Izaía 1:29 - O Mikanda Ikola

²⁹ Kuma sonhi ja kà mi kuata, mukonda dia luimbi luenu lua mixi ia mikaluvadiu i mua kôlesa, pholo ia kà mi sonoka mukonda dia mábhia a itulu u mua solo phala kubhezela.

Izaía 1:29 ပူးပေါင်းရင်းမြစ်များ

Izaía 30:22

Divunga dia iteka ié ia phalata, dianda ku ku iibhila kiá, o divunga dia iteka ié ia ulu ua kuzunza, eie ua-nda ku di kita dixidilu; ua-nda ku di texe kala ditele, ua-nda ku i tangela mu kimoxi-kimoxi, kuila: Tu-nda bhabha.

Izaía 31:7

Kuma mu kizuua kiókio kala muthu ua kà texe mahamba mê ma phalata, ni mahamba mê ma ulu, ma mi iudikila o maku menu phala muende ni kuta ituxi.

Izaía 42:17

Oso-phe a dielela iteka ia kuseta, a-nda kuzuzuta ni jisonhi; ió ene mu ku ambela o iteka iozunze, exi: Enu mu jinzambi jetu.

Izaía 45:16

Ene-oso sonhi ja kà a kuata, kua kà eza muene kutandanganha; oso a iudika iteka a kà dibhalela kumoxi mu dilebhu.

Izaía 57:5

Mua senduka ni mahamba bhu makota a miẋi ia uisu, ni ku satela tuana ku jingiji, ni mu mabânda a matadi?

Izaía 65:3

athu a kuata ku ngi thathamesa kiki bhu pholo iami izuua ioso, a bhela jisata mu mábhia, ohela uasu ua dizumba ku matijolo;

Izaía 66:17

Ene oso akua ku dilumba anga a di-bonzela mu mábhia, ki aia ni ku-dikaiejela mudiâ, a kuata lubhandu luâ, ni kúdia xitu ia jingulu, ni xitu iôkidike, ni mabengu; ene-oso-â a-ndu jikinina bhuamoxi, Jihova ua ki tange.

Jelemiia 2:20

Mʼukulu munhá kioso eme ki nga kexile mu kubukujula ophi ié ni kubatujula o mikolo ié, eie uambele, uixi: Ki mungu dingi ngi tondala; sumbala kiene maji leluʼidi ku tuthuthulundu tuoso ni bhu ixina ioso ia mixi ia uisu, ua mu-ia ni ku kotajana mu kubhanga undumbu.

Jelemiia 3:6

Jihova uambe dingi mu izuua ia sobha Joziia, uixi: Eie ua mono kia bhange Izalaiele dia kuẋinuka? ua bhita-bhita ku milundu ioso ia di-leka ni bhu ikota ia mixi ioso ia uisu kuenhoko kuene kua bhangela jinga undumbu.

Izekiiele 16:63

mbé uie ni ku ki lembala, sonhi jende ni ku ku kuata, mu ima ioso i ua bhange, phala kioso ki ngi diʼondolola nʼeie, ki mungu dingi u jikula dikanu mukonda dia jisonhi—kiene kia tange Jihova Nzambi.

Izekiiele 36:31

Kinhókio-phe kiene kiua ki mua kà banza o njila jenu ja ibha, ni ibhangelu ienu, muexi ki i iukile? Anga mua kà di kala ni fokoso enuʼenu-muène, mukonda dia makuiibha menu ni maufusa menu.

Izekiiele 6:13

Kieneʼokio, kiene ki mua kà kʼijiia kuila eme ngi Ngana, kioso ki mu mona o imbi ia iá a a tubula ni xibhata ia zeka muʼaxaxe ka iteka iâ, ni mu jimbandu ja jikalatódio jâ, ni mu tu milundu tua di-leka, ni ku milundu ia makota bhu thala iê, ni moxiʼa miẋi ioso ia uisu, ni moxi dia mikuzu ia di-zandela, mu ididi mua kexi mu ku bhela jisata ja uabha dizumba ku iteka iâ ioso.

Hozeia 14:3

Asídia ki muene ua-nda ku tu bhulula; o ku jikabalu ue ki tua-nda kumondala-ku dingi; o kima kia bhange kuala makuʼetu, ki tua-nda ku ki tangela dingi, kuamba: Eie, eie kiá u Nzambi ietu; mukonda o monʼa kitungu, ua kambe tata ni mama, kiadi u ki bongela momué.

Hozeia 14:8

Ifalaíme ua kʼèla, uixi: Eme bhu ngalʼabha o iteka nga kuata na-iu kima kiahi? Eme-phe ngi mu suua, o kia zulʼokio ngi ki ivua muene. Mbata eme nga di bhange kala ngi mufuáia ua buingita mu thembu joso, o ibundu ié u i sanga jinga momuami.

Hozeia 4:13

A bhana jisata ku thandu dia milundu, a bhanga dixi dia uasu ua dizumba ku malundu onéne, ni bhu ixina ia miẋi ia di zandela ia mikaluvádiu, ni jixopo, ni jitelebindo, mbata o kilembeketa kia di xala-bhu; kiene ki bhekela anʼenu a ahatu ku kituka jihabhu, ni akaji a anʼenu kuta jiphànda.

Hozeia 4:19

Kitembu kia kibhungu kia a ambatela mu mabhabha mê; jisonhi hádia ja-nda ku a kuata mukonda dia jisata jâ.

Loma 6:21

Thembuʼ oio-phe mua kexile ni kisakidilu kiahi mu imbamba i mua kexi mù bhanga, lelu i mua kuatela jisonhi? Kuma ima ioso ieneʼ oio dizubhilu diê o kufua.