Izaía 10:13 - O Mikanda Ikola

¹³ Mukonda uambe, uixi: O kiki nga ki bhange ni nguzu ia lukuaku luami, ni mu kuijiia kuami, kuma ngi muthu nga tongoloka; eme nga sondolola o jimbambe ja ifuẋi, o jimbongo jâ nga a nhana-ju, ni uzonda uami nga buikisa a xikamene ku iandu ia ungana.

Izaía 10:13 ပူးပေါင်းရင်းမြစ်များ

II Jisobha 15:29

O mu izuua ia Peka, sobha ia Izalaiele, muene mueza Tiglate-Philesele, sobha ia Asídia, iú ua tolola jimbanza ja Inzone ni Abele-Bete-Mahaka, ni Jenoua, ni Kadexi, ni Hazole ni Ngiliiade, ni Ngalileia kumoxi ni ixi ioso ia Nafitali, oso a tungiuie-ma ua ambata iú uai-nâ ku Asídia.

II Jisobha 16:8

Anga Akâji u zangula o phalata ni ulu uoso ua sange mʼonzo ia Jihova ni mu malundilu ma dibhata dia sobha, iú ua i tumikisa mu ku i bhanga ujitu kua sobha ia Asídia.

II Jisobha 17:24

Sobha ia Asídia anga uiza ni athu engi ku Babele, ni ku Kuta, ni ku Hava, ni ku Hamate, ni ku Sefalavaime, iú ua a tumina kutunga mu jimbonge joso ja Samádia, bhu kididi kia anʼa Izalaiele a tungile-mu mʼukulu; athu engi iá a lundula Samádia, iá a tungu mu jimbonge jê joso, kuma ua di bhange undundu uâ.

II Jisobha 17:6

Kubhiẋila mu muvu ua kavua ua utuminu ua Ozeia, sobha ia Asídia kiene kia tolola Samádia, iú ua zangula Izalaiele ioso iú ua a balakala ku Asídia; iú ua a bhangesa kutunga bhu Hala ni bhu Habolo bhua zukama ni ngiji ia Ngozane ni mu jimbonge ja akua Mediia.

II Jisobha 18:11

Anga akua Izalaiele a a balakala ku Asídia kuala sobha ia Asídia; iú ua a tumikisa ku Hala ni ku Habolo, kua zukama ni ngiji ia Ngozane ni mu jisanzala ja akua Mediia phala a tunge momo.

II Jisobha 18:15

Ezekiia bhenhobho hé u mu bhana o phalata ioso ia kexile mʼonzo ia Jihova ni iii ioso ia kexile mu malundilu a dibhata dia sobha.

II Jisobha 18:32

Katé bhu ngʼijila mu ku miʼambata ku ixi ia di-fuangana ni ienu-iene; ixi ia tiliku ni uálua; ixi ia mbolo ni vinhu; ixi iezala midívua, ni maji, ni uiki; o kuenhoko mua kà kola muenhu, ki mu-fu, kana; o Ezekiia-phe ki muende ni ku muʼivua; mukonda uandala ku mi balukisa, uixi: Jihova ua-nda ku tu kudila.

I Malunda 5:26

Kiabhekela Nzambi ia Izalaiele ku a balumuina o nzumbi ia Phulu, sobha ia Asídia, ni nzumbi ia Tikalate-Pilinesele, sobha ia Asídia, ua a kuika, iu ua ambata ku uhutile, o ana a Lubene ni ana a Ngade ni kaxaxe ka muiji ua Manasa; ia a a balakala ku Hala, ni ku Hambole, ni ku Hada ni ku ngiji ia Ngozane, ia ala kuenhoko katé mu kizuua kia lelu.

Jisabhu 28:11

O muthu kia kala mvama, ku muẋima uê u di mona kudimuka; maji o ngadiama uala ni kilunji uejiia ku mu tungununa.

Izaía 10:8

kuma, uamba uixi: Abha, ilamba iami ioso ki jisobha?

Izaía 5:21

Lamba dia ió oso a di mona kuijiia ku mesu mâ ene, a di fika kudimuka ku mesu mâ-ene muene.

Jelemiia 46:8

Ijitu muene ua mu kuiza ni kubanda kala Nilu, o menha mê ene ala mu ku kunguluka kala a jingiji; kuma muene uixi: Nga-nda kubanda, nga kà vungina ixi, nga kà jikinisa o mbonge ni oso a tungu momo.

Jelemiia 48:14

Mua-nda ku kiʼamba kiebhi, muexi: Tu mazonda, tu malʼa nguzu mu ita?

Izekiiele 25:3

Nda uambele anʼa Amone, uixi: Ivuenu o kizuelu kia Jihova Nzambi: Kuma o Jihova Nzambi uambe, kiki: Mbata eie uedi: Há! há! ku mbandu ia dibhezelu diami kioso kia di kasanesa; ni ku mbandu ia oxi ia Izalaiele kioso kia mu i kitula jingùndu; ni ku mbandu ia dibhata dia Juda kioso kiaii ku ubhika;

Izekiiele 26:2

Monʼa diiala, mukonda kuma, o Tilu, ku mbandu ia Jeluzaleme uedi, uixi: Ua di bhé-kiu! O dibhitu dia ifuẋi dia budika! Kia ngi budikila kiá eme! eme nga-nda kuizala kioso muene kia muia kiá ni kubudikʼiki!

Izekiiele 29:3

Zuela, kuamba: O Jihova Nzambi uambe kiki: Emʼiú, mu kuzoka nʼeie Falaó, sobha ia Ijitu, u kimudikixi kionéne, ua butama muʼaxaxe ka jingiji jé, eie ua mu kuila, uixi: O ngiji iami, iami eme-muène, kuma eme nga i bhange phala eme.

Izekiiele 35:13

Enu-phe mua ngi di-zangelekela eme ni dikanu, enu mua vudisa o maka menu mu ku ngi balukila eme; ememuène nga dʼivila-kiu.

Daniiele 4:27

Kala kiki, sobha, tata, xikina kaiula kamiʼaka, sota kubhanga kia iuka, u di bhuise ituxi, bhanga henda ku jingadiama, u di bhuise o phulu, kifua o kiki nga ki ambe sumba hanji kua ku xiala thembu ia ku di-bhola hanji ku mátui.

Daniiele 4:30

Sobha-phe u kumuna, uixi: Abha iii ki iene mbanza iadikota ia Babilónia i nga tunga eme, ngixi diene o dibhata dia ungana, dia tundu ku undanda uami, phala kijingo kiami kiie ni kufumana?

Amoji 5:27

Uila kiki, eme ue ngi mi tumikisa ku ubhika, o ku muia Damasku u xala dingi kunu, kuma Jihova ua ki tange, Ió ua bhingi dijina diê a muila Nzambi ia Ilômbo Ieta.

Amoji 6:13

Enu-phe mua akua kusangulukila kingoho, muamba muexi: Etu manhi kia tu jingisa kʼo nguzu ietu?

Habakuke 1:11

Hé a bhita mukuâ ni kitembu kia kibhungu, anga endelela muene nzaká; enhá-phe à kala mu kuêla muene, kuma a fika a ki bhange ni nguzu ia tundu kua nzambi iâ.

Habakuke 1:16

Anga, mukonda dia kiki, uanda uê u u satela, o kibhongoluelu kiê u ki ohela ima ia mazumba, kuma ni imʼiii mbandu iê ia jingi kiengi, o kúdia kuê kua vulu dingi.

Habakuke 2:6

Ene osoʼá ka ka mu balumukina ni a mu tele o Sabhu ni kizuelu kiasuina mu ku muila, exi: Kokolo dia ió uoso u di sokoluela o mbote ni ima iangene ki ia mu tokala! Katé bhebhi, tata! Xi, lamba dia ió uoso u di vudixila o makongo!

Matendelelu 8:17

Sumba muà kela mu miẋima ienu muixi: Mu nguzu ietu ni kusuina kua maku metu, muene mu ejiia o umvuama uoso uenhú.

Afundixi 7:2

Jihova anga u ambela Ngidiione, uixi: O mundu-ze u uala-nâ ua vuluʼé ngó, kuila eme ngi bhana akua Midiiana bhu lukuaku luâ. Sumba Izalaiele u ngi tela nzabala, kuila: Lukuaku luami eme-muène lua ngi bhulula.