Izaía 10:3 - O Mikanda Ikola

³ O kiki-phe enu mua-nda kubhanga kiebhi, mu kizuua ki nga-nda ku mi endela, anga kuiza o kibuika ki tunda makanga? Mua kà lengela kua nanhi mu sota o disuamenu? O kijingo kienu ue muanda kuá ki tula bhebhi?

Izaía 10:3 ပူးပေါင်းရင်းမြစ်များ

Dimatekenu 31:1

Jakobo anga u ívua kiala kuzuela anʼa Labano a mala, kuila: Jakobo ua bhundu ioso ia kexile ia tatʼetu; o ku jimbongo joso ja tatʼetu kuene muene kua bhongolola o umonhi uoso iú.

II Jisobha 7:15

Anga aia ni kukaiela katé ku Njolodá; maji, tala, mu njila ioso a sange muezala ni izuatu, ni mata ni ima ia mukuá iai ni kusonona akua Sídia mu kuia ni makidikidi; o akunji a ile ni kukaiela anga a vutuka, hé a ki kundila sobha.

Jobe 31:14

bheneʼobho-phe, eme ngeje ku bhanga kiebhi kioso Nzambi kia balumuka? O kia ngʼibhula o kikuma, eme ngeje ku mu vutuila kiê?

Jisabhu 11:4

Jimbongo ki ji tena kubhandulula ngana iê bhu kumbi dia njinda; maji o kuiuka ku kudila muthu ku kalunga.

Izaía 13:6

Endenu kiá ni kukumba, mbata kizuua kia Jihova kia zukama; ki kiza kua Muteni-a-ioso kala kibuika.

Izaía 17:4

Bhu thembu bhenhobho kijingo kia Jakobo kia kà tunuka, o kuneta kua jixitu jê kua kà mu-bhua.

Izaía 20:6

Akua-bhata mu ixiʼoio, mu kizuua kiná, a kèla: Enu mala tua mudielelele, bhuezʼobho, ki tualʼiki tua-nda ku di tela dingi kua nanhi, u tu banda, phala ku tu kudila kua sobha ia Asídia? Ki tualʼiki tua kà bhulaka kiebhi?

Izaía 26:14

Ene, o kia fua, ka kà vutuka dingi ku muenhu; o kia kituka madifundu, ka-nda kufukunuka dingi; mukonda dia kienhiki, eie ua a kane, eie ua a jimi o mbutu, o fuma iâ ioso ua i làmbe muene.

Izaía 26:21

Mbata, tala-ze, Jihova ua kà tunda bhu kididi kiê, nda uiza kubhana o njumbu ku iá a tunga mu ngongo, mukonda dia ikuma iâ; o ixi ia kà tukulula manhinga mâ, ki ia kà sueka dingi ió oso a a jibha.

Izaía 28:20

Mbata o hama ia kuzeka ia kà buta, kana muthu ua kà tena kutandelela-ku; o divunga dia kà tola o lubongo, kana muthu ua kà tena ku difuta-na-diu.

Izaía 29:6

Jihova dia Ilômbo Ieta ua-nda ku ku kana ni inuminu, ni kitungutisu kia mavu, ni kixindu, ni kibhungu kia suína, ni kalemba, ni mulengo ua túbhia, hé i ku buikisa.

Izaía 30:16

Mukonda enu-phe muambe, muexi: Lémbue! Sembele tua di te ku jikabalu ni tu lenge; kiene kia-nda ku mi lengesʼokio; muexi, tu mondala kiá jingelenge; kiene-phe kianda kusakalela ue o jinguma jenu mu ku mi bhesa o lusolo.

Izaía 30:5

Ene oso-phe sonhi ja kà a kuata muene, mu dielela athu ka bhandulula ni kima, dikuatekesu lémbue, dibhandulukilu lémbue, ki bheka ngó sonhi ni mondo.

Izaía 30:7

Kuma Ijitu ua-nda ku a banda ngó makutu; ka a bhandulula kima; o kienhiki nga ki kola kiá, ngixi: Inda mu ku di xibha, muene muala o nguzu ienu.

Izaía 33:14

Akua-ituxi mu Ziione uoma ua a kuata, akua-mangonha kua a tula kiteketela. Mukuahi mudietu u tena kutunga bhuamoxi ni mulengu ki uene kujima?

Izaía 39:3

Bhenhobho-phe, polofeta Izaia uiza kua sobha Ezekiia, anga u mu ambela, uixi: Mala ianhá a ku ambela kima kiabhi? ene-phe a tundu kuebhi? Kuala Ezekiia: Enhó a tundu kʼoxi ia dikanga, ià eza kokuami, ku Babilonha ku a tundu.

Izaía 5:14

Kiene kia bhangesa o mbila kuvudisa o hánji iê, ni kujikula dikanu diê sé mbambe; ni kijingo kiâ ni kifuxi kiâ uâ, ni makembu mâ, ni oso a kexe mu kutana muʼaxaxi kâ, a kulumuka mu bòmbo dia kalunga.

Izaía 5:26

Muene ua kà leka Dibandela diê muʼaxaxi ka miji ia makanga, hé u a kà exana ni muixi, tundé ku maẋokololo maʼxi; anga a kèza ni malusolo.

Jelemiia 22:7

Mbata nga-nda ku ku kasela abuikixi, kala mubuikixi ni mata mê: ene, o misedro ié ia di tungulʼoio, a-nda ku i kokela bhoxi, anga a i ta mu túbhia.

Jelemiia 4:30

O ki ualʼokio ua-nda kubhanga-phe kiebhi, eie a ku sengulula? Né-mbe, u zuata thanga jikusuka, né-mbe u di ta makembu ma ulu, né-mbe u di teka mu mesu ni antimonio, kua-nda kuuabha dingi, né ngó, jimbuẋila ja ku buakulula kiá, ka kuandala dingi, ia sota kiáʼ ku katula o muenhu.

Jelemiia 5:31

O Misesedi a tanga ima ia makutu, o jinganga a tumina ku maku mâ-ene; o mundu uami uene, kiene ue kia a uabhela; o ku kia kà suka mua-nda kubhanga kiebhi?

Jelemiia 9:9

Manhi mu ima íii ngeji ku i talela ngó sé ku i bhesa njumbu, Eme Jihova? inga muenhu uami u kamba kuvutula phonzo ku athu kala iá?

Hozeia 5:13

Kioso Ifalaíme kia mono o uhaxi uê, ni Juda kia mono dibhebhu diê, Ifalaíme ua bande kusota Asídia, ua tumu muene jiphunga kua sobha Jalebe, phala nʼa tene ku a kudila; maji muenephe ka tena ku mi saka, né ngó ku miʼlula o dibhebhu dienu.

Hozeia 9:5

Enu-phe mua-nda kuila kiebhi bhu kizuua kia matunda, ni bhu kizuua kia fesa ia Jihova.

Hozeia 9:7

Kuma izuua ia ku a zungila ia bhiẋila, izuua ia kuvutula phonzo ieza-bhu; o Izalaiele ua-nda ku di muena-kiu hé u kʼijiia, kuila o polofeta iê ua di bhange kiôua, o mukua kuzambula u xingila makutu; mukonda ua di vudisila o ikuma iê, kiene uê kia kà mu vudixila o luma.

Amoji 5:19

Kia kʼèla mukuâ ni muthu kia lenga hoji, hé u takana ni kitôto; mba-phe kia di fu ni muthu ualengela mʼonzo, o mu ku tula lukuaku ku mutôto, nhoka anga i mu numata.

Mikeia 7:4

O uala kota mu kuiuka mudiâ, uadifuʼê ngó ni muinha; o ua beta ku uabha o muẋima muʼaxaxe kâ, kota mu kuiibha o muxitu ua misonge ndenge; maji o kizuua kia ku ku ta diesu ni kia ku ku vutuila o phonzo kia bhiẋila; kindala hadi ia ku tula.

Sofoniia 1:18

O phalata iâ ni ulu uâ ki itena ku a kudila mu kizuua kia njinda ia Jihova; maji ku túbhia tua njinda iê ixi ioso iii ia kà jikata; mukonda, ni kidi kiene, Muene athu oso a tunga mu ngongo ua-nda ku a buikisa muʼanzanzʼumu né ngó muthu ka kà subhuka-ku.

Luka 19:44

ji ku lundumuna, ni eie ni anʼé moxi dié. Bhenhabha kà kaxia-bhu ditadi ku thanduʼ a ditadi, mukonda eie ua kambele kuijiia o kithangana Nzambi kia ku zungidile, phala ku ku bhulula.

Matendelelu 28:49

Jihova ua kà ku kasela muiji ua akua makanga ku jihota jʼaxi, uijiia bhulu mukuâ ni holokoko ia di ambatesa ni kuôna; muiji ua athu a dingula a bhingi o dízui dia zuela eie ku tena ngó ku dʼivua;

I Phetele 2:12

Kalenu ni uendelu uenu uafuama, muʼaxaxi ka akua jixi jengi a kambe kuijiia Nzambi phala kioso kia a mi âmba, exi mua mu bhanga kiaiibha, mu kumona dingi o ikalakalu ienu iambote, hinu a kala mu ximana Nzambi, mu kizuua kiê kia ku a zungila.