Izaía 1:23 - O Mikanda Ikola

²³ Makota mé ma mbonge a bhukumuka, a di bundu kumoxi ni miii; kala muthu mudiâ, ki ua a monuʼokio, a uabhela kitadi kia kudiodia milonga, bhua mona o nganhu usanga aia lusolo; hukunhu, o ku mu batuila milonga, u a lémbua; kene kusuua dimanda dia atudi.

Izaía 1:23 ပူးပေါင်းရင်းမြစ်များ

II Malunda 36:14

O atumini oso mu jinganga ni kifuẋi ene a kexile mu kuvudisa dingi ni dingi muene, o itondalu mu ku kaiela o maufusa moso ma matumbu; anga a kasanesa o inzu ia Jihova iala mu Jeluzaleme, ia zelesele kiá kuala Jihova muene.

Makatukilu 23:8

Kana kutambula kitadi kia ku ku bhomba, kuma kitadi ki bheka ufuófo ku akua mesu; ki bheka kuila, o maka a ió uaiuka, ela mu kubhengalala.

Jisabhu 17:23

Mukua phulu u tambula diminhinu mu kasuèkele, mbé kubilula kidi kioso kia uanji ua kubatula kiambote o dimanda bhu milonga.

Jisabhu 29:24

Uoso u ta kisangela ni muiii, ua zembe o muenhu uê; mukonda uívua jindaka, maji u lémbua ku mu tungununa.

Izaía 1:17

Dilongienu kubhanga o mbote; bhangenu ioso iaiuka; kudilenu uoso a mu tatesa; batuilenu monʼa difundu kioso kia iuka; atudi a bhangedienu.

Izaía 1:18

Izenu-phe kiá, mu ngi sambulule, eme Jihova. Né-mbé ituxi ienu ia kusuka kala husu, ia-ndu zela mukuâ ni neve (o kikulakaji); né-mbé iedi nguí kala hundu, iila muene phalatatá mukuâ ni kindemba kia mbudi izela.

Izaía 1:22

Phalata ié ia biluka makololo, vinhu ié ia di lungu kiá ni menha.

Izaía 28:14

Kala kiki-phe, ivuenu kizuelu kia Jihova, enu mu akua kubhanga kasekelelu, mu jinganga ja kutumina o mundu iú uene mu Jeluzaleme.

Izaía 3:14

Jihova iú uiza phala kufundisa o ikulakaji ia mundu uê ni ilamba iâ; mukonda enu muene mua jikinisa o dibhia didi dia mivide; o ima i mua nhana ku jingadiama, iii mu jinzo jenu.

Izaía 30:1

Jihova uambe, uixi: Kokolo dia ana oso a bhukumuka, a mu tambula phangu kuengi, o kokuami kana; ia a di futu ni divunga diengi, ki diene dia tundu kua Nzumbi iami; mbé o ku bandekeza kituxi ku thanduʼa kituxi.

Izaía 33:15

Kikale uoso uenda ni kuiuka, ni ió u zuela ima iafuama o kidi; uoso u texi dikanga o nganhu ijila mu ku bhûnda, uoso ka xikina kitadi kioso-kioso kia diminhinu bhu maku mê; uoso u xita o mátui mê phala kʼevue maka ma kubhubhisa manhinga, anga u jika o mesu mê phala ka mone ima ia-ibha,

Izaía 5:23

ni ió oso a lungisa mukua phulu, kabasa ua a bhana diminhinu; o ua lungu anga a muʼelesa!

Izaía 65:2

Kumbi dioso dia kambàmba nga sunununa maku mami ku mundu ua xibhaka, akua kuendela mu njila ia kambe kuiuka, ni kukaiela mabanzelu mâ;

Jelemiia 22:17

Maji o mesu mé-eie-phe ni muẋima ué, ua lungu ngó ku unjenje ué, ni ku manhinga ma muthu ua bene, phala ku ma bhubhisa, ni mu kubhondeleka, ni mu ku suina phala ku di bhanga.

Jelemiia 32:32

Ku ima ioso ia ibha ia bhange anʼ Izalaiele ni anʼ Juda, phala ku ngi lokalala o kutema, ene ni jisobha jâ, ni ilamba iâ, ni jinganga jâ, ni jipolofeta jâ, kumoxi kiá ni athu oso mua Juda ni iá a tungu mu Jeluzaleme.

Jelemiia 4:17

Jihova ua tange, uixi: A-nda ku mu kondoloka mbandu ni mbandu kala alangidi a díbhia; mukonda muene ua ngi balukila.

Jelemiia 5:5

Ngiia ku adiakimi, anga nga kà zuela-nâ; mbata ió o njila ia Jihova a i ijiia, ni ubatuilu ua Nzambi iâ: maji enhá ene-oso bhuamoxi, kanga a i bukujula, o mikolo a i thathumuna.

Jelemiia 5:6

Mukonda dia kiki hoje ia tundu mu kitumba ia-nda ku a buidisa, o kimbungu kia ixi ia kisekele kia-nda kua sengulula; ongo ia batamena o madiembu mâ: uoso-uoso u tunda mu jisazalʼomo a mu sasujula; mbata o itondalu iâ ia sokoloka, o umbaluke uâ ua di bandekeza.

Izekiiele 12:2

Monʼa muthu, eie ua tungu mu kaxi ka dibhata dia ximika, diala ni mesu a kumona maji kumona lémbue, diala ni mátui a kuívua maji kuívua lémbue; mukonda diala dibhata dia xinuka.

Izekiiele 22:27

O adiakime, mu kaxi kâ, edi kala imbùngu ia xikamena ku kuata mbole, mbé kuzunzumuna o manhinga, phala kusengulula mienhu, ni kukaiejela o unjenge.

Hozeia 4:18

A mu kuila kia zubha o kúnua, a di bhakula kiá ku undumbu; o itatakaji iâ u uabhela o lusebhu, kene mu kuinda o kuuabha kua Jihova.

Hozeia 5:10

O ilamba mua Juda a soko ni akua kusondolola o jimbambe; kala kiki o kutema kuami nga-nda ku ku lundulula kala menha ku thandu diâ.

Hozeia 9:15

Phulu iâ ioso u i sanga mu Jidingale, muenhomo muene mu nga di kumina-nâ; o mukonda dia usuéia ua ibhangelu iâ, nga-nda ku a kaia mʼonzo iami; ki nga-nda ku a zola dingi, kana! Mukonda o ilamba iâ ioso, ala ngó athu a bhukumuka.

Amoji 5:12

Mukonda eme nga kʼijiia muene kuila itondalu ienu ia ndumba, ituxi ia mi kala jinzungule; muthu ua iuka, enu mu mu tatesa; ku milonga, mu tambula nduta; a bhindama kia kuendela, eie ua a jikila dibhitu mu pholo.

Mikeia 3:11

O atumini-â, milonga a i batula ni kutambula maujitu, o jinganga jâ mu kulonga a longa ni kukinga ku a futa, o jipolofeta jâ kiela kuzambula, azambula phala kutambula kitadi; anga a tatela Ngana, exi: O Ngana muene, mbé ki iú-ue-iú muʼaxaxi ketu? Ki bhuala kia ibha ki tu bhiẋila.

Mikeia 3:9

Ivenu-kiu-phe kindala enu atumini a dibhata dia Jakobo, ni enu mu makota ma dibhata dia Izalaiele, mua dizemba ni kubatula kua iuka, anga muila o ioso ia iuka enu mu i lunguluila muengi.

Mikeia 6:12

Kuma o jimvuama jenu jezala kusuína, o akua diʼembu diê a zuela makutu, o dimi mu kanu diâ diejidila o kulunguluka ni kunganala athu.

Mikeia 7:3

Maku mâ a beta kuijiia kubhanga ni uhete o ima iaiibha; ni monʼa ngana u jiza ni ku tokuesa; o mufundixi u lengulukila kubatuila kuoso kua tena kutambula futu; o kota-dia-ngana mu kuzuela, o luimbi lua mu kala moxi diê ka lu sueka dingi; kienhiki ene oso anga a kala ngó akua kubhanga kavuanza.

Zakadiia 7:10

Kana kubhondeleka mutudi; mba mu bhondeleka hukunhu, mba muthu ua tunda dikanga, mba ngadiama, mba bhu kala muthu u xinganeka ku muẋima uê kubhanga phulu kua mukuá.

Malakiia 3:5

Bhenhobho, Jihova, uixi: Kienhókio nga kà mi zukama kiá, milonga ienu nga kʼèza mu ku i fundisa anga ngi kala ngi mbangi ia kubatula lusolo mu kubelesa aloji, ni akua ku ta jiphanda, ni iá a loka mu makutu, ni iá a kamba kufuta kitadi kia jingunza ja a a kalakalela, ni ió a bhingi kuila o mutudi, ni monʼa difundu, a a bhondeleka muene, ka xikina kubatula ni kuiuka o mulonga ua ngenji-a-thumba ua tundu dikanga, a lémbua ku ngi kuatela uôma, eme ngi Jihova dia Ilombo Ieta.

Dialuilu 22:7

Makota ma Mouabhe, ni makota ma Midiiane, anga a suluka, ni mikolomono ia uanga a i ambata; anga eza kua Balamu a mu kunda maka ma Balake.

Matesu 21:13

Anga ua ambela, uixi: Kiosoneke kuma: Inzu iami a kà ixana inzu ia kusamba. Enu-phe mua i bhange ngenda ia kusuamena miíi!

Marku 11:17

Muene anga u kala mu kulonga enhoso, uixi: Ka ki soneka mu Mikanda Ikola kia tange Nzambi kuma: Inzo, iami, a ixana inzo ia kusambela, ia akua jixi joso? Enu-phe mua i kitula ngenda ia kusuamena míii!

Luka 19:46

Kiosoneke mu Mikanda Ikôla, kuma Nzambi uambe, uixi: Inzo iami a kà ixana inzo ia ku sambela. Maji enu-phe mua i bhange ngenda ia disuamenu dia míi!

Luka 24:27

Anga ua andekela ku madivulu a Mozé, hé u bhita mu madivulu a jipolofeta joso, ni ku a jimbuila ima ioso iòsoneke mu Mikanda Ikôla ia Nzambi, ia mu tokalele muène.

Matendelelu 16:19

Kana kudiodia dimanda; kana kubhanga katungu ka athu; kana kutambula kitadi kia diminhinu, mba kima kioso-kioso kia ku ku bhomba, kuma o kitadi kia diminhinu ki bheka ufofo ku akua mesu; kiselula uanji ua oso ejidile kutetulula mu kidi.

Tiiaku 1:27

O kubheza kua kidi, ki kuene kuxila bhu pholo ia Nzambi, Tata, kuenhuku: O kubindumuna jihukunhu ni atudi a ahatu mu ibhidi iâ, ni kudilanga eʼmuène sè kukasana ni ima iaiibha iene ku mundu iú.

I Samuuele 8:3

Anʼé-phe anga a fula kuendela mu njila jê, a bhambukila mu luimbi lua kuinda nganhu ia mangonha, a tambula kitadi kia a felesela jinga, milonga anga aia ni ku i bhengelekela muengi.