Izaía 10:27 - O Mikanda Ikola

²⁷ Anga kia kà bhita mu kizuua kieneʼokio, kuila kimbamba kia ku xinine Asídia bhu kisuxi, a kà ku tulula-kiu, ni kànga ioso ia ku kuzuikile muene mu xingu. O kànga a kà i sasujula mukonda dia athu ami nga undu ni maji.

Izaía 10:27 ပူးပေါင်းရင်းမြစ်များ

II Samuuele 1:21

Enu milundu ia Jiliboua! ki ku laukile dimume ku thandu dienu, ku thandu dienu ki kuaʼà noke mvula, ki ku kale mábhia ma bhana maujitu kua Jihova! Kuma ngubu ia dizonda kuenhoko kua i texi ufusa, o ngubu ia Saúlo, kala ua kambele ku mu unda ni maji!

Jisálamu 105:15

Uixi: Athu ami ngʼa undu ni maji, kana ku a kuata; o jipolofeta jami, ki mu ji kuame.

Jisálamu 132:10

Mukonda dia selevende ié Davidi ua mu zola! muthu ué ua mu undu ni maji, ku mu sonokese pholo.

Jisálamu 2:6

Eme-phe, sobha iami nga muʼundu bhu kididi, ku mulundu uami ukôla ua Ziione.

Jisálamu 20:6

Kiki nga kʼijiia kiá kuma, Jihova u kudila muenexi uê ua mu undu ni maji; u mu ivua muene tunde ku diulu diê dikola, u mu banda ni uzonda ua lukuaku luê lua undanda.

Jisálamu 45:7

Eie u inda ioso i iukila mu kidi, o kudiodia milonga ku xikina; o Nzambi, Nzambi ié, kiene kia ku undila ni maji; maji a kusanguluka, phala u tunde akuenu ene oso.

Jisálamu 81:6

Kisuxi kiê nga ki katula ku kimbamba, o makuʼê nga ma tudisa kuambata o kinda.

Jisálamu 84:9

Talesa-ze, Nzambi u ngubu ietu, tu tale Ngana! Mesu mé a kale jinge mu tala o pholo ia muthu ué ua mu undu ni maji.

Izaía 14:25

Asídia nga kà mu huhila moxi iami muene, nga kà mu titidila ku milundu iami, phala o kànga iê ia tula mundu uami ngʼa sondolola-iu, o kimbamba kiê ki tunde bhu isuxi iâ.

Izaía 30:23

Kienhokio-phe Jihova ua-nda ku ku bhana o mvula ku mbutu ié i u kuna bhoxi, u ku bhana ue mbolo, o phèmbele jaʼxi; mavu iá a-nda kuima muene kiasoko; mu kizuuʼokio ibhaku ié ia kà dila jinga mu mâkela madixala.

Izaía 37:35

Mbata eme nga-nda kubhângela mbanza iii, phala ku i kudila, mukonda diami ememuène, ni mukonda ue dia selevende iami Davidi.

Izaía 52:2

Dikukumune o fufuta, balumuka u xikame, Jeluzaleme, tata; mona-kilumba mu Ziione uene bhu lubhambu di-jitune o mukolo mu xingu.

Izaía 55:2

Kitadi kienu mua mu ki zangela-hi ku ima ia ngoho ki kúdia? O ima i tunda mu ikalakalu ia maku menu anga mu i zangela ngoho mu ioio ki i tena kuikutisa? Kuatenu kilunji mu ngʼivue, nda mu die kiauabha, o muenhu uenu u tane ni ima ianete.

Izaía 9:4

Mbata o jungu ia a xinine, eie ua i bukujula, ni mbangala ia kexi mu ku a batujula na-iu o dikunda, katé ni mbasá ia mubhikixi uâ, kala mu izuua ia akua Midiiane kia a tolola.

Jelemiia 30:8

Kuma, Jihova dia Ifuẋi, uixi: Mu kizuua kienhokio, kiene ki nga-nda kua ká bukula o jungu ia ku kala ku thanduʼa xingu ié, ophi ié nga-nda kua kà i bukula; ki mungu dingi akuaʼxi iengi a kà bhanga abhika o kifuxi kiki,

Izekiiele 30:18

O mu Tafene kuma kua kà vunda, kioso eme ki nga kà bukula momo o jungu ia Ijitu, hé o ku di zangeleka kua nguzu iê kubhua-mu; dituta dia kà mu vungina, o anʼê a ahetu a kà kuzuka mu ubhika.

Ijila 7:35

Dienhidi diene o dikandâ dia Alá, diene ue o dikânda dia anʼê ku maujitu oso a kuohela Jihova, tunde mu kizuua kia a bhakula phala kubhanga o kikalakalu kia unganga ua Jihova.

Luka 4:18

Nzumbi ia Ngana ua ngi tula, mukonda muène ua ngʼundu kutudila o jingadiama, Njimbu Iambote. Ua ngi tumu kuxika ngonge ia ufolo ua abhika, ni kubhana mesu o ifôfo, ni kujituna oso a a kuika,

Nzuá 1:41

Muène anga u sota hanji phangʼiê Ximá, u mu ambela, uixi: Etu tua sange Mesiia, (Mu ku di lombolola, uedi tua sange Kristu).

Jipoxolo 4:27

Kuma ni kidi muene, mu mbongeʼ umu o Selevende ié ukôla, Jezú, ua mʼ undu ni maji phala kukala Kristu, ni Helode ni Pônsio Pilatu, ni akua matumbu, ni mundu ua Izalaiele, a mu balukila.

I Nzuá 2:20

Maji enu-phe Kristu ua mi lunduluila o Nzumbi Ikôla ku thandu dienu, enu muejiia enhoso o kidi.

I Nzuá 2:27

Maji enu-phe Kristu ua mi lunduluila o Nzumbi Ikôla ku thandu dienu. Kiosuʼiki ió mua mu tambula kua muène ua tungu moxi dienu, ki mua bhingi dingi muthu ku mi longa. Mukonda o Nzumbi Ikôla muène u longa mu ima ioso, kuma muène o kulonga kuê kua kidi ki kua makutu, kana. Kala kiki, kioso kiá kia mi longo o Nzumbi Ikôla, ʼkiene ki mu kuata, mu jijile o kudiongeka ni Kristu.