Ijila 9:7 - O Mikanda Ikola

⁷ Bhenhobho Mozé anga u ambela Alá, uixi: Bhiẋila bhu kalatódio u bhane sata ié ia kituxi ni sata ia kuoha; u bhange kiamenga ni kié eʼmuène, ni kia kifuẋi; u bhange kiua ujitu ua kifuẋi, u a bangele ni kiamenga, kala kia tumu Jihova.

Ijila 9:7 ပူးပေါင်းရင်းမြစ်များ

Ijila 16:11

Kienhókio Alá uiza kiá ni ngalote ia ujitu uê ua kiamenga kia kituxi, kia kubhela ku mulonga uê-muène, a bhanga kiamenga kia ku di zelesa muene ni diembu diê; o ngalote ia ujitu ua kiamenga kia kituxi kiê-muène, a i jibhe.

Ijila 16:24

Anga uiẋika o mukutu uê ni menha mu kididi kiangenʼiki, anga uzuata kiua o izuatu iê; bhenhobho-phe u tunda nʼa iudika kiua o sata iê-muène ia kubhakula ni túbhia, kua Jihova, ni sata ia kubhakula ni túbhia ia kifuẋi, nʼa bhange kiamenga kia ku di kinduila muene ni ku kinduila o mundu.

Ijila 16:6

Bhenhobho-phe Alá ubhakula hanji o ngalote iê ia kiamenga kia kituxi, ku mulonga uê-muène; nʼa di zelese hanji muene ni diembu diê.

Ijila 4:3

Se o nganga muene a mu undu ni maji muene ua te o kituxi, anga mundu ki a iibhila beneʼobho-phe kituxi kiê a ki bhele sata kua Jihova, sata ia kuoha ia monʼa ngombe ua kiubha, ngombe ia ndumbe, iadisanze kiambote sé ngó unema uoso-uoso mba dibaka.

Ijila 8:34

Kioso ki tua bhange kizuua kia lelu, Jihova kiene kia tumu ku ki bhanga, phala ku mi bhangela kiamenga.

Ijila 9:2

anga u ambela Alá, uixi: Kuata monʼa ngombe ia sata ia kituxi, ni kilumbe kia mbudi kia sata ia kuoha, ia di sanze kiambote sé ngó unema u i satele Jihova.

Jihebeleu 5:1

O Nganga ia Dikota, a mu sola mu ʼaxaxe ka athu, anga a mu xinda o kukaiela o mundu ku pholo mu ima ia tokala Nzambi. Muène u bhana o ilumbu, ni jisata mukonda dia ituxi.

Jihebeleu 5:3

Mukonda dia kiki, kiene kia bhingi kubhakula o jisata ja ituxi ia mundu, ni iê-muène-muène.

Jihebeleu 9:7

Mu balaka ia mukuá-phe kikale o nganga ia dikota ubheka uê u bokona-mu lumoxi ngó ku muvu. Uambata ue manhinga ma ibhaku ma kubhakuila Nzambi mukonda diê muène, ni mukonda ue dia itondalu ia mundu, ia bhange sé ku kʼijiia.

I Samuuele 3:14

Mu kienhiki nga lokela o dibhata dia Eli, kuma o kutondala kua dibhata dia Eli kà ka tena ku ku bhuisa ni jisata ni ilumbu mu mivu ni mivu sé dizubhilu.