Izaía 1:7 - O Mikanda Ikola

⁷ Ixi ienu ia xala ngùndu, madiembu menu ma jikata mu túbhia; o mikáu ienu enda ni ku mi dia-iu kuala athu engi, akua jixi ja makanga, enu mu ki mona mesu; kibuika-phe kia athu engi kia mi vubuka.

Izaía 1:7 ပူးပေါင်းရင်းမြစ်များ

II Malunda 28:5

Mukonda dia kienhiki, Jihova, Nzambi iê, ua mu bhakula ue bhu lukuaku lua sobha ia akua Sídia, ene anga a mu tolola ku ita, hé a muʼambata kifuẋi kionène kia jihutile anga eza na-kiu ku Damasku; a mu bhakula ue dingi bhu lukuaku lua sobha ia Izalaiele, muene anga u mu kuama ni ukuamenu ua dikota.

Jisálamu 107:34

Ixi ia vudile kuima, ua i bhange phându ia môngua, mukonda dia kubhukumuka kua athuʼê a tungu-mu.

Jisálamu 107:39

Maji bhuamukuá a sosoloka dingi, a tunuka muene, mbebhu o ku a bhondeleka, ni uíndua, ni lamba.

Jisálamu 109:11

Mukua kúdia mangonha a mu bhûnde ima ioso iala-na-iu, akua makanga a mu bhûnde ima ioso ia kalakala.

Izaía 1:8

Monʼa kilumba mu Ziione, ua xalela mukuâ ni fundu mu mábhia a mivide, kala muionga mu mulenga ua manhungu, uedi kala ki kala o mbanza iòkondoloke ku jinguma.

Izaía 3:8

Mbata Jeluzaleme ua di-bhukana, o Juda ua di-bhale; mukonda o uzuelelu uâ ni ibhangelu iâ, ia kubalukila Jihova; mbé o kubheka njinda ku mesu a Jihova ni fuma iê.

Izaía 34:9

O jingiji ja Idomo ja kà biluka uasu, o fufuta iâ, mukuâ ni xofidi, oxi iâ i kala kala ngulele iauama.

Izaía 49:19

Kuma ni mu ikangalakata ié, ni mu manhana mé, ni mʼoxi ié ioso ia buika, muene muoso mua-nda kutunga athu a vulu, katé a di xina-xina, o ió a kexe ku ku kunha, a-nda kuendelela dikanga.

Izaía 5:17

Kieneʼokio-phe o ana a jimbudi, kúdia kuâ kua kalé, mukua ni mu makèla mâ; akua makanga a kèza mu dia ima ia xie mua titidila o mazonda.

Izaía 5:9

Nga kʼivu ni mátui mami, kia ki zuela Jihova dia Ilombo Ieta, uixi: Kutanga o kidi, nga-nda ku sengulula muene jinzu janzungule, katé ni mazemba mʼònene ma-ndu xala jingundu.

Izaía 6:11

Eme-phe, ngixi: Ngana Katé bhebhi? Muene ua kumbulula: Katé ki buika o madiembu, sé muthu u tungamu, né ngó muthu umoxi mu jinzu, oxi iene ioso kilômbo ngundu.

Izaía 60:15

Bhu kididi kia ku kuehelela, ni ku ku buakulula bhua ku tula, kia bhingi ki bhu kexile u bhita momué, eme-phe nga kà ku bhangesa kukala ni kuzangalala ku nangenena, kutana muene, kutunda muiji kuiza muiji.

Izaía 62:8

Jihova ua loka ni lukuaku luê lua dilu, ni lukuaku lua undanda uê, kuila nuka dingi a kà bhana o tiliku ié kukala huta ku jinguma jé, o akuʼaxi iengi ue ka kà nua dingi o maluvu mé u ua talela o hadi.

Izaía 64:10

Madiembuʼé a ngene a biluka jingùndu; Ziione kilombo ngundu, Jeluzaleme a mu buikisa.

Izaía 9:18

Kuma o phulu ioso-lolo i uama kala túbhia, iximika katé ni ivunda ni misonge. Kiene muene, i bambula katé ni mixi ioso ia di-bhidijika ku muxitu, anga dixi diê di bhana matuta a xiketela bhulu.

Izaía 9:5

Mukonda o ibhakatu iene ioso ia ió a kexi mu kúlua ni kilungutu, ni izuatu ia dimbujukile mu manhinga, a kà ioha, ia kà kituka luandu lua túbhia.

Jelemiia 2:15

(Kia bhingi) anʼa jihoji a zumina ku thandu diê, a ta muzonga; oxi iê a mu sekalesa-iu; o mabhata mê a mu jikatesa-u, utunga-mu ka moneka.

Jelemiia 4:7

O hoje ia fomoka kiá ku muxitu uê, ii banda, ni mubuikixi ua ifuẋi; muene ua katuka kiá, iú ua tundu kiá bhu kididi kiê, phala kubhangesa oxi ié i biluke jingundu; phala ku ku buikisa o madiembu mé, ki bhu kala dingi muthu u tunga-mu.

Jelemiia 44:6

Njinda iami-phe ni kutema kuami anga i di lundulula hé i uamena mu jimbonge ja Juda ni mu jinzunga ja Jeluzaleme; jene jí ja kituka ixi ia kisekele, ja biluka jingundu, kala ki kia di monekena mu lelu.

Jelemiia 6:8

Diiukise, eie Jeluzaleme, phala muenhu uami ki u kuxie, hé ngi ku bhanga u ngundu, nʼu kituka ixi ia kamba dibhata.

Jelemiia 7:34

Hé nga kà zumbula o dízui dia kutonoka ni dia kusanguluka mu madiembu ma Juda ni mu jinzunga ja Jeluzaleme, ni dízui dia ngaiala ni dia dibhanga: mbata oxi ia-nda kua kà di kuata mukondo.

Kuditenda 5:2

Undundu ua muiji uetu uai ku athu engi; jinzo jetu akua makanga a ji tambula.

Izekiiele 25:4

tala-ze, eie ue nga-nda ku ku bhakula bhu maku ma akua thunda, hé u tokala kua ene, o ene hé a ta momué o malombe mâ, momué muene mua kà tunga o mabhata mâ; ene hé a kà dia ku ibundu ié, a kà nua o lete ié.

Izekiiele 30:12

O jingiji nga kà ji kukutisa, anga ixi nga kà i sumbisa, ni ku i bhana bhu maku ma athu a bhukumuka, hé o ixi ni kuizala kuê kuoso nga kà i buikisila ku lukuaku lua athu engi; eme, ngi Jihova, nga ki tange.

Hozeia 7:9

Akuaʼxi jengi a mu di jinguzu jê, o muene-phe ka kiʼjiia; muene ue uedi kiá kukululu ni jimvi, maji muenephe ua lémbua ku ki ijiia ngó.

Hozeia 8:7

Kuma a kunu kitembue, ia a-nda kumuna kibhungu; ki bhuala díbhia dia kumuna; o iangu ia hatu ki i tena kutunda fuba, lémbua; né i bhana fuba, a kà i dia kuala athu akua jixi jengi.

Ijila 26:33

Enu anga ngi mi muangena muʼaxaxi ka akua jixi jengi, hé ngi mi fomuena o xibhata, ni ngi mi mono bhu muia; oxi ienu i xala kilômbo ngùndu, o madiembu menu a jikinina muene taka-tàka.

Ijila 26:34

Kienhokio-phe, mu izuua ioso ia kumuangana kuê anga muila muene lolô, kiene kiua oxi ki ia-ndo kala ni kutana mu jisabhalu jê, enu-phe mua kà zumbukila kiá kʼoxi ia jinguma jenu, kienhokio-phe kiene kiua oxi ki i kala ni dinhohenu diê, anga ikuata kutulumba mu jisabhalu jê.

Mikeia 5:11

Anga o jisanzala joso mu ixi ié nga kà ji muanga-muanga, ni jimbonge jê joso ja masuamenu nga kà ji lundumuna.

Mikeia 6:13

Kienhiki-phe ni eme uami nguzu nga-nda ku ku bua-iu ni ngi ku kuame, ni ngi ku sengulule mukonda dia ituxi ié.

Matendelelu 28:33

Idima itunda mʼoxi ié, ni ima ioso kiá i u talela hadi, a i dia kuala povo iengi eie-muène kua ejiia ngó, anga a ku bhondelekʼé ngó kienhiki izuua ioso.

Matendelelu 28:43

O nzuángiza ua tungu mʼoxi ié, u ku tunda muene kiavulu, ubeta ku di ta kitala; eie-phe u tunuka jinga ngó katé ki u sekala.

Matendelelu 29:23

Mù kuila mua bhiti mbòmbe ia xofidi ni môngua oxi ioso ia seluka iazubha, kuma ia lémbua kuima, ia lémbua kusabhukisa ngó dife dimoxi; mbambe ni kia bhitile mu Sodoma, ni Ngomola, ni Adama ni Nzebouime, a a buikisile kuala Jihova kia mu kuatele o njinda ié ni kutema kuê.