U kuata ue o banha ioso i tunda ku dikutu, ni kikonda ki bhita ku thandu dia muxima, ni anasonhi aiadi, ni banha iala ku anasonhi, anga u i ohela ku kalatódio.
Maji kiene-phe kia uabhelele Jihova, o ku mu tutujula ni ku mu katesa; kioso o muenhu uê kia u bhanga kiamenga kia kituxi, muene ua-nda kumona o mbutu iê, ua-nda kuvula izuua ia kulaia, o kioso kia uabhela Jihova, kia kà Zediuila bhu lukuaku luê.
Kuma Munéne ua dileka, ua jinga kinéne, ua tunga kididi kinangenena, uene ni dijina dia kuila Ukôla, uambe kiki: Nga tunga bhulu, bhu kididi kikôla; nga tunga ue ni uoso mukua muẋima ua toloka, ua batama, phala kuphaphumuna muẋima ua oso a batama, ni kuphaphumuna muẋima ua oso a toloka.
Anʼa Alá anga a mu bhekela o manhinga; muene u bondeka-mu mulembu uê, hé u ta manhinga ku jimbinga ja kalatódio; amukuá u a eẋikila bhoxi dia kalatódio.