Izaía 1:9 - O Mikanda Ikola

⁹ Se o Jihova dia Ilombo Ieta ua kambele ku tu xila tumbalu-mbalu, eji ku tu buikisa kala Sodoma, tueji ku di fuangana ni Ngomola.

Izaía 1:9 ပူးပေါင်းရင်းမြစ်များ

Dimatekenu 18:26

Jihova anga u zuela, uixi: Se nga sange mu Sodoma makuinhi atanu a muthu a iuka dibhata dioso ngi di eha mukonda dia iá aiuka ala-mu.

Dimatekenu 18:32

Uixi: Ngana ku kale ni njinda, ngi tone dingi kuzuela lumoxiʼulu, sumba a sanga-mu dikuinhi dimoxi. Ngana uixi: Ki nga a buikisa dingi mukonda ngó dia dikuinhi diala-mu.

Dimatekenu 19:24

Kienhokio Jihova anga u nokesa xofidi ni túbhia ku thandu dia Sodoma ni ki thandu dia Ngomola, tua laúka kua Jihova ku diulu;

I Jisobha 19:18

Eme nga xalesa ue sambuadi dia midi ia muthu mu Izalaiele, ió o jiphuna jâ joso ki ja fukamena Bahale, ni dikanu diâ dioso ki dia mu bhana jibeju.

II Jisobha 19:4

Mukonda nga fika muene kuma o Ngana ia Nzambi ié uevu maka oso a tange Labesaki, o muthu ió a mu tumikisa kuala ngana iê, o sobha ia Asídia, phala kulebhula Nzambi ia Muenhu ni ku mu kuatesa sonhi ni maka ió a dʼivila muene Jihova dia Nzambi ié; kiki-phe eie sambela kiá ngoho iá oso a subhuka-ku hanji.

Izaía 1:8

Monʼa kilumba mu Ziione, ua xalela mukuâ ni fundu mu mábhia a mivide, kala muionga mu mulenga ua manhungu, uedi kala ki kala o mbanza iòkondoloke ku jinguma.

Izaía 11:11

Mbata kia kà bhita kuila, Jihova mu kizuua kieneʼokio ua kà vutukila kuta lukuaku luê mu kuondolola dingi o masubhu a mundu uê, a subhuka ku Asídia, ni ku Ijitu, ni ku Pátulu, ni Itiiópia, ni ku Elame, ni ku Xiniiale, ni ku Hamate, ni ku ikolo ia kalunga.

Izaía 11:16

Anga ua kà jikula-mu kikoka kia sokelela, phala tumbalumbalu tua mundu uê tua kà subhuka kua Asídia, kala kia bhitile kua Izalaiele kioso kia tundile mʼoxi ia Ijitu.

Izaía 17:6

Maji hanji mua kà subhuka tumasa tua jinjonjombolo, tu tokala o kubonga, mukuâ ni kia nhikisa ibundu ku muvide, anga njotona jiiadi mba jitatu jinamininé hanji ku jithangu ja suku-ku bhuluʼobho, ni njotona jiuana mba jitanu jixalela mu jithangu joso ja bhoxi jemine kia soko, Jihova, Nzambi ia Izalaiele, ua ki zuela.

Izaía 24:13

Mbata oxi kiene kia ia-nda ku kala, ni ku matutu, ni muʼaxaxi ka mundu iú, mukua ni muvide kia u lalumuna ibundu, mukua ni jisuênge, kʼibhua o kumuna jiuva.

Izaía 24:6

O kienhiki, kiene kia bhekela o mázui kusekalesa oxi; o ió oso a tungu-mu a-nda ku di-kota; mukonda dia kiki, a-tungi-a-xi a-nda kua oha, mua kà subhuka ngó athu òfele.

Izaía 37:4

Manhi, o Jihova Nzambi ié, maka ma Labesaki ua mʼèvué, muthu a mu tumikisa kuala ngana iê, sobha ia Asídia, phala ku xinga Nzambi ia muenhu, ni ku mu lebhula ni maka ma dʼivila Jihova Nzambi ié. Sambela-phe tumasubhu tua xala-bhu.

Izaía 46:3

Ngʼivue kunu, diembu dia Jakobo, tata, nʼenu mu masubhu ma diembu dia Izalaiele; enu mu athu nga mi ambatela bhu maku tundé mu mala; eme nga mi lela tundé mu divumu.

Izaía 6:13

Maji se mbandu ia kakuinhi i subhuka-mu, a kà i buikisʼé dingi; mukuá ni mukaluvádiu, mba muzinhela, kioso ki i lalumuka mafe, hanji uemanʼé; kiene ue, o mbutu ikôla.

Izaía 65:8

Jihova uambe kiki: Mukuâ ni mu kisaka kia jiʼuva kia sanga-mu o vinhu iobhe, ene kuila, exi: Ku i zange, kuma muenhomo muala kubhanduluka; kiene ue ki nga-nda kubhanga mukonda dia henda ia jiselevende jami, phala ki ngʼa jikinise ene oso.

Jelemiia 23:14

Maji mu jipolofeta ja Jeluzaleme nga di uana-mu kisunji kionéne: èhé, a kuata ku-ta o jiphanda, a di-ambatesa ni kádia, o maku ma ingumba ene dingi a ma suinisa, mbé a lémbue kudiela o ikuma iâ; o ki nga ela suí, edi kala Sodoma, akua-bhata momo, mukua ni Ngomola.

Jelemiia 42:2

Anga ambela polofeta Jelemiia, exi: Kudionda kuetu ku sonokene kindala bhu pholo ié, u tu diondele kua Jihova, Nzambi ié, ku ene osuʼá subhuka, mbata ku nzungule i tua kexile, tua subhuka tua tolo kiá, kala ki ua mu di muena éʼmuène ni mesu mé.

Jelemiia 50:20

Mu izuuʼomo ni mu kithanganʼokio, Jihova uixi, kuiibha kua Izalaiele a-nda kuà ku sota, maji ki kuanda kumoneka dingi; ni ituxi ia Juda ue, maji ki ia kà moneka; kuma eme nga-nda kuloloka oso u ngi xisa masubhu.

Kuditenda 3:22

Kuma o jihenda ja Jihova jene-ze ja bhiti-bhu, etu tua kambe kujima o mbutu; mbata jihenda jê ki jene ni dizubhilu.

Kuditenda 4:6

Mukonda o kituxi kia monʼa kilumba kia mundu uami, kia beta kota o kia Sodoma ndenge, a mu vumbile mu uthôkua muʼanzanzʼumu, sé ngó kuila bhu kala lukuaku lua muthu lu ki bhanga.

Izekiiele 14:22

Maji, tala-ze, amoximu a-nda kusubhuka muene muenhomo, hé a kâ ambata ku kanga, kixi anʼa mala mba anʼa ahatu; talesa-ze ene a kʼeza kokuʼenu, enu hé mua kà mona o njila iá ni ibhangelu iâ; anga kia kà mi konda malamba a kuiibha kuoso ku nga bheka ku thandu dia Jeluzaleme, ni ima ioso kiá i nga bheka ku thandu diê.

Izekiiele 6:8

Maji-phe nga-ndu xisa-ku masubhu, mbé ku kale amoxi-mu a bhulaka ku xibhata muʼaxaxe ka akua jixi, kioso ki a-nda ku mi muangena mu tumbu ni ngongo.

Jouele 2:32

Kieneʼokio-phe, uoso ua kà hingila dijina dia Jihova ua kà bhuluka. Kuma ku mulundu ua Ziione, ni mu Jeluzaleme, muà kala dibhandulukilu kala kiene mu ki tanga kuala Jihova, ni kua iá oso a subhuka a kà exana kuala Jihova.

Amoji 4:11

Amoxi mu kaxi kenu nga a lungulula o miẋima mukuâ ni Nzambi kia lunguluile Sodoma ni Ngomola; enu-phe, enu mua di bhange kala kixinji kia luhuinhi luókatule bhu jiku! Sumbala kiene, maji hanji-phe mua lémbua kudiela ni mu bhiluke kokuami, Jihova ua ki tange.

Habakuke 3:2

Jihova ngevu, maka mé mu uazuela, o uoma iu ua ngi kuata! Kikalakalu kié u Jihova, bhana-kiu dingi muenhu ku mivu ioso, o i uazuela enda ni ku i ijidisa dingi ku mivu ni mivu; kioso ki u thathamana jinga lembalala, Ngana, o kulenduka kué!

Sofoniia 2:9

Kala kiki, mu kidi kiene, Eme Jihova dia ifuẋi, Nzambi ia Izalaiele, nga lokela muenhu uami kuma Mouabhe ubuika kala Sodoma, anʼa Amone a di bhanga kala Ngomola; o ixi iâ i di bhanga kangu dia môngua, mu sabhuka isása i xixima, i biluka ngundu i nangenena, kuma ene aia muene nzaká, kà moneka dingi. O ió oso a subhuka ku mundu uami, a kà kituka ene tubhinganu tuâ, a subhuka ku athu ami a kʼèza hé a a kuata anga a avua.

Matesu 7:14

O kadibhitu-phe katolo, ni kanjila kòfele, kaia ku muenhu; athu kʼa kidi a ka sanga.

Loma 9:27

Ni Izaia ue ua zuela ku mbandu ia Izalaiele, uixi: Né-mbe o mundu ua anʼ a Izalaiele u vula kala kisekele bhu mbanduʼ a kalunga, tumbalu-mbalu tuâ, tuene ngó tua kà bhuluka.

Loma 9:29

O Izaia ue ua ki zuela, uixi: O Ngana dia ifuẋi se ua kambele ku tu xia mbutu, hinu tueza bhua Sodoma, hinu tua bhiluka kala Ngomola.

Matendelelu 29:23

Mù kuila mua bhiti mbòmbe ia xofidi ni môngua oxi ioso ia seluka iazubha, kuma ia lémbua kuima, ia lémbua kusabhukisa ngó dife dimoxi; mbambe ni kia bhitile mu Sodoma, ni Ngomola, ni Adama ni Nzebouime, a a buikisile kuala Jihova kia mu kuatele o njinda ié ni kutema kuê.

II Phetele 2:6

Ni jimbànza ja Sodoma ni Ngomola Nzambi ua ji bhange uthôkua, ua jʼêlesa ni ji kale ngó jingundu, mbé ji kale kijimbuete kua ió oso enda ni kubhuma.

Dijingunuinu 11:8

O imbi iâ anga i zeka mu nzunga, mu mbanzʼoio ia dikota, mua jibhilile ue Ngana iâ ku dikulusu. O dijina diê mu ku i tumbula mu kixanga, ela Sodoma, mba Ijitu.