Izaía 1:22 - O Mikanda Ikola

²² Phalata ié ia biluka makololo, vinhu ié ia di lungu kiá ni menha.

Izaía 1:22 ပူးပေါင်းရင်းမြစ်များ

Jisálamu 119:119

A bhukumuka mu ngongo eie u a kita dixidilu dia kutexe; eme-phe kiene kia ngi katela o umbangi ué.

Izaía 1:21

Mbonge iami ia kexe fiiele, ia biluka kiebhi kidianzunga, tata! O ki ia kexe, kuiuka kuvula! O kufundisa mu kidi kua tungile moxi diê, maji leluʼidi mueza ijibhanganga.

Izaía 1:23

Makota mé ma mbonge a bhukumuka, a di bundu kumoxi ni miii; kala muthu mudiâ, ki ua a monuʼokio, a uabhela kitadi kia kudiodia milonga, bhua mona o nganhu usanga aia lusolo; hukunhu, o ku mu batuila milonga, u a lémbua; kene kusuua dimanda dia atudi.

Hozeia 4:18

A mu kuila kia zubha o kúnua, a di bhakula kiá ku undumbu; o itatakaji iâ u uabhela o lusebhu, kene mu kuinda o kuuabha kua Jihova.

Hozeia 6:4

Eie Ifalaíme, tata, Eme ngi ku bhanga kiebhi? Eie, Juda-phe, Eme ngi ku ila kiebhi? Mukonda o henda ienu iedi kala dituta dia kimene, kala dimume dia kimene-mene, di bhita lusolo.

II Kolindo 2:17

Kuma etu ki tua sokela ni athu avulu, a bhinga kuila kia tanga o Maka ma Nzambi ela kala ala ngo mu kuta uenji uâ uosouoso. Maji etu-phe Nzambi muene ua tu katula, kiene kia tu bhekela kuila mù tanga o Maka mê, ki tu zuela ni mangonha bhu mesu mê, kuma tu akalakadi a Kristu.