Ijila 8:14 - O Mikanda Ikola

¹⁴ Anga u tuma ku mu bhekela kangombe ka sata ia kituxi, Alá ni anʼê anga a tula maku mâ mu mútue ua kangombe ka sata ia kituxi.

Ijila 8:14 ပူးပေါင်းရင်းမြစ်များ

Izekiiele 43:19

O jinganga ja Levi, a tokala ku mbutu ia Zadoko, ala mu kubhiẋila jinga kokuami, phala ku ngi bhikila, eie ua-nda ku a bhana kamona ka ngombe, mbé o sata ia kituxi.

I Phetele 3:18

Mukonda Kristu ue ua mi fuila bhu kididi. Muène ituxi ua i talela hadi mu lumoxi ngó, o muthu uaiuka bhu kididi kia akua ikuma, phala a tu bhiẋidise kua Nzambi. Muène a mu jibhila mu xitu, a mu phaphumuina mu nzumbi.

II Kolindo 5:21

Kristu kia kexi, ka moneka kituxi, maji Nzambi ua mu tambuisa mbandu ku ituxi ietu, phala etu, mu kisangela ni Muène, tu tambule uetu mbandu mu kulûnga kua Nzambi.

Loma 8:3

Kima kia lémbua o Kitumu kia Mozé mukonda dia kubhuila kuê mu xitu, Nzambi ua ki bhange muène mu kikexilu kia xitu, ituxi ua i êlesa mu kutumikisa Monʼ ê muène, mu kidifua kia xitu ia ituxi, mu kufuila o ituxi, mbé ituxi na tene ku i zubha-ku.

Izaía 53:10

Maji kiene-phe kia uabhelele Jihova, o ku mu tutujula ni ku mu katesa; kioso o muenhu uê kia u bhanga kiamenga kia kituxi, muene ua-nda kumona o mbutu iê, ua-nda kuvula izuua ia kulaia, o kioso kia uabhela Jihova, kia kà Zediuila bhu lukuaku luê.

Jisálamu 66:15

Ngi bhakula kokué, jisata ja kuoha ja ibhaku ianete, kumoxi ni dizumba diambote dia ilumbe ia jimbudi; ngi bhana muene ni jingombe ni jihombo. (Selah.)

Ijila 16:21

Anga Alá u tula maku mê maiadi ku thanduʼa mútue ua kisutu kia muenhu, kuene kua fisalela o ikuma ioso ia anʼa Izalaiele, ni itondalu iâ ioso, ni ituxi iâ ioso; anga u i lunjika ku thanduʼa mútue ua kisutuʼiki, anga u ki tumikisa mu kikangalakata, o muthu uoso uia-na-kiu, adianga ku mu kasa kiá.

Ijila 16:6

Bhenhobho-phe Alá ubhakula hanji o ngalote iê ia kiamenga kia kituxi, ku mulonga uê-muène; nʼa di zelese hanji muene ni diembu diê.

Ijila 8:2

U kuata Alá ni anʼê a mala kumoxi-nê ni izuatu, ni maji a kuundila, ni kangombe ka sata ia kituxi, ni ilumbe iiadi ia jimbudi, ni kinda kia jimbolo ja kambe felemendu;

Ijila 1:4

A tule lukuaku luê mu mútue ua sata ia kuoha; anga a i ẋikina bhu kididi kia muene phala ku mu bhangela kiamenga.

Ijila 4:15

O adiakimi oso a kilômbo a tule maku mâ bhu mútue ua ngombe, bhu pholo ia Jihova; ngombe anga a i jibhila bhu pholo ia Jihova.

Dialuilu 8:12

Jilevita anga a tula maku mâ ku mítue ia tungombe tua ndumbe; kamoxi u ka bhana mu sata ia kituxi, kamoxi u ka bhana mu sata ia kuoha, a tu satela Jihova, phala Jilevita ku a bhuisa o ikuma,

Izekiiele 43:20

Eie-phe anga ua kà tambula ku manhinga mê, hé ua kà a ta ku thungi jê jiuana, ni bhu thungi jiuana ja muxinda, ni ku mizumbu mu jimbandu; kienhiki ki ua kà bhanga jinga o dibônzo ni kilumbu.

Izekiiele 44:27

O mu kizuua kioso kia bokona mu kididi kikôla, mu lumbu lua moxi, phala kubhanga o unganga bhu kididi kikôla, ua kà bhakula-phe o kilumbu kiê kia kituxi, kiene kia tange Jihova Nzambi.