Izaía 1:15 - O Mikanda Ikola

¹⁵ Uila kiki, kioso ki mú sunununa o maku menu mu kusamba, mesu mami, kokuenu, ngi ma sueka; xi, kioso ki mu vudisa o misambu ienu eme ki ngi ivu, mukonda o makuʼenu ezala manhinga.

Izaía 1:15 ပူးပေါင်းရင်းမြစ်များ

I Jisobha 8:22

Anga Solomá uimana ku pholo ia kalatódio ka Jihova, ku pholo ia kionge kioso kia Izalaiele, anga u leka o maku mê ku diulu,

I Jisobha 8:54

Anga ki bhita-phe kuma, Solomá kia zubha kubhanga o musambu uoso iú ni kudionda kuoso kuku, hanji ku jiphuna kuala ni maku ma leka ku diulu, u fundumuka ku pholo ia kalatódio ka Ngana,

Ejidala 9:5

O kia zukama o kithangana kia Sata ia ngoloxi, nga balumuka mu ku di suuata ni ku di tolesa kuami, kala nga tandula kiá o izuatu iami ni divunga diami, anga ngi fukama, ngi leka maku mami kua Jihova, Nzambi iami, ngixi:

Jobe 27:20

Kimbulambula ki mu kuata kala menha a disenza; mu usuku a muʼambata ku kibhungu!

Jobe 35:13

Kutanga o kidi, o kudikola kua hatu Nzambi ka kuivu, mba Muteni-a-Ioso utala kua ene.

Jisálamu 134:2

Lekenu o maku menu mu kididi kiê kiangene, muende ni kubenzela jinga Jihova.

Jisálamu 55:1

Bhana dítui, u ivue o musambu uami, Ngana Nzambi; kana kubhengalala pholo kioso ki ngala kudikola.

Jisálamu 66:18

Se ku muẋima nga solele kubhengalala, Ngana hinu ka xikina ku ngʼivua.

Makatukilu 9:29

Mozé anga u mu ambela, uixi: Ngʼila ngi tunda ngó mu mbonge, ngi leka o maku mami kua Jihova; ua-nda mona-phe inuminu ia batuka, o matadi a bhuê-ku; phala eie u kʼijiie kuma ixi ioso iangene ia Jihova.

Jisabhu 1:28

kienhokio ene ela adi kola kokuami, eme-phe ki nga kà etaia; o kia kà di meneka ku ngi sota, ka tena ku ngi sanga.

Jisabhu 6:17

o mesu ma tala ni izala, o dimi di tanga makutu, o maku ma zunza manhinga ma muthu ua kambe kikuma,

Izaía 4:4

kioso o Jihova kia kà sukula ufusa uoso ua ana-ilumba mu Ziione, anga uzelesa Jeluzaleme ku kikuma kia manhinga muʼaxaxi kê ni nzumbi ia kuiuka ni nzumbi ia huii.

Izaía 45:15

Kia kidi kiene, eie-muène u Nzambi, ua di sueka, u Nzambi ia Izalaiele, u Kibhamuenhu.

Izaía 58:4

Talesenu, kuma enu mua mu jidila jimvunda ni jiphata, hé mu di-bhana jihome sè ku di-kuatela henda … kana kujila dingi kala ki mua bhange leluʼiki, ni kusuinisa dízui phala ku mʼivua makanga.

Izaía 58:7

Abha ku uane ue o mbolo ié ni uoso uala ni nzala? o jingadiama ja bhondalala, ja takuka ku makanga, u ji ongeka mʼonzo? o ki u mona mukua tuẋi anga u mu zuika, phala xitu ié, ku i suekele o pholo?

Izaía 64:7

Ki bhuala dingi u hingila o dijina diê, mba u phaphumuka nʼa kuatenene kokué; mbata eie ua tu suekela o pholo, eie ua tu bhangesa ku botomoka mukonda dia ikuma ietu.

Izaía 8:17

Eme ngi dielela kua Jihova, muene ngi mu xikamena, sumbala o dibhata dia Jakobo ua a suekela o pholo.

Jelemiia 11:11

Uila kiki Jihova uambe, uixi: talesa, nga-nda ku a bhekela divuua ku thandu diâ, o dienhidi ka-nda kutena ku di bhulaka, a-nda ku dikola kokuami, eme-phe ki nga-nda kua evua.

Jelemiia 14:12

Kioso kia jila, eme nzôngo iâ ki nganda ku ivua, o kia bhakula mubhaku ua kuoha, ni mubhaku ua kudia, eme ienhoio ki ia-nda ku ngi uabhela; o kiala-bhu eme nga-nda ku a jikinisa ku xibhata, ni ku nzala ni ku dibhebhu.

Jelemiia 4:31

Mbata ngala kuivua kiá mbimbi mukua ni muhatu uala ku isenda, mika kala ia ió u vuala mona ua phande-kumbi; diene o dizue dia mona Ziione ua muhatu, uiza ni kuhaha, iú ua mu sunununa o maku, uixi: Uaué! Kindala kokolo diami: mukonda o muenhu uami uambuka bhu pholo ia ijibhanganga!

Izekiiele 11:6

Imbi ienu mua i vudisa mu mbanzʼumu, mu jiluua jê muezala imbi.

Izekiiele 14:3

Monʼa iala, athu iâ emika o iteka iâ mu miẋima iâ, o kidibhukanu kia kuiibha kuâ a ki tula muene bhu pholo iâ; o ki ngalʼiki mbé nga tokala ku ngʼibhula kuala ene?

Izekiiele 39:23

O akua jixi hé a kà kʼijiia, kuila o akua muiji ua Izalaiele, mukonda dia kikuma kiâ, a ambata ku ubhika, mukonda a ngi bhukumukina eme, emeʼeme nga a suekela ue o pholo iami, eme nga a bhakula bhu maku a jinguma jâ, ene oso ia a takuka ku xibhata.

Hozeia 5:6

Eneʼá à kʼ aia ni Jimbudi jâ ni jingombe jâ mu kusota Jihova; maji a kà tokoka ku di mona-nê; mukonda Jihova ua a tundu kiá bhu mbandu iâ.

Mikeia 3:4

Ene a kà di kola kua Jihova, maji muene-phe kʼanda kua evua; kumbi dienhódio ua kà a suekela o pholo iê, mukonda ikalakalu iâ ia bhange a i ibhisa kiavulu.

Zakadiia 7:13

Ki kiedi kuma eme ki nga a kolela, ene ka ngʼivu; ene uâ hádia a kà dikola kokuami, eme ue ngi kamba kua evua; kiene kia tange Jihova dia Ilombo Ieta.

Matesu 23:13

Enu-phe lamba dienu, mu akua kulonga kitumu ni enu mu jifalizeu, mu akua mangonha! Mukonda ku Utuminu ua diulu mua jika-ku ku pholo ia athu, enʼ uenu kubokona nguenu; ni iá andekene kubokona, ki mu a ehela. [

Matesu 6:7

Mu kusamba ue kana kubuabuala ngó, uila ki bhanga o matumbu; mbata ene a fika kuma o kuzuela kuâ kuavulu kuene kubhangesa ku a evua.

Nzuá 9:31

Tuejiia kuma Nzambi kene mu kuívua mukua-ituxi. Maji se muthu-phe u kala mubhezi a Nzambi, hé u bhanga vondadi iê, muenhó Nzambi u mu ívua.

I Timote 2:8

Uila kiki, nga mesena kuila athu oso a di bhakula kua Ngana Nzambi, a sambe jinge ku ididi ioso, o mu kusamba a tena kuleka o maku mazele sè kizembu sè jimvunda.