mu nguzu ni ukota, maji ki ja tena ku a ta dilebhu bhu pholo ia Ngana, ki ji zuela o ibhangelu ia jimesene ja makutu jenhiji kua Nzambi.

Dijingunuinu 10:1

Anga ngi mona anju iamukuá ia dizonda, uala mu tuluka ku diulu. Ua zuata dituta, o ku thanduʼa mutue uê kua bhiti hongolo. O pholo iê iedi kala dikumbi, o inama iê mukuâ ni jiphiladi ja túbhia.

Dijingunuinu 18:21

Anju ia kindanda anga u zangula kiditadi, mukuâ ni ditadi dia dikota dia kuhuhila, anga u di takula mu menhʼa kalunga, uixi: Kiene muenʼiki, mukuâ ni kibhalu kia dikota, kia-nda kubobesa na-kiu Babilónia, o mbanza ia dikotʼoio! Ki mungu i tena dingi kumoneka ku mesu!