Ijila 7:16 - O Mikanda Ikola

¹⁶ Sata iê se i kala ia kukumbidila hàsa ia te, mba ujitu ua ku di fikixila mu vondadi iê, a i dia mu kizuua kiene kia bheka o sata iê; o kioso kia subhuka-ku, a ki dia ki kúkia.

Ijila 7:16 ပူးပေါင်းရင်းမြစ်များ

Jisálamu 116:14

Ngi futa jipolomesa jami, ji nga plometela kua Jihova, ngi ki bhanga muene bhu pholo ia mundu uê uoso.

Jisálamu 116:18

Ngi futa jinga jiplomesa jami, ji nga polometela kua Jihova, ngi ki bhanga muene bhu pholo ia mundu uê uoso;

Jisálamu 66:13

O ki ngalʼiki, ngi bhixila mʼonzo ié ni jisata ja kuoha; ngi bhana muene kioso ki nga di hambelela kokué.

Makatukilu 35:29

Anʼa Izalaiele a bheka ujitu ua vondadi iâ kua Jihova; ni mala ni ahatu oso ala ni vondadi ia muxima, a bheka ima ioso ia tokala mu kikalakalu kia kuiudika ioso ia tumu Jihova kua Mozé.

Jisabhu 7:14

Lelu ngala ni jisata ja paze ku bhata; kuma lelu ngi kumbidila o jihasa jami ji nga di hambelela.

Izekiiele 46:12

O kilamba kia Izalaiele se uamba kubhana ujitu ua ku di fikixila kua Jihova, kixi ua kubhakula ni túbhia kua Jihova, mba jisata ja mutululuku, a mu jikuila-phe o dibhitu dia talela ku mutundila-kumbi; o muene anga u bhana o sata iê ia kubhakula ni túbhia kua j Jihova, ni jisata jê ja kutululuka, kala kiene mu kubhanga mu izuua ia sabhalu; anga u tunda kiua, o dibhitu anga mu di jika kuila muene ua tundu kiá.

Ijila 22:23

Maji-phe, se ngombe, mba kibhaku kioso ku hombo ni mbudi, kialebhelela idiandu, mba kiabutu idiandu, se uedi u ki bhakula mu ujitu ua ku di fikixila, kiauabha. Maji ku ki bhakula mu futa hasa ia tele, a dituna-nakiu, ka ki ẋikina.

Ijila 22:29

Jihova ue, se muambe ku mu satela sata ia jiphembele, mu ki bhanga-phe ni muxima uenu.

Ijila 23:38

Ku ima iii o jisabhalu ja Jihova ja di kalela, o ma-ujitu menu ue ma di kalela, ima ienu ia kufuta o hasa joso ji mua te ia di kalela, o ma-ujitu menu ma ku di fikixila, ma kubhana Jihova, ma di kalela ue.

Nahumu 1:15

Talesenu kiá ku milundu, o inama ia ió ua mu bheka o jingolokela ja njimbu iambote, o inama ia ió ukola o kutululuka. Eie Juda, bhanga kiá o fesa jé, kumbidilenu o jihasa jenu kua Nzambi, mukonda abhumu kà ka tona kubhita dingi moxi ienu. Ngà a bhuikisa-ku kiá.

Dialuilu 15:3

hé mua mesena Jihova mu mu satela ni túbhia, mba sata ia kuoha, mba sata ia mutululuku, mba mu bhanga hasa, mba mu bhanga ujitu ua kudifikixila, mba mu jifesa ja mi tumu, kubhanga dizumba diambote kua Jihova ni kibhaku kia dikota mba kiofele;

Matendelelu 12:11

Kiene kiua Jihova Nzambi ienu kia kà sola kididi bhua kà tunga ue kiá o Dijina diê; o bhenhobho bhene bhu mua kà bheka jinga ioso-lolo i nga mi xindi: jisata jenu ja kuoha, mibhaku ienu ia kusatela, ni madijimu menu, ni ma-ujitu menu ma ku di fikixila bhu lukuaku luenu, ni ioso kiá i mu sola kubhakula ni hasa ioso i uate kua Jihova.

Matendelelu 12:17

O madijimu kana ku ma dila kubhata dienu: ni díjimu dia idima ienu, ni dia maluvu menu, ni dia maji menu, ni jiphande-kumbi ja jingombe jenu ni ja jimbudi jenu; katé ni ima i mua plometela ku hasa ioso i mua te, ni mibhaku ioso ia vondadi, ni maujitu ma ku di fikixila bhu lukuaku luenu;

Matendelelu 12:26

Maji ioso ima i ua lumbila Nzambi, ni ioso kiá i mua tela hasa ienu, muiza na-iu muene bhu kididi kioso kia tungula Jihova,

Matendelelu 12:6

Bhene bhu muenda ni kubheka o jisata jenu ja kuoha, ni ibhaku ienu ioso ia kusatela Jihova, ni madijimu menu ni maujitu menu ma ku di fikixila bhu lukuaku luenu, ni jihasa jenu, ni mibhaku ienu ia vondadi, ni jiphande-kumbi ja jingombe jenu ni ja jimbudi jenu.