Izaía 1:16 - O Mikanda Ikola

¹⁶ Di sukudienu, mu dizelese, phulu ioso ia ibhangelu ienu katulenu-iu, i tunde ku mesu mami, ehenu o kubhanga kiaiibha.

Izaía 1:16 ပူးပေါင်းရင်းမြစ်များ

II Jisobha 17:13

O Jihova iú ua bazela jinga Izalaiele ni Juda ku ukunji ua misesedi iê, ni ku mizambuidi ioso, uixi: Ku jinjila jenu ja ibha tundenu-ku, muende ni kubhaka o ijila iami ni jingonge jami, kala kiambe o kitumu kioso ki nga tendelela ku jitata jenu, eme ue ngi mi tumikisa na-kiu ku ukunji ua abhikʼami, o misesedi.

Jisálamu 26:6

Maku ami nga a sukula, katé ki azele; phala ngi kondoloke kalatódio ké, u Jihova.

Jisálamu 34:14

Ku phulu, tunde-ku, u bhange o mbote; sota o paze, ni ku i jijila.

Jisálamu 37:27

Ku ituxi tunde-ku, u bhange o mbote; u tunge kididi ni ku mululu ni ku mulaula.

Jisálamu 51:2

Ngi sukule, u ngi zelese ku ikuma iami, mukonda nga xidi; ngi bonze, phala kituxi kiami ki bhue-ku.

Jisabhu 21:3

Kubatula o milonga mu kidi ni kufundisa athu sè katungu, kia beta ku uabhela Jihova, ku mu bhakuila jisata, ndenge.

Jisabhu 4:27

Kana ku kuata uendelu ua ku takujuka ngó, né ku dilu mba ku kiasu; o kinama kié sondolola-kiu mu kubhanga phulu.

Izaía 52:11

Tundenu-ku, tudenu-ku, sondolokenu-bhu, kana kubabata kima kia ufusa; tundenu muʼaxaxi kâ, di-zelesienu enu oso muambata ingolongondo ia Jihova.

Jelemiia 18:11

Kala kikiphe, ka tangele akua Juda kindala, ni akua bhata mu Jeluzaleme, uila: Eme Jihova uambe kiki: Talenu, nga mu funha divuua phala enu, eme ngala ku mi ta kikutu kia ufe; bilukenu-ze, kindala, kala muthu a xe njila iê ia iibha, mu iukise o jinjila jenu ni ibhangelu ienu.

Jelemiia 25:5

Kia tange, kuila: Dielenu, muthu ku njila iê ia ibha ni mu ku ibha kua ibhangelu iê, nda mu tunge mu ixi ia mi bhana Jihova, enu ni jitata jenu, tundé mʼukulu ni ku hádia ni hádia.

Jelemiia 26:3

Bhu kala ni bhabha sumba a tena kuívua, nʼa bhane dikunda kala muthu ku njila iê ia ibha; nda eme ngi diele ku phulu i nga mu sota ku a bhanga mukonda dia ku ibha kua ibhangelu iâ.

Jelemiia 35:15

Abhikʼami, jipolofeta, ene oso nga mi tumikisa-nâ, ngi di meneka ni ku a tumikisa, ngixi: Dielenu-phe kindala, muthu a biluke ku njila jé ja ibha, ibhangelu ienu mu i bhange ia iuka, ki mu kaiele jinzambi jengi phala ku ji bhikila; kienhokio mua-ndu kala mu ixi i nga mi bhana enu ni jitata jenu; maji enu nguenu ku ngi bhetekela dítui mba ku ngi tumaka eme.

Jelemiia 4:14

Sukula o muẋima ué ku usuéia, eie u Jeluzaleme, nda u tene kubhuluka; katé bhebhi u jijila momʼué o ixinganeku ié ia ibha?

Amoji 5:15

Kubhanga kia ibha ku mi ibhile, mu uabhele-ku kubhanga mbote; o kufundisa kia iuka ku mi kale muene bhu dibhitu. Sumba Jihova Nzambi ia Ilômbo Ieta u kuatela henda ku tumbalumbalu tua subhuka mua Zuze!

Jona 3:8

Maji o athu ni ibhaku a di kuta jisaku; hé a dikola ni nguzu kua Ngana Nzambi, a diele, kala muthu ku njila iê ia bhengalala, ni ku ikuma ia maku mê.

Zakadiia 13:1

Bhu kumbiʼodio kua kà kala fiẋi ia jikuka phala o dibhata dia Davidi, ni iá a tungu mu Jeluzaleme, phala ku dizelesa ku ituxi ni ufusa.

Zakadiia 7:7

Ki muevu kizuelu kia Jihova kia miʼambelele ku ukunji ua jipolofeta jê ja mi diangelelè-ku, kioso Jeluzaleme kia kexi hanji ua tungu ua somo, ua tululuka, ni jimbanza jê joso ja mu kexile mu jimbandu; o ku Sulu ni mu kiphenza mua tungu athu?

Matesu 3:8

Imenu-phe ibundu ia fuama o kudiela.

Jipoxolo 22:16

Kiki-phe u lalekela-hi dingi? Balumuka, u bhinge Ngana ku ku kuatekesa, ni a ku batizale, o ituxi iê nda a ku loloke-iu.

Loma 12:9

O henda ki i kale ia kádia. Iaiibha mu i lenga, iauabha mu i naminina.

II Kolindo 7:1

O ki tualʼ iki, enu akuetu, o ikanenu ioso ienʼ iii ia tu tokala etuene. Tu dʼ iẋikienu, ni tu bhue o ufusa uoso ua xitu ni ua nzumbi, ni tu zubhe o kuzela, tu kale mù xila Nzambi.

Tiiaku 4:8

Zukamenu kua Nzambi, muène u mi zukama enu. Di sukudienu maku, mu akua ituxi! Di zelesienu miẋima, mu akua miẋima iiadi!

I Phetele 2:1

Uila kiki-phe, ehenu o usueia uoso, ni makutu, ni mangonha, ni luma, ni kabódio, ka kulongolola athu.

I Phetele 3:11

Ku phulu a tunde-ku, a bhange o mbote a sote o paze ni ku i kaiela.

Dijingunuinu 7:14

Nga mu ambela, ngixi: Eʼmuène, ngana, ua ejiia. Kuala muène: Enhá ene a tundu mu hadi ia dikota. Ene a sukula izuatu iâ, ia a i zelesa mu manhinga ma Kambudi.