O Alá ni anʼê ene akexile mu kuoha o ima ioso ia mazumba ku thandu dia Kalatódio ka jisata ja kuoha, ni ku thandu dia Kalatódio ka uasu ua dizumba phala o kikalakalu kioso bhu kididi kikôla kinéne, mbé kubhangesa o sata ia kiamenga ia kubonza Izalaiele, kala kioso kia tumu Mozé selevende ia Nzambi.
Ua kèxana phange ié Alá ni anʼê a mala, mu kaẋi ka anʼa Izalaiele, nʼa ku zukame, u a unde ku ngi kalakela ku unganga; ni Alá, ni Nadabe, ni Abihu, ni Eliezale, ni Itamale, ni anʼa Alá.
O ki tokala ku a bhanga kienhiki, mu ku a lumbila phala ku ngi kalakela ku unganga: U kuata ngombe ia ndumbe ia kiubha, ni ilumbe iiadi ia jimbudi, ia kambe kunemana mba mabaka.
U a kuta jiphonda, ni Alá ni anê, u a ta ijinga mu mútue, phala unganga u kala uâ-ene, ua kijila ki ki moneka bhu kia suku; kienhiki ki u a lumbila-u, ni Alá ni anʼê a mala.
Kienhiki kia zubha o sedivisu ioso ia kibuta kia balaka ia ditakanenu; o anʼa Izalaiele a kumbidila kioso kia tumu Jihova kua Mozé, kiene muene kia bhange.
kuma iene ia tumu Jihova kua Mozé ku mulundu ua Sinai, kizuua kia lekela anʼa Izalaiele kubhana maujitu kua Jihova, kioso kiala ene mu kikangalakata kia Sinai.
U kuata Alá ni anʼê a mala kumoxi-nê ni izuatu, ni maji a kuundila, ni kangombe ka sata ia kituxi, ni ilumbe iiadi ia jimbudi, ni kinda kia jimbolo ja kambe felemendu;
