Izaía 1:6 - O Mikanda Ikola

⁶ Tundé ku makànda a inama katé ku mútue ki kuala kima kia disanze; kuala ngó jifidila, ni ijimbu, ni ilonda ia sotama, ki iótumbe, ki iókute, mba bhu kala ngó kilonda kimoxi kiózaze tumaji.

Izaía 1:6 ပူးပေါင်းရင်းမြစ်များ

II Samuuele 14:25

Mu Izalaiele ioso-phe, ki bhuala muthu a mu ximana o kuiuka kua kuuabha o mukutu ni pholo kala Abisalone; ubhinga athu oso kia mu tala, ela kala adiuana! Tunde bhu dikanda diê dia kinama, katé bhu thala ia mútue, ka moneka ngó kisemu.

Jobe 5:18

Mbata muene se u bhanga fidila, muene-muène u i tumbʼê dingi: muene se ua kuama, maku mê ene muene a saka.

Jisálamu 77:2

Bhu kizuua kiami kia kubhondalala, nga soto Ngana; mu usuku maku mami ma sununuka kua muene sé ngó kusuka; muenhu uami moxi ki ua xikina kutululuka.

Izaía 30:26

O mueji ua mbeje ua kà soka ni muanha, o muanha uene ua kà di bandekeza lusambuadi mu kútua, mukuâ ni muanha ua sambuadi dia izuua ua di lunjika kumoxi; kiki ki bhita bhu kizuua kia Jihova, kia-nda ku sokejeka o mundu uê ua budijika, ni kia tumba o kilônda kiâ.

Jelemiia 17:9

O muẋima ua muthu u bhomba kinéne, ima ioso ndenge, ua bhukumuka kiavulu: mukuahi u tena ku uijiia?

Jelemiia 30:12

Mukonda Jihova uambe, uixi: Uhaxi ué, ki u xikina ku u saka; o fidila ié iia ni kuxixima.

Jelemiia 30:15

U di kolelaʼhi mukonda dia kiioko-ioko kié? Misusu ié ia kalunga. Mukonda-phe dia ku ibha kué kua vulu kinéne ni jinzungule ja ituxi ié, kiene ki nga bhangela ima ienhiʼii.

Jelemiia 33:6

Maji tala-ze, nganda ku bheka ku thandu diâ, kudisanza ni kuiluka anga ngʼa saka muene, anga ngʼa tukuluila jinzungule ja kutululuka ni ja kidi.

Jelemiia 6:14

Hê a tumba o fidila ia mona kilumba kia mundu uami ni mangonha moso, exi: Kuatululuka, kuatululuka, mbé kuma kuene kana-ku kutululuka.

Jelemiia 6:7

Kala o fixi ki i tubhula o menha mê, ni muene kiene kia kuata ku tubhula o phulu iê; momuê mua kalé kiá o undanda ni kuzanga; ni uhaxi, ni jifidila jenhé kiá bhu pholo iami.

Nahumu 3:19

Ki bhuala milongo i tena kusaka o fidila ié; o kítoto kié ki xixima kala fidila ia mukongo; oso kiá a kʼevua o fuma ié, a kà sanguluka ni kubeta jimbanda ku maku; mbata nanhi ua kambe kutala hadi mukonda dia kuzukutisa kua phulu ié.

Malakiia 4:2

Maji, phala enu-phe, oso muene mu kuxila Dijina Diami, kua kà mi kiela Dikumbi dia Kuiuka, diene dia kà mi bhekela ubhulukilu, uijiia na-u moxʼa mabhabha mê; enu-phe mua kà tunda, mua kà tuka-tuka mukuâ ni tuana tua ngombe kioso ki tu tunda mu kibhanga kiâ.

Matesu 9:12

Muène-phe kia kʼ ivu, uixi: Oso a di sanze ka bhindamena kimbanda, kikale iá a kate.

Luka 10:34

Anga u mu bhixila, u mu kuta o jifidila ni kuta-mu maji ni vinhu. Anga u mu ta ku monde iê, u mu bheka bhu kijima, hé u mu tambula konda.