Ijila 8:23 - O Mikanda Ikola

²³ Anga u ki jibha; Mozé anga u katula ku manhinga mê, u ta-ku bhu sungu ia dítui dia Alá, ku mbandu ia kúdia, ni ku sungu ia mulembu ua kikota ua lukuaku lua kadilu, ni ku sungu ia mulembu ua kikota ua kinama, ku mbandu ia kúdia.

Ijila 8:23 ပူးပေါင်းရင်းမြစ်များ

Makatukilu 29:20

O kilumbe anga mu ki jibhila bhenhobho, u katula ku manhinga mê, anga u ta-ku bhu sungu ia dítui dia Alá, ni dia mbandu ia kadilu, ni bhu sungu ja mátui ma anʼê bhu mulembu uâ ua dikota ua lukuaku ni ua kinama, ku mbandu ia kadilu, o manhinga ma mukuá u a sangela kuthandu mu jimbandu joso ja kalatódio.

Makatukilu 29:21

U katula ue ku manhinga mala ku kalatódio, ni ku maji a kuuesa, u ma sangela kua Alá, ni ku izuatu iê, ni ku anʼê ni ku izuatu ia anʼê kumoxi ni muene.

Ijila 14:14

Nganga-phe u katula ku manhinga ma kiamenga kia kuêla, nganga anga u toma ku sungu ia dítui dia kadilu dia ió uoso ala ku mu zelesa, ni ku mulembu ua kikota ua lukuaku luê lua dilu, ni ku mulembu uê ua kikota ua kinama kia dilu.

Ijila 14:17

O maji moso ma subhuka bhu lukuaku luê, nganga a ma tome ku dítui dia dilu dia ió uoso ala ku mu zelesa, ni ku mulembu ua kikota ua lukuaku luê lua dilu, ni ku mulembu uê ua kikota ua kinama kia dilu, kua bhitile kiá ni kutoma o manhinga ma kiamenga kia kuêla;

Ijila 14:25

Kiene kiua kia batula kambudi o xingu, o kambudi katokala kiamenga kia kuêla, anga nganga u katula manhinga, ku manhinga ma kiamenga kia kubhuisa o kuêla, anga utoma ku dítui dia dilu dia ió ala ku mu ixika, ni ku mulembu uê ua kikota ua lukuaku lua dilu, ni ku mulembu uê ua kikota ua kinama kia dilu.

Ijila 14:28

Nganga anga u katula dingi maji mʼala bhu lukuaku luê, nʼa tome ku sungu ia dítui dia ió ala ku mu ixika, ku dítui dia dilu, ni ku mulembu ua kikota ua lukuaku luê lua dilu, ni ku mulembu uê ua kikota ua kinama kia dilu; muoso mua bhiti kiá ni kutoma o manhinga ma kiamenga kia kuêla, muene.

Ijila 7:37

Ienhiʼii iene o ngonge ia sata ia kuoha, ni mubhaku ua musa, ni sata ia kituxi, ni sata ia kuêla, ni ia kuunda nganga, ni sata ia paze;

Loma 12:1

Uila kiki nga mi diondo-phe, jiphange, mu jihenda ja Nzambi, di bhakudienu o mikutu ienu kua muène, kuma sata ia muenhu, mua di lumbu mu kikalakalu kiê, mu akua ujitu kua Nzambi. Kuma iú uene o ubhhezelu ua kilunji ua ni fuama.

Loma 6:13

Ni idiandu ienu kana ku i bhakula ku ituxi kala falamenda ia kubhanga kima kioso-kioso kiaiibha. Maji-phe di bhakudienu kua Nzambi, kala mu athu mua fuile kiá, maji mua tambula dingi muenhu, ni idiandu ienu bhakuilenu-iu Nzambi i kale falamenda ia kubhanga ima ia kuiuka.

Loma 6:19

Nga mu ki amba mu uzuelelu ua athu, mukonda enu mua bhuila mu xitu. Uila mu ukulu ki mua bhakuile o idiandu ienu mu kukala mu abhika a ufusa ua kubhanga kiaiibha phala kubhikila o ituxi, kindala kiene kiá ki mu bhakula o idiandu ienu mu kukala mu abhika a uiukilu u bhangesa kukala ni muenhu ua kuzela moxi.

I Kolindo 1:2

tua soneka o mukanda iú phala Ngeleja ia Nzambi iala mu Kolindo, kiene-phe, oso kiá a a kôlesa mua Kristu Jezú, a exana phala kukala mundu ua Nzambi. Mukanda iú uosoneke ue phala oso kiá akua kuhingila mu dijina dia Ngana ietu Jezú Kristu mu ididi ioso, Ngana iâ ene, Ngana ietu-etu.

I Kolindo 1:30

Maji enu-phe Nzambi muene ua mi ongeka kumoxi ni Kristu Jezú, a mu bhange kuala Nzambi kukala muene unjimu uetu. O mua Kristu muene mua tu ẋikinina Nzambi bhu pholo iê, ni ku tu bhanga tu mundu ua ngene ua Nzambi, iú ua tu bhulula.

I Kolindo 6:20

Kuma a mi sumbu ni suilu. Uila kiki, fumanesenu Nzambi ku mikutu ienu, ni ku jinzumbi jenu, kuma ja tokala Nzambi.

Filipe 1:20

Mukonda eme o kia ngi kate kiavulu, ki ngendi ni kudielela kuami kuoso, o kuila ki ngi lémbue kubhanga kioso kia ngi tokala, kala ki ngene kiá mù bhanga tunde ukulu, kota-kota mu kindala mumu, mbé ngi kale muene ni kubhua o uôma, phala ngi tene kufumanesa Kristu ku mukutu uami, kixi ku muenhu, kixi mu kufua.

Filipe 2:17

Kuma sumba anda ku ngi zunzumuna o manhinga, o muenhu uami anga a u bhana kala sata iòbhakuile kua Nzambi mukonda dia kuxikana kuenu. O kieniiki se ki bhita, eme ngi ki tanena, hé ngi sanguluka kumoxi ni enu oso.

I Tesalonika 5:22

mu lenge jinge ioso i mua mono iaiibha.

Jihebeleu 2:10

O ima ioso i laia phala Nzambi, mukonda dia muène. O muène-phe ua mesena anʼê oso a nomona ue ku fuma iê. Uila kiki, kia fuamena kuila Nzambi u ehela Jezú ku tala jihadi mukonda dia kuiuka. Kuma Jezú muene musonguedi uâ ua kubhuluka.

Jihebeleu 5:8

Sumbala muène Mona, ua di longo kutumaka mu ima ia tale na-iu o hadi.