Ijila 7:30 - O Mikanda Ikola

³⁰ muene u bheka ni maku mê o maujitu ma Jihova ma kubhakula ni túbhia; o banha uiza na-iu kumoxi ni phetu, phala phetu a i bhukile bhu pholo ia Jihova, kuma sata ia kubhukila.

Ijila 7:30 ပူးပေါင်းရင်းမြစ်များ

Jisálamu 110:3

Makuenze mé ma kà di bheka muene mu vondadi iâ, bhu kizuua ki u katula o kilômbo; ni kukemba kuazele, anʼé a kà tomboloka kala dimume dia lelu mu kimene.

Ijila 10:14

Ni phetu ia kubhukila, ni kinama kia taku kia ujitu ua kuzangumuna, mu i dila ue bhu kididi kiazele, ni eie ni anʼé a mala, ni anʼé a ahatu; mukonda diene o dikânda dié ni dia anʼé dia mi bhana ku jisata ja kutululuka ja bheka anʼa Izalaiele.

Ijila 10:15

Ni kinama kia taku kia munomo, ni phetu ia kubhukila, a i bheka kumoxi ni maujitu ma kuoha ni túbhia ma banha, anga a i bhuka hanji kuma ujitu ua kubhukila bhu pholo ia Jihova: anga i kala ié, ni ia anʼé, kuma dikanda dienu dia izuua ioso sé thembu; mukonda kiene kia tumu Jihova.

Ijila 3:14

Ku kibhakuʼiki sai-phe kia katula-ku, kia kubhakula ni túbhia kua Jihova; o banha ioso iala ku dikutu ni ku mídia,

Ijila 3:9

Ku sata ia kutululuka sai kia katula-ku, kia kubhakula ni túbhia kua Jihova: o banha iê, ni mukila ua nete uene uoso a u batuila bhu ua kuatela ku miongo, ni banha iala ku dikutu ni ku mídia,

Ijila 8:27

Iene ioso iii anga u i tula bhu maku ma Alá, ni bhu maku ma anʼê, anga a i bhuka bhu pholo ia Jihova, kifua ujitu ua kubhukila.

Ijila 8:29

Mozé anga u tambula o phetu, u i bhuka ue kuma ujitu ua kubhukila bhu pholo ia Jihova, diene o dikânda dia Mozé, ku kilumbe kia ku di lumbila; kala kia tumu Jihova kua Mozé.

Ijila 9:20

o bhanha a i ta ku phetu, o Alá anga u i ohela ku kalatódio.

Ijila 9:21

Maji o jiphetu-phe ni inama ia taku Alá ua i bhuka, kuma ujitu ua kubhukila bhu pholo ia Jihova; kala kia tumu Mozé.

Dialuilu 6:20

nganga anga u i bhuka bhu pholo ia Jihova, kuma sata ia kubbukila, i kala-phe ujitu uangene ua nganga, kumoxi ni thulu ia sata ia kubhukila, ni kinamá kia ʼkuaku lua xitu ioso ia sata ia kuzangumuna. Se ua zubha kubhanga kiki, nazilé kiene kiua kia tena kúnua o vinhu.

Dialuilu 8:11

Alá anga u bhukila Jilevita bhu pholo ia Jihova, kifua sata ia kubhukila anʼa Izalaiele a a bhakula, phala ki kala kia ene o kubhanga kikalakalu kia ukunji ua Jihova.

Nzuá 10:18

Muenhu uami kana muthu u ngi katula-u, eme-muène ngi u bhana mu vondadi iami. Ngi tena ku u bhana, ngi tena ue ku u tambula dingi. Kiene Tata iami kia ngi tumu kubhanga.

II Kolindo 8:12

Kuma se sai muthu uandala kubhana, Nzambi u xikina o ujitu, kala muthu kioso ki ala na-kiu.

Matendelelu 18:3

Jinganga-phe kima kia a tokala kienhiki: kia kutambula ku mundu, kua ió uoso ubhakula sata, kixi sata ia ngombe, mba ia tu-ibhaku tuofele: nganga u tambula kibhenza kia lukuaku, ni jinganzuánzua, ni dikutu.