Izaía 10:32 - O Mikanda Ikola

³² Mu kizuua kieneʼokio Asídia ua kà sukila mu Nobe; o mulundu ua mona-kilumba Ziione, ua kà u zengela lukuaku, o kathuthu-lundu ka Jeluzaleme.

Izaía 10:32 ပူးပေါင်းရင်းမြစ်များ

II Malunda 32:1

O kia bhiti ima iosuʼii, ni ufiiele uoso uenhú, kiene kieza Sinake-dibhe, sobha ia Asídia, anga u bokona mu ixi ia Juda, o jimbonge joso ja nguzu u ji tela ilômbo, uandala ku ji tambula phala muene.

II Malunda 32:2

Ezekiia-phe kioso kia mono kuila Sinakedibhe iú uiza muene mu kúlua ni Jeluzaleme, kuma o pholo iê kiene ki ia lombolola,

Nehemiia 11:32

ni mu Anatote, ni mu Nobe, ni mu Ananiia,

Izaía 1:8

Monʼa kilumba mu Ziione, ua xalela mukuâ ni fundu mu mábhia a mivide, kala muionga mu mulenga ua manhungu, uedi kala ki kala o mbanza iòkondoloke ku jinguma.

Izaía 10:24

Kala kiki, o Ngana, Jihova dia Ilômbo Ieta, uambe kiki: Eie u mundu uami, ua tunga mu Ziione, ku kale ni uoma ua Asídia, kioso kia ku beta ni mbangala, kioso kia kuzengela ditombe kala kia kexe mu bhanga akua-Ijitu mʼukulu.

Izaía 10:31

Madimena-ze uaié kiá; o iá a tunga bhu Jebime, ia lenga kiá, ku ibuka-ibuka.

Izaía 11:15

O Jihova ua kà jikinisa lalá o kisanga kia musanza ua Ijitu, ua kà zambesa lukuaku luê mu kubilukila o Ngiji, ni nguzu ia kibhungu kiê; o kia-nda kuila ua i kuama, u i uana mu lusambuadi; sambuadi diê dioso dia mijinga, u i kukutisa katé athu enda ni kubhitila-mu ni jisabhatu ku inama.

Izaía 13:2

Tudikenu mvela ku mulundu uoso ua di-leka, a handekedienu; lekenu lukuaku mu a bhalule, phala a bokuene bhu mielu ia Ilamba.

Izaía 16:1

Tumikisenu jimbudi kua muenexi ua tumina oxi, tunde ku Sela, mu kiphenza, jiie katé ku mulundu ua mona-kilumba mu Ziione.

Izaía 19:16

Mu thembu iná akua-Ijitu à kala mukuâ ni ahatu, a kà ueua, a kà teketa mukonda dia lukuaku lua Jihova dia Ilômbo Ieta, mu ku a huha ene.

Izaía 2:2

Anga kia kà bhita-phe kuila: Mu izuua ia kà sukidila-ku, o mulundu kua tungu o inzu ia Jihova, ua kà beta kuzangalala o milundu ioso ni tumilundu tuofele, ndenge; o ifuẋi ia jixi joso ia kà lengela kué muene.

Izaía 29:2

Hanji-phe, Adiiele nga-nda ku mu ta bhu kíbhidi, bhuà kala ngololo, bhuà kala mukondo; diembuʼidi dia-nda ku ngi kala kiua Adiiele ia kidi!

Izaía 37:22

kizuelu kiambe Jihova phe ku mbandu ia muenʼió, kiki: Kilumba mona Ziione, ka ku suu, iu ua mu ku bhanga kusekelu; mona-kilumba kia Jeluzaleme u ku kubuakesela o mútue kuema dié.

Izaía 8:8

Ma-nda kubhita mu Juda, Juda ioso i boba mu menha, anga ma kuata ku ditutila-mu katé ma a bhixila mu xingu; o mabhabha mâ mu kuzanza, ma kà soka ni kuzanza kua oxi iê ioso, eie u Imanuuele.

Jelemiia 6:23

A-nda kua kʼèza ni mufula ni dionga; ene isuéia-phe ka xikina kulenduka; kibulukutu kiâ ki zuma mukuâ ni mabhuku, endela ku jikabalu, a di zeleka kala makuenze ma ita phala ku ku balukila eie, monʼa kilumba mu Ziione.

Mikeia 1:9

Mukonda o kitalakanha kiê, né a ki tumbu ki iluka dingi, kuma kia bhiẋila ni mu Juda. Kia di zale katé bhu muelu ua akua muiji uami, katé mu Jeluzaleme.

Zakadiia 2:9

Mukonda, talenu-phe kiá: Nga kà zenga lukuaku luami ku thandu diâ ene, ene anga a kà kituka mbole ia enhó a kèxile mu ku a bhikila. Kienhókio kiene enu ki mua kà kʼijiia kuila Jihova dia Ilombo muene ua ngi tumu.

I Samuuele 21:1

Davidi anga uia ku Nobe, kua nganga Ahimeleke; Ahimeleke anga uiza kutakana ni Davidi ni kuteketa, u mu ambela, uixi: Uejila-hi ubheka ué, kuende ni muthu?

I Samuuele 21:2

Davidi anga u ambela nganga Ahimeleke, uixi: Sai kua ngi tumu muenexi, uixi: Ki bhu kale muthu u kʼijiia kioso ki nga ku katuila ni kuoso ku nga ku tumu; makuenze nga a xindila ididi bhuoso bhu tu takanena, kuila bhobho ni bhobho.

I Samuuele 22:19

Ni Nobe, o dibhata dia jinganga, Saúlu u tuma ku di beta ue ku mazu a xibhata, ni mala, ni ahatu, ni ana-ndenge ni anʼauisu ku mele, ni jingombe, ni jibulu, ni jimbudi, ene oso, buí.

I Samuuele 22:9

Bhenhobho Doueki, mukua Edomo, ua kexile muene dikota dia akua mbèle ia Saúlo, u kumbulula, uixi: Nga muene monʼa Jese kiejile ku Nobe, kua Ahimeleke monʼa Ahitube.