Izaía 1:12 - O Mikanda Ikola

¹² O ki mua mu kuiza mu kuongama bhu pholo iami, nanhi ua mi bhingi-kiu bhu makuʼenu?

Izaía 1:12 ပူးပေါင်းရင်းမြစ်များ

Jisálamu 40:6

Kusata mienhu, ni kubhakula idima, eie ki kuene kua ku uabhela, kana; maji, bhenhobho ua ngi xitununa o mátui; sata ia kuoha, ni ia kuluulula, ki iene i ua ngi bhingi.

Makatukilu 23:17

Lutatu ku muvu, mala enu oso a di bheka bhu pholo iami, ngi Jihova.

Makatukilu 34:23

Lutatu, ku muvu, mala oso a di bhakula bhu pholo ia Jihova, Nzambi ia Izalaiele.

Ndongixi 5:1

Kinama kié langa-kiu, kioso ki u bokona mʼonzo ia Nzambi; beta kuzukamena o kuívua, kana kubhana ujitu ua ioua, kuma ene kʼejiia kuila a mu bhanga kiaiibha.

Jelemiia 7:11

Onzo iii-phe ia luka dijina diami, mbé i kala ngenda ia ingumba ku mesu menu? Talesa, kienhiki eme, eme-muène ngi Jihova nga di muena-kiu, Ngana ua kiambe.

Mikeia 6:8

Muene ka kuambela kiá, eie u muthu ua-kimi, kioso kia uabha, kia fuama, kia solo Ngana kuma kiene ki u bhanga, kuila ubhanga jinga kuiuka ni kubatula mu kidi, uzola kubhanga o mbote, ukala jinga mu kuenda bhu pholo ia Nzambi ié ni ku di tululula?

Zakadiia 7:5

Tangela athu oso mu ixi mumu, ni ku jinganga, uixi: Kioso ki mua jila jinga ni ku disuuata bhu mbeji ia katanu ni ia kasambuadi mu makuinhi sambuadi a mivu osoʼá, ni kidi kiene eme, eme muene mua ngi jidila?

Matesu 23:5

Ikalakalu iâ ioso-phe, a i bhangela ngó phala athu ku a mona: Talenu o iẋimbu ia zanze ia Maka ma Nzambi, ia soneka phala ku ita bhu mabhômo ni ku maku! Kengelelenu kioso kia kulu o mixiku ia izuatu iâ!

Matendelelu 16:16

Mala oso mu kaẋi kenu a tokala kuiza lutatu ku muvu mu ku di bhakula bhu pholo ia Jihova Nzambi ié, bhu kididi bhuoso bhua solo muene; moxi, bhu fesa ia jimbolo ja hangâla; kadi, bhu fesa ia jisemana; tatu, bhu fesa ia jifundu; maji kana kuiza ni maku ahatu bhu pholo ia Jihova.