Ijila 7:24 - O Mikanda Ikola

²⁴ O banha ia kibhaku kioso kia di fuila, mba kia diua ku iama, a i bhanga ufunu uengi uoso-uoso, maji ka i di, né ngó.

Ijila 7:24 ပူးပေါင်းရင်းမြစ်များ

Makatukilu 22:30

Ni ku jingombe jé, ni ku jimbudi, kiene ki u bhanga; sambuadi dia izuua di bhanga mona ni mamʼâ, o kia kanake u ngi lumbila-nê eme.

Makatukilu 22:31

Kala kiki, mu kala mu athu ami a zele, mua di lumbila kokuami eme; mukonda dia kiki, kana kudia xitu ia sasaka ku iama mu mukáu; kikale mu i tela jímbua.

Izekiiele 4:14

Eme bhenhobho, anga ngʼila: Àhá! Jihova, Jihova, tata! Tala, muenhu uami ki u di kasanesa, mukonda nuka ngi dia kima kia di-fuila mba a ki kuata ku iama, tundeʼami undenge ʼté kindala; mba ngó xitu ia ibha i bokona mu kanu diami! Kikola!

Izekiiele 44:31

Kana kima kioso-kioso kia di fuila, mba a ki kuata ku injila, mba ku iama, o jinganga nʼa kà ki dia.

Ijila 17:15

Muthu uoso ue kixi mukuaʼxi, kixi nzuángiza, se uedi udia xitu ia di fuila, mba a i sanujuna kuala o iama, a sukule-phe izuatu iê, muene ue a dʼiẋike mukutu ni muenha, kukasana kuê a kale na-ku kumbi dioso dia kambâmba, o ki bhiẋila ngoloxi-phe, kukasana kuê kuabhu kiua; kiene kiua kia kala ni kuzela.

Ijila 22:8

Ka tokala-phe kúdia kima kia di fuila, mba xitu a i ẋuua-ẋuua kuala o iama, phala ka di kasanese ni ima ioio; Eme Jihova.

Ijila 7:25

Kuma uoso u dia ku banha ia kibhaku kia kuila athu ene ku ki satela Jihova, mu sata ia kubhakula túbhia, ió muthu ua ku mu batula mu kionge kia mundu uê.

Matendelelu 14:21

Xitu ia di fuila ki mu idié; sembele ua i bhana muthu uengi, o nzuángiza, uoso ua tungu-nê mu sanzala ienu muene u i dia, mba-phe sumbisa-iu ku akua mundu; kuma eie ki ualʼokio uala u kifuẋi kiótungule phala Jihova Nzambi ié. Monʼa hombo ue kana ku mu lambela mu lete ia mamʼâ.