Izaía 1:21 - O Mikanda Ikola

²¹ Mbonge iami ia kexe fiiele, ia biluka kiebhi kidianzunga, tata! O ki ia kexe, kuiuka kuvula! O kufundisa mu kidi kua tungile moxi diê, maji leluʼidi mueza ijibhanganga.

Izaía 1:21 ပူးပေါင်းရင်းမြစ်များ

II Samuuele 8:15

Davidi anga u kala mu tumina Izalaiele ioso; Davidi u batula milonga, u kumbidisa o kidi muʼaxaxi ka mundu uê uoso.

II Malunda 19:9

Anga u a tendelela, kuila: Muenda kienʼiki, mu uoma ua Jihova, ni ujitu, ni muẋima ua muvimba.

Nehemiia 11:1

Anga ilamba ia kifuxi a kala mu Jeluzaleme, maji o kifuxi kioso kiamukuá-phe kia anʼa Izalaiele a ta j jisorte, ja kukatula mbandu imoxi ku dikuinhi, phala a kale mu mbânza ikôla ia Jeluzaleme, o dívua dia mbandu a kale mu jisanzala jamukuá.

Jisálamu 46:4

Sai-ku ngiji o milombo iê i tekela o mbanza ia Nzambi; kididi kiangene kia mabhata ma Sukè-ku.

Jisálamu 48:1

Jihova munéne, muene ngó ua O tokala ku mu ximana jinga kiavulu, mu mbanza ia Nzambi ietu, ku mulundu uê uangene.

Jisálamu 48:8

Kala kioso ki tua kʼivua jinga, lelu kiene muene ki tua ki mono, mu mbanza ia Jihova dia ifuẋi, mu mbanza ia Nzambi ietu; kuma kia tungu Nzambi, ka tena ku ki bula. (Selah.)

Izaía 1:22

Phalata ié ia biluka makololo, vinhu ié ia di lungu kiá ni menha.

Izaía 26:10

O mukua-phulu né ua mu bhange mbote, ki kiene ki mu bhangesa o ku dilonga o kidi; katé ni mu ixi ia kuiuka, muene hanji a jijila o kubhanga ufusa, ka xikina kusuua o unéne ua Jihova.

Izaía 48:2

A di-luka muene o dijina dia mbanza ikôla, anga a xamenena kua Nzambi ia Izalaiele; o dijina diê Jihova dia Ilombo Ieta.

Izaía 5:7

Mbata o díbhia dia muvide ua Jihova dia Ilombo Ieta phe, o dibhata dia Izalaiele; o athu êne mu Juda, ene o phaphu iambote ia phaphe-mu; Jihova phe ua dielelele kuila ende ni kubhanga ima ia kuiuka, maji talesa hanji o ungumba uâ! Bhua kingile o kidi, o kuiuka, bheza ngó jingololo!

Izaía 59:14

Kienhiki o ufundisilu ua kidi ua vutuka kuema, o kuiuka kua di takula dikanga, mukonda o kidi mu nzunga kia muia ni ku-dibhukana, o ku sokelela ki ku xikina ku bokona.

Izaía 59:15

Kiene muene, o kidi a ki jimbi, uoso uila nguami kubhanga phulu, o ió, bhulubhulu dia ku mu bhunda. Jihova ua ki mono, ki kia mu iibhila ku mesu mê, kuila, o kubatula milonga mu kidi, ki kuala-ku.

Izaía 59:3

Mbata maku menu ma kasana ni manhinga, o milembu ienu ia kasana ni ikuma; o mizumbu ienu i tanga makutu, o dimi dienu dizuela isunji.

Jelemiia 3:1

Ala kuila zuele-zuele, exi: se bhu kala diiala di senga mukajiʼé, muene anga uia kuengi hé u sakana ni diiala diengi, kifua u mu vutukila dingi? Oxi ioso ioio ki ia-nda ku tambula lufuku? Eie-phe ua di kasanesa ni jisaii ja nzungule; né-mbe-phe kiene, vutukila dingi kokuami, Jihova ua ki tange.

Hozeia 11:12

Ifalaíme ua ngi kondoloka ni makutu, o Izalaiele uezala ni mangonha; maji Juda hanji ala kutumina ni Nzambi, muene uala fiiele kua Ió Ukôla.

Hozeia 2:5

Kuma mamʼâ ua te jiphànda; ió uoso ua emitine ua bhange isunji; o ujitu uoso ua di katula-u; mukonda muene uambe, uixi: Eme nga-nda kulandula o jisaii jami, ene mu ngi bhana o mbolo iami, ni menha ami, a ngi bhana o lâ ni linhu iami, a ngi bhana o majiʼami ni maluvu a kúnua.

Habakuke 1:4

Mukonda dia ima ienhiʼii kitumu kia zondo, o kubatula mu kidi ki kua moneka. Kuma mukua ituxi u bhondeleka uaiuka, o kutetulula mu kidi anga a ku lémbua.

Zakadiia 8:3

Jihova dia Ifuẋi uambe kiki, uixi: Ziione nga kà mu vutukila. Nga kà tunga mu kaxi ka Jeluzaleme. Jeluzaleme a kà mu ixana exi: Mbanza ia ujitu, mulundu uangene ua Jihova dia Ilombo Ieta, mulundu uê ukôla.

Luka 13:34

Uaué, Jeluzaleme! Jeluzaleme tata! Ua bhingi o jipolofeta u ji jibha, o akunji Nzambi a ku tumikisa, eie u a bûba ni matadi! Lukuxi luosʼulu, lu ngandalele kubhongoloka o kifuẋi kia mundu uê uoso, kala ki bhanga o sanji tuana tuê moxiʼa mabhabha, enu-phe ki mu xikina!

Jipoxolo 7:52

Polofeta kuẋi jitata jenu ja kambele ku mu zukutisa? Ene a jibha jinga o akunji a Nzambi, ió oso a tuamene kuidikiza mʼ ukulu kianda kuiza o Muthu Uaiuka. O Muène kiki enu mua mu bhakula, enu mua mu jibha; mu ijibhanganga iê.

Jihebeleu 12:22

Enu-phe mueza ku Mulundu ua Ziione, ku dibhata dia Nzambi ua kola o muenhu, ku Jeluzaleme ia diulu, ni jimidi jê ja ji-anju.

Dijingunuinu 11:2

Maji o lumbu luê-phe, ku kanga dia Tembulu lu xale, kana ku lu zonga, mukonda a lu bhana o matumbu a-ndu kala mu kutitidila o Mbanza Iangene ikôla mu makuinhi auana a mbeji ni kiiadi.

Dijingunuinu 11:8

O imbi iâ anga i zeka mu nzunga, mu mbanzʼoio ia dikota, mua jibhilile ue Ngana iâ ku dikulusu. O dijina diê mu ku i tumbula mu kixanga, ela Sodoma, mba Ijitu.

Dijingunuinu 17:1

Anga kuiza anju imoxi, ku sambuadi dia kuatele o sambuadi dia nganza, hé u ngi zuelesa, uixi: Iza kunu, ngi ku idikize kioso kia-nda kubhana o kaxtiku kua kidia-nzunga kia dikotʼokio, o mbanza ioio iòtunge bhu mbanduʼ a ngiji javulu.