Izaía 1:28 - O Mikanda Ikola

²⁸ Maji atondadi, ni akua-ituxi-phe, a kà a buikisa kumoxi; ni ió oso a xisa Jihova, a kà jima mbutu.

Izaía 1:28 ပူးပေါင်းရင်းမြစ်များ

I Malunda 28:9

Anga uambela Solomá, uixi: Eie-phe monʼ ami Solomá, o Nzambi ia tatʼ enu ua mu ijiia, mu bheze ni muẋima uaiuka, ni vondadi iê ioso. Kuma o Jihova mixima ioso uene ku i solokota, o mabanzelu moso ma ixinganeku ua mʼejiia. Eie se u mu sota, uanda ku mu sanga; maji o ki u mu xisa-phe, Muène ue u ku dituna katé ku hadia.

II Malunda 21:10

Sumbala kiene, maji akua Idumeia a dituna ku a tumina kuala ungana ua Juda, katé ni mu kizuua kia lelu; mu thembu ieneʼoio ue Libina ua kexile bhoxi dia utuminu uê, ua ẋinukʼê uê; mukonda o muene ua xisa Jihova, dia Nzambi ia jitata jê.

II Malunda 28:23

mukonda ua bhana jisata ku jinzambi ja akua Damasku, a mu tolola muene, uixi: Mukonda jisobha ja Sídia o jinzambi jâ ja mu a kuatekesa, eme uami nga-nda ku ji bhakuila jisata phala ni ji ngi kuatekese uami, Maji-phe jinzambi jenʼiji ja zubha dingi o ku mu bheka mu hadi, ni muene ni Izalaiele ioso.

II Malunda 28:6

Kuma Peka, monʼa Demaliia, mu kizuua kimoxi, ua jibha hama ni makuinhi aiadi a midi ia muthu mua Juda, makuenze oso a ita; mukonda a xisa Jihova, Nzambi ia jitata jâ.

Jobe 31:3

Manhi ki kuene o kutexika phala mukua ituxi, ni kuxixima kua ió oso a bhanga kia ibha?

Jobe 34:26

Mukonda dia kukala isuéia, Nzambi u a betela muene bhu pholo ia oso ala ku a mona.

Jobe 34:27

Mbata muene a mu xisa, o njila jê a lémbua ku jiʼjiia, né imoxi ngó.

Jisálamu 1:6

kuma Jihova uejiia njila ia athu aiuka; njila-phe ia athu abhumu ia kutexika.

Jisálamu 104:35

Akua ituxi ende ni kubhua-mu mu ngongo, a bhukumuka a jime o mbutu. Tanesa, Jihova, muẋima uami! Haleluia!

Jisálamu 125:5

Maji o ió oso-phe a xi njila, mu kuila njila jengi jabhengalala, Jihova ua kà a kokela kumoxi ni ati a ituxi; o ku thandu dia Izalaiele-phe ku kale paze.

Jisálamu 37:38

Iá-phe a xibhaka, kibuika kiâ kimoxi kia kà fuila; ku pholo ku aia ió abhumu a kà jikinina.

Jisálamu 5:6

Athu oso a tanga makutu; Eie hinu ua-nda kua kà a jima o mbutu; muthu uoso uaiibha ni manhinga, mukua kunganala akuâ, Eie u Jihova, ua ku ibhila muene.

Jisálamu 73:27

Ió-ze a ku baluka eie u Ngana, a solo kutexika; a kà fua muene, oso a tunda bhu kinama kié mu sendukila ima iengi.

Jisálamu 9:5

Matumbu eie ua a bazela, akua phulu ua a buikisa; dijina diâ ua di jimuna kulu dia mundu katé ku hádia ni hádia.

Jisálamu 92:9

Iala-ze, u Jihova, Ngana, jinguma jéʼojo, iala-ze jinguma jéʼojo, hádia ji buila muene, lalá! Ooso abhanga ima ia mangonha, a kèla muangatatá!

Jisabhu 29:1

O muthu uila: Lelu a mu bazela, mungu, a mu bazela, sè kueha o njila iê, maji u kolesa o muẋma uê, hinu u tukumuka a mu jimi o mbutu, sè ngó bhua bhulakela.

Izaía 1:4

Kifuxi kiki lamba diâ, mukonda kiezala ni ituxi, mundu ua kubhuma, muiji ua isuéia, mbutu iaiibha i sambukisa kubola; Jihova a mu te dikunda. Delemba dia Izalaiele a mu tembula, ia a vutuka kuema!

Izaía 24:20

Oxi ia kà bhendujuka muene kala hôlua, itunguta, itona, kala kitelembe a ki nhikisa mʼusuku; mulonga uê a kà u xina ku thandu diê; anga idibhala; o ki iia kiá bhoxi, ki ia kà bhetuka dingi.

Izaía 30:13

Kala kiki, o phulu ia kà mi zenzamena mukuâ ni kipena kia lumbu kia zendalala, kia bhana kiá mulumba, o mu ku lundumuka kia kà mi tukumuisa.

Izaía 33:14

Akua-ituxi mu Ziione uoma ua a kuata, akua-mangonha kua a tula kiteketela. Mukuahi mudietu u tena kutunga bhuamoxi ni mulengu ki uene kujima?

Izaía 50:1

Jihova ua zuela kiki, uixi: Lubongo lua kusenga na-iu mamʼenu luala kuebhi, lu nga mu senga na-iu? mba mukuahi nga mu dia dikongo, o ki nga lémbua ku mu futa, eme nga mi sumbisa-ku? Talesa, ikuma ienu iene ia mi sumbisa, o itondalu ienu iene ia sengesa mamʼenu.

Izaía 50:11

Talesa, enu oso mua bambula túbhia, mua di-ẋiẋika jisoso ja túbhia tu mua uika, endelenu mu milengo ia túbhia tuenu, ni muʼaxaxi ka jisoso jenu ji mua bambula; bhu lukuaku luami bhene bhua tundu ima iosuʼiii, hé mua kà zeka mu kialala kia kalunga.

Izaía 58:2

Sumbala kiene, maji kizuua ni kizuua ene ku ngi sota, kia a uabhela muene kudilonga mauendelu mami, edi kala povo iambote, ia di tumu ni Nzambi iâ; ala ku ngʼibhula kioso kienda o jiphangu ja ulungilu, a uabhela kuzuama kua Nzambi.

Izaía 64:6

Kuma etu-oso tuedi kala kima kia sotama, mauiukilu metu moso medi kala dikoza diala mu nuha kibuzu; etu-oso tu lalumuka muene kala mafe ma kukuta, o ikuma ietu iala ku tu kungulula kala kitembu kia tu ambatesa.

Izaía 65:11

Maji enu-phe, mua mu batuka kua Jihova, mua mu landuka o mulundu uami ukôla, enu mua kuata o kuzala o meza phala Kilundu-kia-jimbongo ni kulungisa maluvu phala Mamunu;

Izaía 66:17

Ene oso akua ku dilumba anga a di-bonzela mu mábhia, ki aia ni ku-dikaiejela mudiâ, a kuata lubhandu luâ, ni kúdia xitu ia jingulu, ni xitu iôkidike, ni mabengu; ene-oso-â a-ndu jikinina bhuamoxi, Jihova ua ki tange.

Izaía 66:24

Ene-phe a kà tunda mu kutala, anga a kà mona imbi ia athu oso a bhangele ima ia ku ngi bhumina; mbata dibhuka diâ ki dia kà fua, o túbhia tuâ ki tua kà jima dingi; anga enhá a kà kala kisunji ki kuatesa uoma ku xitu ioso.

Jelemiia 17:13

Jihova tata, kidielelu kia Izalaiele! Oso a kuxa eie, hinu sonhi ja kà a kuata; oso a ngi sondoloka eme, hinu a-nda ku a soneka o majina ku mavu bhoxi; mbata Jihova a mu xisa, muene Otho ia menha ma muenhu.

Jelemiia 44:12

Nga-nda ku katula o masubhu, a subhuka kua Juda, a te pholo iâ mu kubokona mʼoxi ia Ijitu phala kunhunganena momo, anga a buikila eneʼoso mʼoxi ia Ijitu; a kà di bhala ku xibhata, a kà fua ku nzala; a kà jikinina muene tundé ku mona-ndenge tulé ku muadiakime; ni ku xibhata ni ku nzala kuene kua kà fuila; a kà kituka mbolèle, a ka di bhanga kisunji, ni mázui ni lusebu.

Hozeia 14:9

Mukuaʼhi uala ni kuijiia, nʼa tongolola ima iii? Nanhi muene uala njimu, ima iii na tena ku i ijiia? Mbata o jinjila ja Jihova ja iuka, athu ambote muene mua kala mu kuendela, maji akua kutondala-phe muenhumu a sanga-mu ibhalu.

I Tesalonika 5:3

Bhuala kuila athu: Kuma kua batama, kua tululuka, a kà tukumuka kibuika kiâ kia tula! Kia kà kala ue mukuâ ni muhatu ki mu kuata o mika ia kuvuala, kana bhuma bhua bhitila nʼa lenge.

II Phetele 3:7

O maulu kiki ala-ku, ni oxi-phe, mu kizuelu kiene kimoxi kia Nzambi, ia xikamena tubhia. A i bhake katé bhu Kizuua kia Kufundisa, kia kubuikisa athu abhumu.

Dijingunuinu 21:8

Maji oso-phe akua uôma, akua phulu, a bhanga isunji, ijibhanganga, jindumbu, ni aloji ni abhezi a itèka, ni akua makutu oso, o mbandu iâ ià kala mu kizanga kia uama túbhia ni xofidi; kuène o kùfua kua kaiadi.

I Samuuele 12:25

Se mu jijila-phe kubhanga ima ia kubhukumuka, mua kà buika, ni enʼuenu ni sobha ienu.