Ijila 7:21 - O Mikanda Ikola

²¹ Se muthu uoso ua babata ku kima kia xidi, kuxila kua muthu, mba kuxila kua kiama, mba kuxila kua lufuku luoso-luoso, kia tunda-ku nʼeza mu dia ku xitu ia sata ia paze, iangene ia satela Jihova, ió muthu ua ku mu batula mu kionge kia mundu uê.

Ijila 7:21 ပူးပေါင်းရင်းမြစ်များ

Dimatekenu 17:14

Diiala dioso a kambe ku mu saia o xitu ia kinhûnga kiê, muenhu ió a kà u batula mu jindandu jê; mukonda kikutu kiami ua ki tondala.

Makatukilu 12:15

O jimbolo ja kambe o felemendu mu ji dia mu sambuadi dia izuua; tunde kiá kizuua kiene kia dianga, felemendu ioso i bhua-mu mu jinzu; kuma uoso u dia jimbolo ja felemendu tunde kizuuʼokio kia dianga katé kizuua kia kasambuadi, muenhó muthu ua ku mu batula mu undandu ua Izalaiele.

Makatukilu 12:19

Mu sambuadi dia izuua iii, ki mu kale ni felemendu mu jinzo jenu; kuma uoso udia kima nʼa te-mu felemendu, muthu ió muthu ua ku mu batula mu kionge kia Izalaiele, a kale nzuangiza, a kale muthu a mu vuala ku bhata.

Izekiiele 33:25

Kala kiki-phe, eie tangela-u, uixi: O Jihova Nzambi uambe, uixi: Mu kudia, mu dia ni manhinga, hé mu leka o mesu ku iteka ienu, anga mu bhubhisa manhinga! manhi o ixi iii ia-nda kukala ienu?

Izekiiele 4:14

Eme bhenhobho, anga ngʼila: Àhá! Jihova, Jihova, tata! Tala, muenhu uami ki u di kasanesa, mukonda nuka ngi dia kima kia di-fuila mba a ki kuata ku iama, tundeʼami undenge ʼté kindala; mba ngó xitu ia ibha i bokona mu kanu diami! Kikola!

Ijila 11:20

O tu-ibamba tuoso tu tena kutuka bhulu, anga tu kala ni mikoto iuana, tu mi kale lufuku.

Ijila 12:1

Jihova hé u tangela dingi Mozé, uixi:

Ijila 17:10

Muthu uoso ue mu dibhata dia Izalaiele, mba ku jinzuangiza jene kunhunganena muʼaxaxi kâ, udia manhinga, muthu ió ngi mu mona bhu aia, katé ki ngi mu batula mu kifuẋi kiê.

Ijila 17:14

Mukonda o manhinga uene o muenhu ua xitu ioso-lolo; bhuoso bhuia manhinga bhuai muenhu; kiene-ze ki ngedila kua anʼa Izalaiele, ngixi: Kana kúdia manhinga ma kibhaku kioo-kioso, kuma o muenhu ua xitu ioso uene mu manhinga mê muenhomo; uoso-phe ue, u ma dia a kà mu jimisa o mbutu.

Ijila 18:29

Mbata athu oso a bhanga ima ia isunji kala iii, athu ió a kà a batula nʼa jime o mbutu mu kifuẋi kiâ.

Ijila 19:8

Ni muene ue uoso udia kiókio, ua bhalumuna mulonga, kikuma kiê ue-nda na-kiu, mbata o kukola kua Jihova ua ku sebulula; mukonda dia kienhiki, muenhó a kà mu batula muʼaxaxi ka povo iê.

Ijila 20:3

Eme uami muthu íó ngi di lulama-nê o pholo mu kuzoka-nê anga ngi mu mona bhu-aia, katé ki nga-nda ku mu batula mu kifuẋi kiê; mukonda ua katula ku mbutu iê iu ua bhakuila Mulôko; mu kubhanga kiki-phe, uakasanesa o dibhezelu diami dikola, iu ua sebulula o dijina diami diangene.

Ijila 22:3

A tangele: Uoso muthu, ku miiji ienu, ku mbutu ienu ioso-lolo u di thethemeka ku ima ioso ikôla anʼa Izalaiele a i tungula phala Jihova, o muene sai kukasana kuala na-ku, muthu ukala kiki a mu batula bhu pholo iami nʼa ngi bhue ku mesu; Eme Jihova.

Ijila 22:4

Ku mbutu ia Alá, se kuala muthu uala ni dibhute, mba kibhubhe kia manhinga, kana ku mu ehela kúdia ku ima ikôla, kale uiluka hanji; kiene ue kimoxi ni ió uoso uababata ku kima kia kasana kia muthu uafu, ni diiala uoso uatundu mu sendumuna o mbutu ia luvalu kindala,

Ijila 23:29

Kuma, se bhu kala muthu, bhu kizuua kiókio, ukamba ku di huha, a mu katula muene mu kifuẋi kiê.

Ijila 7:20

Maji muthu uoso-phe uala ni kuxila nʼa die ku xitu ia sata ia paze, iangene ia Jihova, ió muthu ua ku mu batula mu junda ia povo iê.

Ijila 7:22

Jihova anga u ambela dingi Mozé, uixi.

Ijila 7:25

Kuma uoso u dia ku banha ia kibhaku kia kuila athu ene ku ki satela Jihova, mu sata ia kubhakula túbhia, ió muthu ua ku mu batula mu kionge kia mundu uê.

Ijila 7:27

Uoso u dia manhinga oso-oso, ió muthu ua ku mu batula mu kionge kia mundu uê.

Dialuilu 19:22

O uoso ua kasana, kioso kia kuata ki kasana ue; o uoso ue dingi u mu babata u kasana katé mu ngoloxi.

Matendelelu 14:10

Maji ioso kiá i kamba o ibhébhe, ni ibhialabhiábhia kana ku idia; ioio kitenu-iu xitu ia xidi kuma iama ia misalanganda.

Matendelelu 14:3

Kana-phe kúdia jinga ima i ibhila Nzambi.

I Samuuele 20:26

Saúlo-phe kà zuela kima kizuua kienʼokio; ua fika, uixi: Sai kioso kia mu bhiti, iu ua kasana; ua bhingi hangi ku di bonza.