Izaía 1:13 - O Mikanda Ikola

¹³ Kana dingi kuiza mu titidila mu malumbu mami; kana dingi ku ngi bhekela maujitu ma kingoho; o fumasa ienu, phalʼeme, nga i kiti ufusa: ni jimbeje jathethama, ni jisabhalu ja kunhoha, ni kubhongolola o ionge; ki ngi tena kuxididikila jifesa ja ituxi, né kiá o ionge ienu ia ujitu.

Izaía 1:13 ပူးပေါင်းရင်းမြစ်များ

II Jisobha 4:23

Muene-phe, uixi: Eie u ila-hi lelu kua muene? Ki bhu mbeji ia thethama, ki bhu kumbi dia sabhalu. Muhetu-phe, uixi: Ki kʼidi kima. Ima ioso ialʼé muene kiambote.

I Malunda 23:31

Phala ue kubhakula jinga o ujitu ua jisata ja kuoha ua Jihova mu jisabhalu joso, ni mu jimbeji ja thethama, ni mu ionge ia ujitu, mu ku i alula, kala kiatokala mu ifua iê, izuua ioso bhu pholo ia Jihova.

Jisálamu 78:40

Lukuxi luosʼulu lua mu kitukila mu kikangalakata; a mu nhemuna jinga mʼoxi ia kukuta i bhekela o ngunzu!

Makatukilu 12:16

Kizuua kiadianga, mu kala ni kionge kikôla; mu kizuua kia kasambuadi ue, mu kala ni kionge kikôla; mu izuua iiadi iii, ki mu bhange midimu ia kima, kikale ngó kikalakalu kia kubhanga kúdia; kiene ki mu bhanga, kuabhu.

Jisabhu 21:27

Sata ia akua kubhuma, kisinji kua Nzambi; kuambe dingi-phe ki a i bheka ni muẋima ua kubhanga phulu!

Jisabhu 7:14

Lelu ngala ni jisata ja paze ku bhata; kuma lelu ngi kumbidila o jihasa jami ji nga di hambelela.

Izaía 66:23

Hé kima-phe, tundé kimoneka o mbeje katé kia kà moneka ia mukuá, tundé kia sabhalu katé sabhalu ia mukuá ni kuiza mu bheza bhu pholo iami, eme ngi Jihova.

Izaía 66:3

Uoso u jibha ngombe ia sata, mukuâ ni ua jibha muthu; uoso u satela kambudi, mukuâ ni ua batula ómbua xingu; uoso u bhana mubhaku ua musa, mukuâ ni ua bhakula manhinga ma ngulu; uoso u ximika fumasa ia dizumba, mukuâ ni ua benzela dihamba. Mbata eneʼâ ue ala kusola jinjila jâ-ene, muẋima uâ ua sendukila ku ima iâ ia ufusa.

Kuditenda 2:6

Balaka iê ua mu budila-iu ni usuéia, kala fundu mu díbhia; ni ididi iê ia kionge ua mu senguluila-iu; Jihova, o jifesa jangene ni izuua ia sabha-lu mu Ziione ua i lâmbe-mu; njinda iê ki ia di vunza, ni sobha ni nganga ki ja mu kuatela dingi kima.

Izekiiele 20:39

Enu-phe, tata, mu dibhata dia Izalaiele, eme ngi Jihova, ngʼambe: Ndé-nu, muthu ni muthu a kà bhikile o iteka iê, mukonda, eme, nguenu ku ngʼivua; maji-phe o dijina diami di kôla ki mu di sebulule ni maujitu enu ni iteka ienu.

Hozeia 2:11

O kusanguluka kuê kuoso nganda ku ku bhuisa-ku, ni jifesa jê, ni mbeji jê ja thethama, ni jisabalu jê, ni mabhongolokelu mê moso ma izuua ia jifesa.

Jouele 1:14

Bhu kale kujila ku kôla, bhu kale ku kola kizuua kia kionge, bhongololenu ikulakaji ni oso a tungu mu ngongo, eze mʼonzo ia Jihova Nzambi ienu, mu di kole kua Jihova.

Jouele 2:15

Xikenu mbungu mu Ziione, jilenu ni kujila ku kôla; kolenu kizuua kia kufula ioso ni ku di fudisa.

Ijila 26:31

O jisanzala jenu nga kà ji sengulula, o ididi ienu ia kubhezela nga kà i solala, o dizumba dinuha kiamboteʼokio di mu ngi tela Eme, ki nga kà di suua dingi.

Malakiia 1:10

Tamano mudienu mua kexile muthu u jika mabhitu phala ki mu uike túbhia tua kalatódio kami mu kingoho. Kuma Jihova dia Ifuẋi uixi kiki: Enu ki mua ngi uabhela dingi; ki ngi xikina kutambula jisata ji tunda bhu maku menu.

Dialuilu 10:2

Iudika koloneta jiiadi ja phalata, u ji iudika ni ufunu ua kusula; ji kale ja kuxika mu kuixana kilômbo, ni kuxia kibangu mu kuenda,

Matesu 15:9

A ngi bheza-phe ngó makutu, ni kulonga ijila ia tumu ngó athu, kala Nzambi muène ua i tumu.

Luka 11:42

Lamba dienu-phe, mu jifalizeu! Mukonda enu Nzambi mu mu futa o dijimu dia kizaka, ni dia sabhola, ni dia tu-idima tuoso, o kufundisa-phe, mu kidi, ni henda ia Nzambi, mua i xé bhoxi. Mua fuamene kuila o iíi mu i bhanga, o ioio-phe ue ki mu i xi dingi.

I Kolindo 11:17

Kiki, ku maka amukuá u ngandù kuata ku mi lomboluela, ki ngi mono ku mi ximana. Mukonda o kubhongoloka kuenu mu Ngeleja ki kua kubhanga mbote, maji kua kubhanga kiaiibha.

Efezo 4:30

Kana kubheka malamba kua Nzumbi Ikôla ia Nzambi. Kuma o Nzumbi muene o kidimbu kia kuila o Nzambi uala momuenu; muène ue o diẋikina dia kuila Kizuua kí bhixila kia Nzambi ku mi kula.

Filipe 1:15

Amoxi-mu mu kutanga Kristu, a ki bhangela ngó dixinga ni mvunda; amukuâ-phe a mu tanga ni vondadi ia muẋima uambote.