Ijila 8:9 - O Mikanda Ikola

⁹ Anga u mu ta kijinga ku mútue; o ku kijinga, bhu dibhomo, u kutila-ku xapa ia ulu, kifua kitundu kikôla; kala kia tumu Jihova kua Mozé.

Ijila 8:9 ပူးပေါင်းရင်းမြစ်များ

Makatukilu 28:4

O izuatu-phe ia ka iudika, ienhiʼii: Ni kixita-thulu ni efodi, ni mbinza, ni divunga dia makembu, ni kijinga, ni phonda; a kà iudika izuatu ia kuzela ni kuiuka phala phange ié Alá ni anʼê a mala, phala a ngi kalakele ku unganga.

Makatukilu 29:6

U mu ta kijinga ku mútue, ni kitundu kikôla ki bhita ku thandu dia kijinga.

Makatukilu 40:16

Mozé anga u ki bhanga; kioso kia mu tumu Jihova, kiene kia bhange.

Ijila 8:21

O mídia anga u i sukula ni menha, ni inama iê; Mozé anga u oha kilumbe kiene kioso ku kalatódio; kuma sata ia kuoha ia dizumba diambote; ujitu ua Jihova ua ku mu bhakuila ni túbhia, kala kia tumu Jihova kua Mozé.

Ijila 8:36

Alá ni anʼê anga a kumbidila kioso kia a tumu Jihova kua Mozé.

Zakadiia 3:5

Eme-phe, ngixi: Ku mútue mu zuikienu-ku mítala ia zele kiambote. Anga a mu ta mítala ia zele kiambote kú mutue, hé a mu zuika izuatu ia tokala; O anju ia Jihova bhene bhu ia kexile.