Izaía 1:31 - O Mikanda Ikola

³¹ Anga o dizonda ua kà biluka kibhiaẋi, o kikalakalu kiê mukua ni soso ia túbhia, anga kiiadi kiâ a kà uamena bhuamoxi, u a jimina ka moneka.

Izaía 1:31 ပူးပေါင်းရင်းမြစ်များ

Izaía 24:6

O kienhiki, kiene kia bhekela o mázui kusekalesa oxi; o ió oso a tungu-mu a-nda ku di-kota; mukonda dia kiki, a-tungi-a-xi a-nda kua oha, mua kà subhuka ngó athu òfele.

Izaía 26:11

Jihova, tata! Sumbala lukuaku lué lua zangalala muene, maji ene hanji a tokoka ku lu mona! Maji-phe, a kà lu mona anga adiuana, mukonda dia muanu u ua kuatela o mundu ué; o túbhia-phe hádia tua kà buikisa o jinguma jé.

Izaía 27:4

O kuthathamana, momuʼami, ki kuala-mu dingi. Mukuaʼhi muene u ngi xitila isakelu ni minha ku pholo iami mu ita? Eme ngeji ku dilukula ku thandu diâ, anga ngʼa jikatesela bhuamoxi.

Izaía 33:11

Enu muemita ixaxi, mua-nda kuvuala ibhiate; o muha uenu u mua bhusu, ua-nda ku mi hábula kala túbhia.

Izaía 33:14

Akua-ituxi mu Ziione uoma ua a kuata, akua-mangonha kua a tula kiteketela. Mukuahi mudietu u tena kutunga bhuamoxi ni mulengu ki uene kujima?

Izaía 4:4

kioso o Jihova kia kà sukula ufusa uoso ua ana-ilumba mu Ziione, anga uzelesa Jeluzaleme ku kikuma kia manhinga muʼaxaxi kê ni nzumbi ia kuiuka ni nzumbi ia huii.

Izaía 43:17

Muene ua bhiẋika dikalu ni kabalu, ua bhiẋika o kifuxi kia ita ni ukuenze ua kúlua; uambe kiki: ene-oso a buila bhuamoxi, ki mungu dingi a kà balumuka; a a jimi muene; mukua ni muanga kiene ue kia a jimi.

Izaía 5:24

Kienhiki-phe, kala ki kuata o dimi dia mulengu ku ibhiaẋi, kala ki uama iangu ku mulengu, kiene ue kianda ku lukuta o lundanji luâ, mukuâ ni kubola; kuuabha kuâ, mbambe ni kitulu, kua kà jimuka kala fufutila: mbata o ngonge ia Jihova dia Ilômbo Ieta a i tènde, o kizuelu kia Dilemba dia Izalaiele a ki sebulula.

Izaía 50:11

Talesa, enu oso mua bambula túbhia, mua di-ẋiẋika jisoso ja túbhia tu mua uika, endelenu mu milengo ia túbhia tuenu, ni muʼaxaxi ka jisoso jenu ji mua bambula; bhu lukuaku luami bhene bhua tundu ima iosuʼiii, hé mua kà zeka mu kialala kia kalunga.

Izaía 66:17

Ene oso akua ku dilumba anga a di-bonzela mu mábhia, ki aia ni ku-dikaiejela mudiâ, a kuata lubhandu luâ, ni kúdia xitu ia jingulu, ni xitu iôkidike, ni mabengu; ene-oso-â a-ndu jikinina bhuamoxi, Jihova ua ki tange.

Izaía 66:24

Ene-phe a kà tunda mu kutala, anga a kà mona imbi ia athu oso a bhangele ima ia ku ngi bhumina; mbata dibhuka diâ ki dia kà fua, o túbhia tuâ ki tua kà jima dingi; anga enhá a kà kala kisunji ki kuatesa uoma ku xitu ioso.

Izaía 9:19

Mukonda dia njinda ia Jihova dia Ilômbo Ieta, oxi, ia kà vunda, o mundu ua kà kituka kala iangu ia kuoha; ki bhuá kala muthu u kondeka phangʼiê.

Jelemiia 21:12

Eie u dibhata dia Davidi, Jihova uambe kiki: Mu imene endenu ni kubatula milonga mu kidi, nda uoso a mu bhundu mu mu sukunune bhu lukuaku lua kingumba; phala o njinda iami ki i tunde kala tuia, ni i uame hé i kamba uoso u i jima mukonda dia kuiibha kua ibhangelu ienu.

Izekiiele 32:21

O iá, imazonda ia beta o nguzu, ianda ku mu zuelela tundé mu kaxi diʼalunga, kumoxi ni ió ala mu ku mu banda; a tuluka, iá ala muʼaxaxe ka akua mabôlo a a tubujula ni xibhata.

Malakiia 4:1

Talesenu mukonda, kizuua kiókio kia-nda kua kèza, kiza ni kuuama kala kidijiku kia túbhia tua muzukuta, ene oso a di zangeleka, akua izala, ni iá oso a bhanga ima ia ufusa, a kèla kala iangu ia mbúdila; mu kizuua kiókio kiala kuiza-ku, a kà uama muene katé abhu-bhu, kiene kia tanga Jihova dia Ifuẋi; ki bhua kà a xala lundanji né luthangu.

Matesu 3:10

Kumbʼ idi dikuua a di tula kiá bhu kixina kia miẋi. Muẋi uoso u kamba kuima ibundu iambote, a u koka, hé a u ta mu túbhia.

Matesu 3:12

O mbangu iê ia kubhiatela uiza na-iu bhu maku, o kididi kiê kia kuvundila ua-nda ku ki zelesa katé kia zubha. O jimbutu jê u ji bhongolola hé u ji bheka mu kitula; o ibhiate-phe u ioha mu túbhia ki tuene dingi kujima.

Dijingunuinu 19:20

O kiama anga a mu bhanga pelezu, ni polofeta ia makutu kumoxi, ió ua bhanga jinga iphata bhu mesu mê. (Kuma o iphata ienhoio iene ia bhombele na-iu oso a tambuile o kidimbu kia kiama, ni ió a bhezele o kitèka kiê). O kiama ni polofeta ia makutu, ene kiiadi kiâ, anga a a takula ni muenhu uâ mu kizanga kia túbhia kia uama ni xofidi.

Dijingunuinu 20:10

Bhenhobho, o Diabhu ua a bhombo, a mu takuila ue mu kizanga kia túbhia ni xofidi, mu ala kiá o kiama a mu takuila momo kumoxi ni polofeta ia makutu. Enhá à kala muenhomo, mu ku a tatesa usuku ni muanha, mu mivu ni mivu sè dizubhilu.

Afundixi 15:14

O kia tuia-nê mu Leki, akua Fídixia a solomoka mu ku mu kauidila, hé a dikola ni kusanguluka kia zubha ku mu mona. Maji o Nzumbi ia Jihova anga iza ni nguzu kua Sansau, o mikolo ia mu kala mu maku i di bhanga kala jingoji ja linhu ja jokota mu túbhia, iene ioso ia mu zuluka mu maku.