Izaía 10:26 - O Mikanda Ikola

²⁶ Kuma Jihova dia Ilômbo Ieta ua kà mu fundumuina mabhebhu a soka ni kijibha kia bhitile mu Midiiane, bhua zukama ni ndanji ia Olebe; mukuâ ni mbangala ié ku thandu dia Kalunga Kakusuka; kiene kia kà bhanga Asídia kala kia bhangele akua-Ijitu.

Izaía 10:26 ပူးပေါင်းရင်းမြစ်များ

II Jisobha 19:35

Anga ki bhita-phe kuila, mu usuku uenhó, mu kaẋi kà kilômbo kia akua Asídia, o anju ia Jihova ua buikisa-mu hama ni makuinhi nake ni kitanu kia jihulukaji ja athu; o a subhuka-ku kia balumuka mu kimenemene, a mona ngó mikutu ioso imbi mu imbi.

Jisálamu 35:23

Phaphumuka, u balumuke mu ku ngi bhana o kulúnga; funda o mulonga uami, eie u Nzambi, Ngana iami.

Jisálamu 83:11

Ilolo iâ a soke kiá ni ki ua bhange Olebe ni Ziiebe; o jisobha jâ mukuâ ni Zeba ni Zalumuna,

Makatukilu 14:16

eie-phe, zenga o mbangala ié, u sununune o lukuaku lué ku thandu dia kalunga, u ka uanunune mu kaẋi o anʼa Izalaiele a bhite muene mu kaẋi ka kalunga, bhoxi dia kukuta.

Izaía 10:24

Kala kiki, o Ngana, Jihova dia Ilômbo Ieta, uambe kiki: Eie u mundu uami, ua tunga mu Ziione, ku kale ni uoma ua Asídia, kioso kia ku beta ni mbangala, kioso kia kuzengela ditombe kala kia kexe mu bhanga akua-Ijitu mʼukulu.

Izaía 11:16

Anga ua kà jikula-mu kikoka kia sokelela, phala tumbalumbalu tua mundu uê tua kà subhuka kua Asídia, kala kia bhitile kua Izalaiele kioso kia tundile mʼoxi ia Ijitu.

Izaía 30:30

Jihova ua kʼèvisa o fuma ia dízui diê, anga ua kà bhangesa kutala kia tulula o lukuaku luê ni kutemanana ni njinda, ni mulengo ua túbhia tuê tu buikisa, ni jinzaji ni dilúviu ni matadi ma mvula.

Izaía 30:31

Mbata o dízui dia Jihova diene dia kà bhanga isasake kua Asídia, kioso kia kà mu beta ni mbangala.

Izaía 30:32

Bhua kà kala jingoma ni jimbanza, bhu kuditenda kua dibambu dia mabatuilu a kà bhana Nzambi; nʼa ka bhânga muene mvunda ia temanana mu kúlua-nâ.

Izaía 9:3

Eie ua sokolola o mundu iú, ua a bandekeza ue o kusanguluka; ene oso a-nda kusanguluka bhu pholo ié, kala ki sanguluka athu bhu thembu ia kumuna, mukuâ ni kiene kutana athu mu kuuana o madibhundila.

Izaía 9:4

Mbata o jungu ia a xinine, eie ua i bukujula, ni mbangala ia kexi mu ku a batujula na-iu o dikunda, katé ni mbasá ia mubhikixi uâ, kala mu izuua ia akua Midiiane kia a tolola.

Dijingunuinu 11:18

O ifuẋi ia kambe kuijiia Nzambi ia salumuka ni njinda iavulu, mukonda kithangana kié, u Nzambi, kia kubhana kaxtiku kia bhixila! Kumbi dieza-bhu dia kufundisa athu oso a fua kiá! Kithangana kia tuta-bhu kia kuuanena o jiselevende jé jipolofeta o kisakidilu kiâ! Kumbi dieza-bhu kiá dia kubhana o futu ku athuʼé aiuka, ni ku mundu ué uoso ene mu ku ku xila, ni jindenge ni makota! Thembu ia bhiẋila-bhu kiá, ia kubuikisa ió oso ene mu kubuikisa oxi!

Dijingunuinu 19:15

Mu kanu diê anga mu fuomoka xibhata iatu, iene ia tolola na-iu akua jixi. Muène u a tumina ni mbasá ia felu. Muène u titidila mu ditangi dia kukamena o vinhu ia njinda iatemanana ia Nzambi, Kutènde.

Afundixi 7:25

Anga a kuata jingana jiiadi, anʼa jisobha ja Midiiana, Olebe, ni Ziiebe; Olebe anga a mu jibhila bhu ndánji ia Olebe; o Ziiebe a mu jibhila bhu ditangi dia Ziiebe; anga aia kiua ni kukaia akua Midiiana; o mitue ia Olebe ni Ziiebe, anga a i bhekela Ngidiione ku sambua dia Njolodá.