Ijila 9:4 - O Mikanda Ikola

⁴ ni ndumbe ia ngombe ni kilumbe kia mbudi kia sata ia paze, mbé kusatela bhu pholo ia Jihova; ni mubhaku ua musa uólunge ni maji; kuma lelu Jihova ua-nda ku mi tukulukila.

Ijila 9:4 ပူးပေါင်းရင်းမြစ်များ

Makatukilu 16:10

Anga ki bhita-phe kuila, kioso Alá kiala kuzuela ni kionge kioso kia anʼa Izalaiele, ene oso kiedi sui ku mbandu ia kikangalakata a mona kubenha kua Jihova kua monekena mu dituta.

Makatukilu 19:11

Akale plondo phala kizuua kia katatu; kuma mu kizuua kia katatu Jihova ua-ndu tuluka ku mesu a mundu uoso ku thanduʼa mulundu ua Sinai.

Makatukilu 24:16

O kubenha kua kizunda kia Nzambi-phe, kua xala ku thandu dia mulundu ua Sinai, dituta dia u vungina mu izuua isamanu, o mu kizuua kia kasambuadi-phe, Jihova anga u ixana Mozé, ua mu ixanena mu kaẋi ka dituta.

Makatukilu 29:43

Bhenhobho bhene bhu ngi takanena jinga ni anʼa Izalaiele phala ku unene uami, ngʼa kitule athu a kôla.

Izekiiele 43:2

Tala-ze, ngi mona kizunda kia Nzambi ia Izalaiele ki kʼijiia ku njila ia thunda; o kunumina kuê kala kunumina kua menha a vulu, o ixi anga i di muika mukonda dia kizunda kiê.

Izekiiele 43:27

O kioso ene kia zubha kualuka o izuuʼiii, kia kà kala-phe kuila, mu kizuua kia kanake, tunde kiá bhu kumbi diê ʼte ku pholo, o jinganga ene kiá a kà iudika jinga, ku thandu dia Kalatódio o jisata jenu joso ja kubhakula ni túbhia ni jisata jenu ja paze; eme-phe kiá nga kà di kenha momuʼenu, Jihova ua ki tange.

Ijila 2:1

Se muthu u bhanga ujitu ua mubhaku ua musa kua Jihova, ujitu ué u kala ua fuba ia fina; u lunduluila-ku maji, u ta-ku ni uasu ua dizumba;

Ijila 3:1

O ujitu ua muthu-phe se u kala sata ia paze mba ia kusakidila, se u katula kibhaku mu kibhanga, mba ndumbe mba mukaji, kikale-phe kia disanze sé ngó unema mba dibaka bhu pholo ia Jihova.

Ijila 9:23

Bhenhobho ni Mozé ni Alá anga a bokona hanji mu balaka ia kutakanena; anga a tunda, hé a bhana o dibesá ku mundu; o kubenha kua Jihova anga ku tukulukila o kifuẋi kioso.

Ijila 9:3

O anʼa Izalaiele u ambela, kuila: Enu mu kuata kisutu kia hombo kia sata ia kituxi, ni monʼa ngombe ua kiubha, ni monʼa mbudi ua kiubha, a di sanze kiambote sé ngó unema, phala sata ia kuoha;

Ijila 9:5

Bhenhobho anga a bheka kioso kia tumu Mozé bhu muelu ua balaka ia kutakanena; anga kilômbo kioso ki zukama, hé emana bhu pholo ia Jihova.

Ijila 9:6

Mozé anga u a ambela, uixi: Kia mi tumu Jihova kubhanga, kienhiki: o kubenha-phe kua Jihova kua-nda ku mi tukulukila.

Dialuilu 14:10

Kilômbo kioso kia Izalaiele-phe amba, exi: A bubienu ni matadi. Kubenha kua Jihova anga ku dʼidikiza mu balaka ia kutakanena ku mesu a anʼa Izalaiele oso.

Dialuilu 16:19

O Kola anga kilômbo kioso u ki bhongoluela bhu muelu ua balaka ia kutakanena mu kuzoka-nâ; bhenhobho o kubenha kua Jihova anga ku tukulukila ku kilômbo kioso.