Izaía 1:18 - O Mikanda Ikola

¹⁸ Izenu-phe kiá, mu ngi sambulule, eme Jihova. Né-mbé ituxi ienu ia kusuka kala husu, ia-ndu zela mukuâ ni neve (o kikulakaji); né-mbé iedi nguí kala hundu, iila muene phalatatá mukuâ ni kindemba kia mbudi izela.

Izaía 1:18 ပူးပေါင်းရင်းမြစ်များ

Jobe 9:33

Bhu kaẋi ketu ki bhuala mutumini, u ta lukuaku kokuetu tu kiiadi, mu ku tu muangununa.

Jisálamu 51:7

Ngi bonze ni kisasa kia hisopo, lufuku lu ngi bhue; ngi sukule, ngi zele, kuzela kua neve ndenge.

Jisálamu 51:9

Bhana pholo kuengi, kana kutala dingi o ituxi iami; ngi jimune konda iami ia maufusa moso.

Izaía 1:23

Makota mé ma mbonge a bhukumuka, a di bundu kumoxi ni miii; kala muthu mudiâ, ki ua a monuʼokio, a uabhela kitadi kia kudiodia milonga, bhua mona o nganhu usanga aia lusolo; hukunhu, o ku mu batuila milonga, u a lémbua; kene kusuua dimanda dia atudi.

Izaía 3:13

O kiki, Jihova u balumuka mu kuzokela, anga u tunda mu kufundisa o miji.

Izaía 41:1

Enu mu ikolo, dixibhienu bhu pholo iami, enu mu mundu endenu ni kusunga nguzu iobhe. Bhiẋilenu mu zuele: tu zukamienu kumoxi tu di-tetulule.

Izaía 41:21

Jihova uedi, uixi: Ngi bhekedienu dimanda dienu kunu, ioso o mitue i mua nomona, muexi bhene bu tu lungila, tulenu-iu bhabha, eme sobha ia Jakobo.

Izaía 44:22

Ikuma ié ngi i jimuna kala mbundu, o ituxi ié ngi i bhuisa-ku kala dituta: Vutuka kokuami, mbata eme nga ku kula kiá.

Izaía 50:8

Muene u ngi lungisa iú-ue bhua zukama; nanhi u ngi ta mulonga? Tu tukulukile bhuamoxi; nguma iami nanhi? a bhixile bhabha kokuami.

Izaía 55:7

mukua-ituxi ehe o njila iê, o ua iibha muẋima a tule mabanzelu mê; a vutuke kua Ngana, u mu kuatela henda; nʼalukile kua Nzambi ietu, kuma muene mukua kuloloka kiavulu.

Jelemiia 2:5

Jihova uambe, kiki: Jitata jenu ja ngi muene ni mangonha ahi mu kufundisa, kia a bhekesa o ku ngi sondoloka kala kiokio, nʼa di te mu kaiela o lusebu katé kia kituka jisemenhi ja hatu?

Izekiiele 18:27

Maji o mukua phulu kia diela ku phulu iê ia bhange, hé u bhanga ima ia kuiuka ni kubatula mu kidi, ió o muenhu uê ua sakuka.

Izekiiele 33:16

Ku ituxi iê iosololo ia bhanga jinga, ki kua kà kala ku mu xinganekena-ku ima ia ibha ia ku mu bhanga phulu; kuma kindala ua bhange ia iuka iú ua batula kiambote, ni kidi muene ua kà laia.

Mikeia 6:2

Enu mu milundu ivuenu, ni enu madisesa ma ixi ma kuata kiambote, kuma Ngana ua kuata mvunda ni Kifuẋu kiê, iu ua-nda kufunda ni Izalaiele.

Jipoxolo 17:2

Phaulu kuma kiene ki ene kubhanga, u bokona-mu jisabhalu jitatu, u zuela-nâ,

Jipoxolo 18:4

Anga u lombolola maka jisabhalu joso mu dilombe, u sota kuxikanesa o Jijudé ni Jingeleku.

Jipoxolo 24:25

Maji kioso Phaulu kia kala mu kulombolola kioso ki kala o kuiuka, ki kala o kutolola jihanji, ki kala o kufundisa kua hádia, Fele ua teketa, iú ua kumbulula, uixi: Kindala ndeie hanji. Hinu ki ngi kala ni thembu, ngi ku ixana dingi.

Loma 5:20

O Kitumu kieza phala kuvudisa o kutondala. Maji bhuoso bhua vulu o ituxi, o kiadi kia Nzambi kia somboka dingi mu kusubhajaka kiavulu.

Dijingunuinu 7:14

Nga mu ambela, ngixi: Eʼmuène, ngana, ua ejiia. Kuala muène: Enhá ene a tundu mu hadi ia dikota. Ene a sukula izuatu iâ, ia a i zelesa mu manhinga ma Kambudi.

I Samuuele 12:7

Kiki-phe imanenu, ngi funde ni enu bhu pholo ia Jihova, ku thandu dia ikalakalu iaiuka ia Jihova, ioso ia mi bhange enu, ni ioso ia bhanga ku jitata jenu.