Izaía 10:14 - O Mikanda Ikola

¹⁴ O lukuaku luamiʼlú lua bongo o umonhi ua ifuẋi mukua ni kikalanga, kala kiene mu kubhongolola o maiaki ma uʼehelele, kiene ue eme ki ngʼongeka o ixi ioso. Ki bhua moneka uoso u zenga dibhabha, mba u bhana mu kanu, mba u longolola.

Izaía 10:14 ပူးပေါင်းရင်းမြစ်များ

II Malunda 32:13

Inga enu ki mua kʼijiia, ki nga bhange eme ni jitata jami ku ifuẋi ioso ia akua jixi? Mbé o jinzambi ja akua jixi jeneʼojo ja tenene, o ku bhulula o ixi iâ bhu lukuaku luami mu kikexilu kioso-kioso?

Jobe 31:25

mba eme nga sanguluka mukonda dia kuvula kua jimbongo jami, ni mu kuila o lukuaku luami lua bhongolola kia vulu;

Jisabhu 18:12

Muẋima ua muthu u di zangelaka, ua-lu sota kibhalu; uinda o kijingu, u dianga o kubatama.

Izaía 14:6

Ió ua kuama jinga o mundu ni ngánji, ni mabhebhu kiene kia kuata kunemeka athuʼiki uakuata, uedile o ifuẋi ua i tumina jinga ni njinda, muene lelu ue a mu tungika, ki bhuala u ki fudisa.

Izaía 37:25

Eme nga kande, eme ngʼanu menha; eme nga kukutisa menha mu jihonga joso ja Ijitu ni makànda a inama iami.

Izaía 5:8

Lamba diâ oso a bandekeza jinzu ku thandu dia jinzu ku mukombo, mábhia ku thandu dia mábhia, katé ididi ioso a i tambula, nʼa kale ene ngó a tungu mu ixi.

Jelemiia 49:16

O ku dizangeleka kué ni ku di temeneka kua muẋima ué kua ku nganala kiavulu. Eie ua tunga mu mabànda ku matadi, ua tulama bhu thala dia milundu, né-mbé kikalanga kié u ki ta bhua dileka kala holokoko, hanji, kuenhoko kuene ku nga-nda ku ku lundumuna, Jihova ua ki tange.

Izekiiele 35:13

Enu-phe mua ngi di-zangelekela eme ni dikanu, enu mua vudisa o maka menu mu ku ngi balukila eme; ememuène nga dʼivila-kiu.

Obadiia 1:4

Né u di leka kala holokoko, ni u te kikalanga kié mu jithéthembua, kuenhoko nga kà ku lundumuna-ku, kiene kiambe Ngana.

Nahumu 2:9

Bhundenu o phalata, bhundenu o ulu mukonda o jimbongoʼiji ki ji moneka mbambe, o mbonge iezala ni ima iavulu ia Seme o muẋima.