Izaía 10:23 - O Mikanda Ikola

²³ Kuma o kibuika kia xindi kiá, o Ngana, Jihova dia Ilômbo Ieta, ua kà ki bhitisa muene muʼaxaxi ka oxi ioso ienhiʼii.

Izaía 10:23 ပူးပေါင်းရင်းမြစ်များ

Jisálamu 46:9

Ita ua i suikika katé ku maẋokolo aʼxi; uta ua mufula ua u bukula, dionga ua di batula mu kaẋi; o makalu a ita ua oha mu túbhia.

Izaía 28:22

Kala kiki-phe, ki mu bhange dingi kasekelu, sumba mikolo ienu a beta dingi ku i kolesa; mukonda eme ngʼevu Jihova dia Ilômbo Ieta uala ku kanena kiá ku bheka-ku kibuika, o kienhiki ua ki xindi kiá, ki tuluka ku thandu diaʼxi ioso.

Daniiele 11:36

O sobha-phe ienhiʼii ua kà bhanga kioso ki mu tuma o vondadi iê; ua kà balumuka, anga u di kudisa ku thanduʼa nzambi joso; o Nzambi ia jinzambi joso ua kà âmba muene ue ima ia isunji ni madiuanu, ki kuiza kima! Inda muene-ku uia ni kubhanduluka dingi, katé kia kʼèla njinda ia Nzambi ia tenena ia suku; kuma, kioso kia tanga Nzambi, ki bhita muene.

Daniiele 4:35

Kua muene athu oso atungu mu ngongo kingoho, kioso kia mu kala mu vondadi iê kiene kia bhanga ni ku ilômbo ioso ia diulu ni ku jithungiembu joso bhoxiʼabha; kana-ku muthu utena kufudisa lukuaku luê, ni kuila: Ua-nda bhanga kiebhi?

Daniiele 9:27

Muenephe ua kà ta kikutu ni athu a ndumba mu semana imoxi; semana-phe iiza ngó mu kaxi, jisata u ji bhuisa-ku ni mibhaku ia musa; o ua kà bhanga isunji ioso iii-phe, muene ue kua kà mu iza mubuikixi, anga a mu lalumuna kienhiki katé kiá bhu dizubhilu; o kioso kiòxinde anga à ki lundulula ue ku thanduʼa mubuikixi muene.

Loma 9:28

Kuma Ngana uandù bhitisa kizuelu kiê mu ngongo, u ki zubha, u ki lenguluisa.