Izaía 1:25 - O Mikanda Ikola

²⁵ Anga lukuaku luami lu ku bilukila, hé ngi ku ixika makololo mé moso, ni ngi katula o dixidilu dioso.

Izaía 1:25 ပူးပေါင်းရင်းမြစ်များ

Jisálamu 119:119

A bhukumuka mu ngongo eie u a kita dixidilu dia kutexe; eme-phe kiene kia ngi katela o umbangi ué.

Izaía 1:22

Phalata ié ia biluka makololo, vinhu ié ia di lungu kiá ni menha.

Izaía 27:9

Kienhiki-phe, o kikuma kioso kia Jakobo, a kà ki bhuisa-ku ni kiamenga; o kiki kia kà kala kiene o kibundu kia kukatula o kituxi kiê kioso, kioso. O Jihova muene kia-nda kubhanga o matadi oso a kalatódio kala matadi ma hala a ma bula-bula; kieneʼokio ue, o mixitu ni iteka ia lumbidile o dikumbi, ki ia kà tena dingi kuimana.

Izaía 4:4

kioso o Jihova kia kà sukula ufusa uoso ua ana-ilumba mu Ziione, anga uzelesa Jeluzaleme ku kikuma kia manhinga muʼaxaxi kê ni nzumbi ia kuiuka ni nzumbi ia huii.

Jelemiia 6:29

O muanzu ua jikata kiá, o xumbu ia jila ni túbhia; muzunzi ua mu tala ngó hadi ia kuzunza ngó ni muanu, o isuéia hanji ia naminina, a lémbua ku vuza.

Jelemiia 9:6

Eie-phe ua tungu muʼaxaxi ka mangonha; o mu mangonha mâ a di tunuʼâ muene ku ngʼijiia, Jihova ua ki tange.

Jelemiia 9:7

Kala kiki, Jihova dia Ilombo Ieta uambe, uixi: Talesa-ze, eme nga-nda ku a zunza, anga nga a lola; mukonda-phe, o kilumba kia mundu uami ngeji ku bhanga-nê dingi kiebhi?

Izekiiele 20:38

Maji o ió a ngi bhukumukina, ni iá a ngi tondalela, mu kaxi kenu nga kà a muangununa-mu; nga kà a katula muene mu ixi mua nhunganena, maji o mu ixi ia Izalaiele ka kà vutuka-mu dingi; phala ki mʼindukile kuila Eme-muène ngi Jihova.

Izekiiele 22:19

Kala kiki, o Jihova Nzambi uambe, uixi: O kiki-phe enuʼoso mua di bhange mu makololo, talenu eme nga-nda ku mi bhongoluela mu kaxi ka Jeluzaleme.

Izekiiele 22:20

Mukua ni kia bhongoluela o phalata, ni ngòndo, ni felu, ni ximbu, ni xitanhu, bhu kaxi ka dijiku, phala ku i zukutila katé ki i di zunza kumoxi, kiene ue ki nga-nda ku mi bhongolola mu njinda iami ni kutema kuami, anga ngi mi xá bhenhobho hé ngi mi zunza.

Izekiiele 22:22

Kala kia zunza o phalata mu kaxi ka dijiku dia túbhia, kiene ue kiá-nda ku mi zunza enu mu kaxi kê; anga mua kà kʼijiia, kuila, eme ngi Jihova, kioso ki j nga kà lundulula o njinda iami ku thandu dienu.

Sofoniia 3:11

Mu kizuua kienhokio kua kà kala dingi ni jisonhi ja ima iaiibha i ua bhangele kokuami, katé ki ua ngi ẋinukina jinga eme, kuma eme nga ka katula momué ió oso a di zangeleka, eie-phe nuka dingi u a kala ni izala ku mulundu uami ukôla.

Malakiia 3:3

Muene ua kà xikama mu kuzunza ni kuzelesa o phalata; anga ua kà zelesa o muiji ua Levi, hé ua kà u bhuisa dixilu mukuâ ni kia zunza o ulu mba phalata; mu kienhókio a kà bheka kua Jihova maujitu ma kuiuka ni kidi.

Matesu 3:12

O mbangu iê ia kubhiatela uiza na-iu bhu maku, o kididi kiê kia kuvundila ua-nda ku ki zelesa katé kia zubha. O jimbutu jê u ji bhongolola hé u ji bheka mu kitula; o ibhiate-phe u ioha mu túbhia ki tuene dingi kujima.

Matendelelu 32:43

Enu ifuẋi, tanenu kumoxi ni mundu uê, mukonda Jihova ua-nda kuzokela jiselevende jê; o manhinga ma jiselevende jê muene u a tatela phonzo ku jinguma jâ. O jinguma jê muene u ji talesa hadi; anga oxi u i zelesa ku dibônzo mbe o mundu uê.

Dijingunuinu 3:19

Oso u nga zola, ngʼa bazela, ngʼa beta. Phaphumuka-phe, u diele o ituxi ié.